القصة المسروقه " فرقة ناجى عطا الله "

3
المسلسل يعتبر اكبر عملية تطبيع شعبي لتسويق وتعويد الناس علي قبول متابعة المسلسلات التي تحكي عن القطعان الصهيونية المحتلة لارض فلسطين
فهذه اول مرة سيجلس المشاهد المصري لمتابعة مسلسل عن الداخل الصهيوني وبعد ذلك سيتحول وكانه شئ عادي

_ مسلسل ناجى عطا الله "للمشخصاتي" عادل إمام والذى صدعونا عنه كلاما وإعلانا وضجيجا منذ ثلاثة أعوام .. إتضح بكل بساطه أن الفكره مسروقه ومقتبسه من الفيلم العالمى أوشن 11 ( Ocean's Eleven ) !!

_ أوشن 11 ( Ocean's Eleven ) هو فيلم روائي مقتبس عن فيلم يحمل نفس الاسم أنتج عام 1960 وكان بطولة فرانك سيناترا .. قام ببطولة النسخه الأخيره عدة نجوم منهم جورج كلوني ، وبراد بيت ، ومات ديمون .. أنتج عام 2001 ، وأخرجه ستيفن سودبيرج .. وقد لاقت نجاحا منقطع النظير ..

_ تدور قصة الفيلم حول عصابة من 11 فردًا يخططون لسرقة خزينه كازينو في لاس فيغاس وينجحون في تلك العملية ..

_ جدير بالذكر أن هذا المسلسل فرقة ناجى عطا الله كان من المفترض عرضه العام الماضى لولا قيام الثورة وتوقف تصويره .. وكان الأجر المعلن لعادل إمام" 30 مليون جنيه عن 30 حلقه بمعدل مليون جنيه عن كل حلقه مدتها نصف ساعه ويظهر فيها عادل امام فى عشرة دقائق فقط !!

_ هذا هو إبداع أهل الفن فى مصر سرقه علنيه لأفكار الغير وصياغتها بشكل ممل بلا حبكه دراميه ولا تشويق .. ويملئون الدنيا عويلا وبكاءا دفاعا عن حرية الإبداع !!

أى إبداع أيها اللصوص .. وأين هو ؟؟!!

يبدو أن الإبداع الوحيد الذى يعرفه أهل الفن "مهنة الرذيله" فى مصر هو العرى والسفور والفجور والإبتذال ومحاربة الفضيله والأخلاق !!

 

إضافة 2012-07-29
منقول

التعليقات

HoSSaM 2012-07-29
-1
أنا متابع جيد للمسلسل وأجده مناسب من جميع النواحى أما عن التشويق والأثاره فأنا أنتظر الحلقه حتى أعرف ماذا حدث لأن رامى إمام المخرج ينهى كل حلقه على لقطات هامه من الحلقه القادمه
HoSSaM 2012-07-29
والمسلسل تم تصنيفه معدى لدولة أسرائيل ومحرض على المقاومه ضدها
http://www.alwafd.org/أخبار-وتقارير/13-الشارع السياسي/245776-إسرائيل-ناجى-عطا-الله-يحرض-ضد-اليهود
محمد عبد المنعم 2012-07-29
بصراحة أنا مبطيقش عادل إمام ومقتنع من جوايا بالفعل إن موضوع الفن في مصر (مش عموما طيعا لكن أقصد الإنتاج من مسلسلات وأفلام وبرامج) هدفه الوحيد الأوحد هو جني الأموال الطائلة

ومفيش من الممثلين إلا قليل القليل هم من عندهم رسالة حقيقية والقليل القليل من القليل القليل الأولانيين هم اللي رسالتهم رسالة خير مش رسالة شر وأكيد عادل إمام مش منهم طبعا
زغباوية 2012-07-29
انا شفت جزء منه ماقدرتش اكمل لان ماحسيتش فيه باى صدق او ابداع كا افلام عادل امام الفيلم كله سفالة ودنوا فى الافكار واللقطات مع وجود هدف يبان انه كبير يجي فى دقيقتين من الفيلم كله
وقارنوا بينه وبين مسلسل جمعة الشوان اللى كنا بنستنا حلقاته وبتتعاد وحاسين فعلا انه حقيقي
HoSSaM 2012-07-29
حرام عليكى يا زغباويه تحكمى على عمل فنى كامل لمجرد إنك شفتى دقيقتين مش حلوين

