حاجة تفرس جدا .... لابد من حل !!!

4
مش ممكن حجم الاعلانات في فواصل البرامج ... بسبب الموضوع دا قررت من السنة اللي فاتت اني ماتفرجش علي اي برامج في رمضان .... ولكن لما سمعت عن عُمر صانع حضارة حبيت اتفرج عليه وقررت اتابعه في ميعاد الساعة 6 علي قناة المحور ولكن المشكلة ظهرت كل شوية فاصل اعلاني لايقل عن عشر دقايق وكلها اعلانات لمسلسلات وبرامج مبتذلة والواحد يضطر يسمعها او يقوم لحد ما يرجع البرنامج تاني ....حاجة مملة جدا انا عارفة انها مصدر دخل للقناة وممكن تكون بتصرف علي البرنامج نفسه بس الموضوع بقي زيادة قوي لانه تخطي الاعلان عن منتجات ودخل معها مسلسلات وبرامج واسفافات.


ايه الحل الواحد يبطل يتفرج حتي علي البرامج الكويسة ؟
ولا تكوين جروب لمكافحة الاعلانات في فواصل البرامج ؟
ولا يتفرج علي الكمبيوتر في اليوتيوب مثلا ... ؟

 

إضافة 2012-07-23
من تأليفي

التعليقات

HoSSaM 2012-07-23
+1
الموضوع زاد عن حده وأنا شخصياً بقالى 3 سنين بتابع كل المسلسلات الرمضانيه والبرامج من موقع بانيت
من ناحيه بتجنب الأعلانات المستفزه ومن ناحيه تانيه بتابع اللى أنا عايزه فى وقت ما أعوزه
Ahmed Hussien 2012-07-23
هى حاجة قديمة شوية لكن اعتقد انها كانت مريحة كان فى من كام سنة كدة فترة اسمها الفترة الاعلانية او الفقرة الاعلانية، كان معظم الاعلانات بتتركز فى الفترة دى وكان تقريبا هو فاصل واحد اوتنين بالكتير
وفعلا وانا بتفق مع استاذ حساماحسن وسيلة مشاهدة حاليا هى الانترنت
الباشمهندسة 2012-07-23
اصل التواصل مع البرامج عن طريق شاشة الكمبيوتر مش ممتع لان الشاشة صغيرة والواحد بيبقي متكتف علي الكرسي لكن التليفيزيون له اندماج مختلف ... زي فكرة السينيما كدا له احساس مختلف عن الفيديو .... بس المضطر يركب الصعب الامر لله من قبل ومن بعد ... وحسبنا الله ونعم الوكيل فيهم
HoSSaM 2012-07-23
ليه يا بشمهندسه التكنولوجيا عملت كل حاجه ودلوقتى كل التليفزيونات LCD مدمج فيها مدخل للكومبيوتر وأنا ليا أصحاب كتير من اللى أتجوزوا مشغلين أجهزتهم على التليفزيونات دى وخصوصا بعد أنتشار الكيبورد والماوس البلوتوث وأسعارهم فى الأرض فهى لا تتعدى للصينى 90 جنيه أما الأورجينال فمعاكى الميكروسوفت بـ130 والجاما بـ190
HoSSaM 2012-07-23
فكى الحزام شويه وغيّرى تليفزيونك القديم:(
zedony.com - A mmonem.com production. عن زيدوني - Privacy Policy