اسبوع الخير

6
الفكرة ان كل واحد او واحدة فينا الاسبوع اللى جاى كله هايكون هدفه الاساسى عمل خيرى يقوم به ويحث الناس حواليه عليه
زووم على الفكــــــــــــــــــــــــرة :
كل واحدة من ستات البيوت المدبرين هاتقتبس مبلغ معين تقدر تجنبه من مصروف الشهر مبلغ صغير مش كبيرحتى لو 5 جنيه او حتى جنيه واحد علشان مانتقلش على حد والفكرة تكون بسيطة وهى كدا بتشترى الخضار او لبس او اى حاجة او بتصلى فى الجامع هاتبص حواليها او حتى بتتفرج على تلفزيون او قاعدة على النت ولاقت اعلات عن حاجة خيرية او حتى بترغى مع اصحابها تشوف لنا ايه اللى ممكن نعمله كمثال مستوصف فاتح جديد وعايز تبرعات لمستلزمات طبية او جامع وعايز سجاد او حتى واحدة بتتجوز او اسرة فقيرة او جمعية خيرية تقولنا انشطتها ونساهم فيها
*طبعا كلنا هانعين ازواجنا برضوا على كدا وهانشركهم معانا على الاقل يحسوا ان لينا فكرنا البناء مش كله تنظيف واكل وبيت وعيال واكيد هايفرحوا بينا

طبعا لو حد قراء هذا الموضوع من الرجال ياريت يعمله معانا وياريت طبعا يشرك مراته او اخته او امه او حد من قرايبه معاه وبكدا نكون ضربنا كذا عصفور بحجر واحد وهى:1: ان الزوج والزوجة يعينوا بعض على طاعة الله وكدا يقربوا من بعض اكتر بدل ما كل يوم خناق على حاجات صغيرة2: صدقة وياريت كمان لو تكون جارية فى عمل كبير 3: صلة رحموممكن اطلعلكوا حاجات تانية كتير لو تحبوا بس مش وقتها الفكرة قد تحتاج الى تنقيح وتعديل اللى عنده افكار يضيفها لو سمحتم علشان نعين بعض
واللى عمل حاجة او شاف حد عمل حاجة يقولنا من باب ان احنا نعين بعض ونفتح افكار (قد تكون غائبة عننا) لبعض
دى الفكرة الاساسية وعندى كذا فكرة فرعية بس لما الاقى ان حد متفاعل معايا

 

التعليقات

زغباوية 2011-04-08
انا مش عايزة نقــــــــــــــــــــــط انا عايزة تفاعل وتعليقات
tafatifi 2011-04-09
الفكرة جميلة فعلا ..... انا معاكو طبعا
TOOTOOMEX 2011-04-09
دى فكره هايله جدا كان نفسى من زمان اعمل جمعيه لاعانة الشباب على الزواج او اعانة اسره على العيش او دفع مصاريف المدارس لاسره غير قادره وعارفه انا بنفذ فى المحيط بتاعى يعنى لو حد عاوز يتجوز اجبله بوتوجاز او سجاد او اى حاجه اقدر عليها وطبعا حاجات تانيه يعنى اللى اقدر عليه يار يت تبقى فكره جماعيه والله الموفق goooo
زغباوية 2011-04-09
اولا ياتوتو ربنا يعينك ويقدرك على فعل الخير
ثانيا عايزة اوضحلك ان مفيش حد من اعضاء الموقع بيفهم فى موضوع الجمعيات ولا الحزاب خالص وماعتقدش كمان ان حد عنده النية اصلا
بس فكرتى ان احنا فى الاسبوع الجاى ده كلنا مع بعض وكل واحد فى مكانه وحتته يبحث ويعمل خير ولو بدأنا ياريت كمان نجمع حولنا اصحابنا او اهلنا من نفس الحتة او اماكن مختلفة يجمعوا ناس تانية وهكذا وكل واحد يقولنا عمل ايه علشان نعين بعض بكدا نقدر واحدة واحدة الموضوع يكبر وفكرة على فكرة نعمل فكرة كبيرة وان شاء الله ربنا يسهلها لنا
زغباوية 2011-04-10
انا حاطيت لكم تحت روابط لجمعية رسالة عايزين حاجات تانية علشان الناس كلها تشتغل بقى ونصحصح بعض
الاستاذة 2011-04-10
اولا احييكي على الافكار البنائه دي وانا معاكي بإذن الله
ثانيا انا عندي اقتراح احنا ممكن نضيف اولادنا للفكرة من مصروفهم ولو حتى بربع جنيه المهم يفهموا معنى التبرع او مساعدة الناس دلوقتي من صغرهم بمشاركتهم معانا ويبقى منها ساعدنا شخص محتاج وفي نفس الوقت علمنا اولادنا معنى المساعدة او المشاركة مع احتياجات الناس........والله الموفق
saso 2011-04-19
فكره جميله جدا
زغباوية 2011-04-19
طيب يالا عايزين افكارك
الباشمهندسة 2011-06-26
فيه مشروع جديد لتطوير العشوائيات في مصر قائم علية عمرو خالد مع محمد صبحي اسمة مشروع المليار. البنك المركزي 555/666/7
وكمان مشروع بناء الانسان البنك الاهلي 8888
بس الارقام مش متأكدة منها ... انا سمعت عن المشروعين في برنامج عمروخالد بكرة احلي جميل قوي بيجي علي القناة الثانية يوم الخميس بالليل هتلاقي فيه افكار حلوة تفاعلية خيرية كتير
زغباوية 2011-06-26
ايوة فعلا شوفته كتير وللاسف بيجيلي احباط علشان الواحد مش عارف يتفاعل بجد جايز علشاتن الولاد لسة صغيرين ومش بيعرف يتحرك منهم

