فكرونى

3
حد منكم يفكرنى احكى لكم حكاية جارى والقطة والخمس كلاب .. لو ما حدش فكرنى مش هاحكيها لكم ..

 

إضافة 2011-09-18
غير محدد

التعليقات

MaDa 2011-09-18
نفكر حضرتك امتى ؟
safaa 2011-09-18
وازاى!!..وليه بتديلة +1 يامادا هو لسة قال حاجة
الباشمهندسة 2011-09-18
يلا يا عبدو احكي اديني جبت الشلتة واقعدت علي الارض ومستنية اسمع الحدودتة :(
الباشمهندسة 2011-09-18
اكيد هتطلع حدودتة حلوة ان شاء الله وهو بيشوقنا عشان كدا يستاهل +1
safaa 2011-09-18
انا افتكرت..بس ياريت لو حد قلبة خفيف زى حالاتى كدة بلاش يقرأها
عبد المنعم 2011-09-19
معلهش ياجماعة اتضح ان الحكاية قطة وخمس ذئاب . بس والنبى فكرونى احكيهالكم !!
الباشمهندسة 2011-09-19
ماشي ماشي هتاقعد مجرجرنا وراك كدا لحد امتي؟
عبد المنعم 2011-09-21
لغاية بس ما اتاكد هم كانوا ايه بالضبط !!! ولا عاوزين حكاية متلفقة ؟؟
الباشمهندسة 2011-09-21
انا صبري قرب ينفذ والمرة الجاية لو محكتش الحكاية هشيل ال+1 بتاعتي ولو زاد التأخير هخليها -1 ....واعتبره تهديد... هاهاهاها
safaa 2011-09-21
انا بقى مش هازودة الا لما يقول ايه اللى حصل ...لا تقلقى
عبد المنعم 2011-09-22
يعنى احنا بنتكلم فى 5 كلاب او ذئاب ؟؟.. طب انا قتلت النهارده 5 فيران !!! .. بس ده موضوع غير الاولانى
الباشمهندسة 2011-09-23
احنا ان شاء الله كدا هننتظر الي نهاية الخليقة ولا ايه؟
عبد المنعم 2011-09-23
خللى بالك طويل شوية ؟؟ انت تعرفى حد فى بنها ؟
عبد المنعم 2011-09-26
الراجل خرج الى البلكونة لما سمع اصوات مفزعة .. نونوة وهوهوة وعواء .. شاف خمس كلاب او ذئاب عاملة نص دايرة على قطة لونها اسود فى ابيض ( مع ان الغفير تانى يوم قال انها رمادى ) .. يبدو ان القطة بحكم انها صاحبتى من المنطقة وقاعدة عندى هى وبنتينها جالها شعور بالقوة فنفخت نفسها وراحت بخة فى وشهم .. _ جارى هو اللى بيحكى _ وفى ثانية واحدة لا بقى فيه قطة ولا نص دايرة من الكلاب او الذئاب .. والراجل بيتفرج .. ولا عمل اى حاجة .. على الاطلاق .. وانا اللى متدبس حاليا فى تغذية القطتين ولادها ..
MaDa 2011-09-26
هههههههههههههههههههههههههههههههههههه
عبد المنعم 2011-09-26
يواد روح اعمل لك حاجة مفيدة ... انت عامل ايه ؟؟
MaDa 2011-09-26
الحمد لله عايش وبستعد عشان الدراسة هتبدأ الأسبوع اللي جاي إن شاء الله :(
حضرتك وخالتو عاملين ايه .. يارب تكونوا بخير وفي أتم صحة وعافية :(
وايه اخبار القطتين :D
MaDa 2011-09-26
شارك معانا يا عمو في عدنا مع ... مين اللي هيقعد على كرسي الاعتراف .. الآن مع الضحية العشرين ..المهندس/ Ahmed Hussien .. الكل منتظر حضرتك .. بس استنى على الصفحة شوية عشان تحمل كلها
MaDa 2011-09-26
عايزين نتفرج على أسئلة حضرتك :(
الباشمهندسة 2011-09-26
بقي كدا يا سي عبدو ... بقي انت عمال تشوقنا وتشحتفنا وفي الاخر طلع الموضع حملة تبرعات لاولاد القطة طيب ياسيدي ليك منى نص كيلو لبن ...عموما الخير مش بيروح ...وهنيالك يافاعل الخير والثواب :(
zedony.com - A mmonem.com production. عن زيدوني - Privacy Policy