أنصحك بمشاهدة حلقة اليوم 10 ولو هتيجى على نفسك وبعدهاأحكمى منها على المسلسل

أنا مش مصدق إنى ممكن أقرء سطر من مقال مش على هوايا أو دون المستوى مثلاً وأقول دا مقال سئ أو الكاتب مش عارف يوصل وجهة نظره

المؤبف يوسف معاطى مبدع بشكل عام ككاتب وأنا قريت أكتر من كتاب له وسأهدى لكم الأن كتاب صايع بالوراثه أدعوكم لقراءته والتعرف على يوسف معاطى
محمد عبد المنعم 2012-07-29
آسف يا حسام ... لو دقيقتين قلشو من المخرج يبقى تقدر نقول إنه بالسلامة! ... وبعدين العمل مش مجرد مؤلف يا حسام ... العمل مخرج. وفي حالة واحد زي عادل إمام بيبقى هو الأقرب لدور المخرج عشان مقامه المزعوم ... حاجة كده زي حسني مبارك ... طبعا مش بتكلم عن فنيات الإضاءة والديكور والتصوير ... بتكلم عن الإحساس
HoSSaM 2012-07-29
والله يا باشا أنا مقتنع بوجهة نظرك ومش ضدها بس ما تيجى نجرب نعرف الحقيقه ونشوف الحقه النهارده سوى ونتقابل بعد الفطار ونتناقش فيها

أعتقد إنها تدخل تحت بند العلم والمعرفه وأنا شخصياً من عشاق الزعيم لأنه بيقدر يضحكنى وخصوصاً إن بحب أفيهاته هو أبنه محمد

وأنا أى عمل يجمع بين يوسف معاطى أو وحيد حامد مع عادل أمام لازم أشوفه من الألف إلى الياء وأبنى رأيى عليه لأنى زى ما قلتلك يا باشا قبل كده إنى بتحاسب على كل كلمه تخرج من دماغى لأن هناك من يؤمّن على كلامى ويقول هكذا قال حسام

- تعالوا نعمل التجربه دى ونشوف والحلقه مش هتعطلنا أكتر من نص ساعه يعنى لو وقتنا مزحوم جداً ممكن نوفرها من أى بند
HoSSaM 2012-07-29
وعلى فكره أنا قبلت عادل أمام أيام جماعة الصحافه بالكليه وهو شخص محترم ومقبلتى معاه خليتنى أحبه على الرغم من إن أغلب الناس قالتلى أنه مغرور و متعالى
ولكنى لم أجد أى شخص تعامل مع هذا الفنان القدير عن قرب وقال عنه هذا الكلام من أول البواب اللى فتح لنا الباب لغاية السواق
محمد عبد المنعم 2012-07-29
ليس لدي أي وقت ... للأسف الشديد يا حسام ... مع أني ومن زمان بستمتع بإني أطلع أخطاء فنية في المسلسلات وبتبقى أكثر حاجة بتشدني وخاصة لو كان العمل ركيك.
HoSSaM 2012-07-29
بس العمل مش ركيك يا ريس وهو جيد من جميع النواحى ولو حضرتك مش عارف تقدر تسأل متخصصين نقاد فنيين
أو تتابعه وتذكر سلبياتك عليه
محمد عبد المنعم 2012-07-29
مش قصدي العمل ده طبعا ... لأني ببساطة معرفش حتى إن في مسلسل بالإسم ده
HoSSaM 2012-07-29
كان الله فى العون يا باشا
HoSSaM 2012-07-29
[ __مشاركة محذوفة__ ]
zedony.com - A mmonem.com production. عن زيدوني - Privacy Policy