الإجابات

2
ده رابط جمعية رسالة الصفحة الرئيسية
http://www.resala.org/

وده رابط كيف تتطوع ومجالات التطوع
http://www.resala.org/HowToVolunteer.aspx

وده رابط كيف تتبرع حتى لو من بيتك عايز تبعتلهم اى حاجة فلوس لبس ورق ........
http://www.resala.org/How.aspx

وده رابط لكل فروعها فى انحاء الجمهورية اختار محافظتك وهو هايجبلك كل العناوين فى المحافظة

http://www.resala.org/City.aspx

وعايزة اقولكم حاجة فيه ناس كتيير مش فاضين واللى فاضيين زيي برضوا عندهم شغل البيت والولاد وخلافه فى رسالة عاملين انشطة من البيت مثلا فى نشاط مساعدة المكفوفين هما عندهم طابعة برايل بس عايزين متطوعين يكتبوا الكتب والمذكرات فى البيت ويبعتوهالهم من خلال النت او عن طريق سى دى وهما يطبعوها وده نشاط سهل وبسيط لاى حد على فكرة انت بتاخد حواى 10 او 15 ورقة فقط يعنى تخلصهم فى يومين او 3
عايزة ارائكم ومساهمات تانية
وكل شوية هاقولكم نشاط سهل وبسيط برضوا
إضافة 2011-04-10
3
اولا احييكي على الافكار البنائه دي وانا معاكي بإذن الله
ثانيا انا عندي اقتراح احنا ممكن نضيف اولادنا للفكرة من مصروفهم ولو حتى بربع جنيه المهم يفهموا معنى التبرع او مساعدة الناس دلوقتي من صغرهم بمشاركتهم معانا ويبقى منها ساعدنا شخص محتاج وفي نفس الوقت علمنا اولادنا معنى المساعدة او المشاركة مع احتياجات الناس........والله الموفق
إضافة 2011-04-10

التعليقات

زغباوية 2011-04-10
ايوة كدا +1
tafatifi 2011-04-10
فكرة جميلة جدا +1111111111
2
وده رابط لبرنامج عمرو خالد الجديد ومحتاج الكل يشارك معاه

http://forum.amrkhaled.net/showthread.php?t=393633

ونصه :شاركوني في التحضير و الثواب.. حلقة المقدمة (الاصطفاف) - منتدى موقع الدكتور عمرو خالد
إضافة 2011-04-19
3
انا نفذت مشاركة الاولاد في الموضوع ده بأني جبت علبة عسل بلاستيك وعملت فيها فتحة في الغطا كأنها حصالة (غير حصالتهم)وعرفتهم ان اللي عايز يساعد حد يضع اللي يقدر عليه هنا من غير ما يقول للباقيين هو وضع كام وان الفلوس دي لوجه الله تعالى علشان نساعد بيها المحتاجين
إضافة 2011-04-20

التعليقات

زغباوية 2011-04-20
فكرة حلوة جدا اعملها ان شاء الله
3
حساب البنك المركزى لحساب تطوير العشوائيات 555666\7
إضافة 2011-07-02
TOOTOOMEX
6258

التعليقات

زغباوية 2011-07-02
+1 فينك ياتوتو وحشتينــــــــــــــا
TOOTOOMEX 2011-07-02
انا اهو وحشتونى
2
صندوق التبرع لاهالى الشهداء ومصابى الثوره
19488
إضافة 2011-07-02
TOOTOOMEX
6258

التعليقات

زغباوية 2011-07-02
+1
3
للتبرع لمدينة زويل العلميه
1000\1000
إضافة 2011-07-02
TOOTOOMEX
6258

التعليقات

زغباوية 2011-07-02
+1
2
i like this work alot and i want to be with you i that but i don't know how i thought one day to talk to dr. amr khaled and to share him in his work but things didn't go well i didn't find a way to talk to him and on the facebook he didn't answer i realy wanna be with any one in a work like this.

إضافة 2011-07-02

التعليقات

زغباوية 2011-07-03
جميل جدا بس ممكن تبدئى في الاجازة فى اقرب جمعية خيرية في منطقتك وهاتلاقي شغل كتير او فكرى لنا في حاجة تانية
Emy S. Ahmed 2011-07-04
okey i will
zedony.com - A mmonem.com production. عن زيدوني - Privacy Policy