كيف تستغل الأجازة الصيفية الاستغلال الأمثل .. يلا نعمل روشتة للأجازة

7
الحمد لله الامتحانات خلصت وعدت بسلام .. وبدأت الأجازة عشان كده فكرت اننا نعمل روشتة يبقى فيها الطريقة المثلى لاستغلال الأجازة بدل ما تضيع بدون فايدة ..

طب هنعملها ازاي

كل واحد فينا هيكتب رؤيته وأفكاره في اجابة وفي الآخر نجمع كل الأفكار ونصيغها بشكل سهل ومفهوم وننشرها في الصورة النهائية كروشتة ..


لو في اي فكرة احسن للموضوع ده ياريت كلنا نشارك بيها

وان شاء الله بعد ما نخلص الروشتة دي .. بفكر نعمل روشتة رمضانية .. كيفية التعامل مع شهر رمضان كعبادات وسلوكيات وكل حاجة تخصنا ..

تمـــــت
روشتة الأجازة الصيفية .. كيف تستغل وقت فراغــك ؟!

 

إضافة 2011-06-25
MaDa
11058
غير محدد
تعديل 2011-08-07
MaDa
11058

التعليقات

safaa 2011-06-25
100 100 يامحمد وبالنجاح والتفوق باذن الله+1
Noura 2011-06-25
واللي مش عنده اجازة يعمل ايه :(
MaDa 2011-06-25
يفيد الي عنده أجازة وينصحه يستغلها ازاي :D
MaDa 2011-06-25
يارب يا خالتو ربنا يسمع من حضرتك :(
زغباوية 2011-06-25
احييك بشدة على هذه المبادرة الفعالة وانا معاك وان شاء الله يكون هذا الموضوع نواة لعمل فعال كبير يارب
MaDa 2011-06-25
يارب ان شاء الله

الإجابات

4
طيب انا عندى فكرة ان الكل يخلي هذه الاجازة لبناء ونهضة مصر
واللى مايقدرش نخليها ممكن للمساعدة والتعاون في الاعمال الخيرية
يعنى الكل يشترك ويتطوع في اى جمعية خيرية قريبة منه
الفكرة دى :
1- هاتنمي لنا روح العمل الجماعى
2- هاترتب افكارنا واولوياتنا
3 اعتقد هاتحطنا على اول الطريق للتفكير السليم ايه اللى محتاجينه علشان نهضة مصر وبناءها
:-( :-(

بالاضافةالى فكرة تانيةوهي زيادة الثقافة بتاعتنا عن طريق القراية مثلا كل واحد يقرأ كتاب يكتب لنا مقالة موجزة عما قرأه وبكدا:
1- يشجع الناس على القراية
2-ويكون ساهم بجزء بسيط في تثقيف الناس
إضافة 2011-06-25

التعليقات

MaDa 2011-06-25
الفكرتين أجمل من بعض .. بجد أحييكي على تفكيرك الايجابي+1
زغباوية 2011-06-25
بس انا مش عايزة +1 وخلاص فعلا محتاجة تشجيع بالفعل والتفكير والتنفيذ
MaDa 2011-06-25
اكيد مش الهدف من الموضوع او الافكار 1s+ وخلاص .. ان شاء الله الروشتة هتكمل وتتنفذ .. ده لسة ان شاء الله كمان انا بفكر في الروشتة الرمضانية .. ازاي نتعامل مع شهر رمضان في كل حاجة ..
زغباوية 2011-06-25
ياسلام على النشاط بدأت ترجع ليا الامل تاني
MaDa 2011-06-25
هو في حاجة حصلت وانا غايب خلتك تفقدي الأمل .. والأمل يرجع في ايه بالظبط ؟؟ :S
زغباوية 2011-06-25
الموضوع كله انى بحب النشاط وبحب اعمل حاجات كتيرة لكن مش لاقية اى تشجيع بل بالعكس كله احباط في احباط فبتجاهد شوية وبعدين بيجيلك نوع من الخمول والكسل
وده موضوع كنت عاملاه قبل كدا وطبعا التفاعل مش هو اللى كنت بحلم بيه
اسبوع الخير
الباشمهندسة 2011-06-26
كلام جميل ... كلام معقول ... مقدرش اقول حاجة عنه :(
MaDa 2011-06-26
ان شاء الله يا زغباوية هتلاقي نشاط على طول بس يارب مش تزهقي مني :D
زغباوية 2011-06-26
لا طبعا بالعكس وربنا يقدرك وتطلع بحاجات مفيدة كتيرة الاجازة دى وكمان تقدر تفيد ناس كتيرة
6
رأى أن نجعل هذا الموضوع مجال التداول خلال هذا الشهر
1- نجمع أطفال العيلة فى بيت واحد مرة أسبوعيا ونحدد لهم عمل ينفذوه مجتمعين لنعلمهم العمل الجماعى
2- يجب توجيه الطفل لكى ينمى مهاراته الشخصية
3- حفظ القرأن الكريم
4- تعلم اللغة الإنجليزية والفرنسية والعبرية
إضافة 2011-06-25
تامر
5060

التعليقات

زغباوية 2011-06-25
حلو الكلام جدا جدا بس محتاجين افكار من بعض علشان الفكرة توضح
بمعنى
1-احنا ممكن نجمع الاطفال لكن ايه هي الحاجات اللى عايزينها يعملوها
2- ايه هي المهارات اللى عايزينهم يكتسبوها
3- لحفظ القرآن ممكن نحدد اجزاء نبدأ بيها مع بعض ونسمعها لبعض مثلا عن طريق الكتابة هنا في الموقع (الكتابة بتساعد الحفظ بسهولة)
4- ممكن نعمل دورات في الموقع لتعليم اللغات بمعنى ان واحد شاطر مثلا انجليزى كل يوم يكتب لنا قاعدة او يقولنا مواقع تعليمية تفيدنا
(انا بتكلم عن الموقع لكن طبعا ان الشباب يستفيد من وقته في الاجازة ويحفظ قرآن وياخد كورسات فعلا هدف جميل ومفيد وخصوصا الانجليزي والعبري
:-( وعايزين اللى يبدأ في التنفيذ ويشارك يقول علشان كلنا نتشجع

عايزين خطوات تنفيذية
الباشمهندسة 2011-06-26
طب الانجليزية وعرفنها ... عشان المدرسة
والفرنسية وعرفنها ... بردو عشان المدرسة
انما العبرية عشان ايه بقي ؟ الا اذا كنت تقصد لغة عدوك :p
زغباوية 2011-06-26
اكيد لازم نعرف لغة العدو علشان نقدر نفهم
الباشمهندسة 2011-06-26
ياستي يعرفو العربي والانجليزي كويس الاول و بعدين نركز في العدو ...صاحب باللين كداب وصاحب تلاتة منافق
تامر 2011-06-26
انتى شوفتى الجاسوس التمسك كان عامل ايه
زغباوية 2011-06-26
كان بيتكلم عربي كويس جدا
3
لتعليم اللغة الانجليزية



www.ego4u.com

www.usalearns.org/index/welcome.cfm?CFID=1338613&CFTOKEN=57087390&jsessionid=1a307ecab154d4a6902f3945994d3265125b

إضافة 2011-06-29
تامر
5060

التعليقات

زغباوية 2011-06-29
معلش ممكن تجيب الرابط تاني
تامر 2011-06-29
how to left Alignment
زغباوية 2011-06-30
زغباوية 2011-06-30
انا دخلت عليهم وعملتلهم كوبي وبست وجيبتهم تاني
زغباوية 2011-06-30
+1 شكرا جدا هما شكلهم كدا موقعين جامدين اوى في اللغة الانجليزية
4
يا أهل الموقع .. زيدوني اقتراحات .. عايزين نطلع الروشتة وننشرها بقى :(
إضافة 2011-07-20
MaDa
11058

التعليقات

safaa 2011-07-20
يالا طلعها ياحمادة واتكل على الله+1
الباشمهندسة 2011-07-20
الاعضاء كلهم الحر تعبهم والافكار بتتبخر ... اديهم فرصة تانية :(
زغباوية 2011-07-20
فعلا ياباشمهندسة الحر سيح افكارنا
MaDa 2011-07-20
الصيف قرب يخلص .. إن شاء الله قبل رمضان لازم تكون خلصت .. الأفكار اللي موجودة لحد دلوقتي هايلة .. يلا شدوا حيلكوا شوية :(
زغباوية 2011-07-20
طيب يالا احنا ماشوفناش افكارك
MaDa 2011-07-21
SoOoOoOOoOOoOoOoOOOOooOOoN :(
زغباوية 2011-07-21
طب انا هاوقلك فكرة مقتبسة من الباشمهندسة
الروشتة لكل الشباب:
اقروا وادخلوا زيدونى اكتبوا اللى قريتوه
4
بصوا خير الأمور الوسط مش معقول الأولاد يخرجوا من دراسه لدراسه يعنى يذاكروا فى الأجازة كمان
موضوع تحفيظ القرءان هايل واللغات خلوها حسب الرغبة
انا عندى فكرة ليه مانعلمهمش حرفه أوأشغال يدويه بسيطه وجميلة ممكن حتى تتباع وتدخل لهم فلوس أويتبرعوا بفلوسها للبلد وبكده يبقى ترفيه وتعليم وأبتكار وخيال وفن وفلوس كمان
يعنى مثلا يعملوا مشغولات خشبيه-طباعة أو رسم بالألوان على التيشرتات-رسم على الزجاج-حلى بالخرز مختلف الألوان-يعملو شنط ومحافظ ومقالم ببقايا القماش- شوية مشغولات زى الأسبته اللى بسلك النحاس-عرايس بأنواع الخامات المختلفه-محاولة أستغلال كل ماعندك فى أى عمل فنى أنا شخصيا لسه عامله حاجه لذيذه بخلة الطعام عملت هيكل فانوس وعلقت عليه أضواء وكمان عملت فانوس من الخشب دمه خفيف
إضافة 2011-07-21
loleta1
14181

التعليقات

زغباوية 2011-07-21
ياسلام على الافكار
الباشمهندسة 2011-07-21
جميل قوي ... والعيال كلها بتحب الالوان والقص واللزق
loleta1 2011-07-21
أدوهم زقه وهما هيجروا على طول وكمان هيطلعوا أفكار ماجتش على بالنا
MaDa 2011-07-22
يااااااااااااااه .. حمد الله على السلامة يا لوليتا فينك من زمان :(
وبالنسبة للفكرة فلا غبار عليها .. بجد تحفة +1 :(
loleta1 2011-07-22
الحمدلله الكمبيوتر ربنا قومه بالسلامة لأن أخر وعكة كمبيوترية كانت شنيعة شوية وأضطروا يزرعولوا وندوز جديد ومر بفترة نقاهه ووقف ربنا يستر ومايطب تانى لأنكم وحشتونى وكان عندى أكتئاب كبير من غيركم
MaDa 2011-07-22
حلوة أوي الحبكة الدرامية دي :D
انتي كمان وحشتينا جدا وبعد الشر عليكي من الاكتئاب :(
loleta1 2011-07-22
مرسى لزوقك يامادا
zedony.com - A mmonem.com production. عن زيدوني - Privacy Policy