مستعدين لرمضان ؟؟؟؟؟

5
اللهم بلغنا رمضان وتقبل منا...كل عام وانتم بخير

منا من بدأ فعلا فى تجهيز نفسه ووضع خطط وأهداف لتحقيقها فى شهر رمضان وقد يكون قد بدأ بالفعل فى التنفيذ ومنا من لم يبدأ بعد او ليس لديه اهداف ليحققها
عايزين نحمس ونشجع بعض ونكون صحبة صالحة ونعين بعض على طاعة الله

عن نفسي اول حاجة عملتها حذفت كل قنوات الافلام الموجودة على الدش لان الواحد ساعات بيقلب عليها من حين لأخر اما قنوات المسلسلات فدى كتيييييييرة واصلا مش بفتحها فمش فارقة معايا

وان شاء الله هاحاول انزل واساعد فى انشطة جمعية رسالة

بحاول استعد واكتب اهدافى وماسوف استمر عليه بعد رمضان ان شاء الله بس لسة الهمة مش عالية


مين معايا ويقول ناوى يعمل ايه؟

وده موضوع ممكن يساعدنا لشد الهمة وبناء الأهداف:
الفرص تأتي مرة واحدة

 

إضافة 2012-07-16
من تأليفي
تعديل 2014-06-18
safaa
50523

التعليقات

زغباوية 2012-07-16
يعني مثلا ممكن يكون حد ناوى يزود الاذكار اللى بيقولها او يحفظ قرآن مع القراية او مثلا ناوى يصلي السنن حاجات من دى يعنى
او ممكن حد
يكون ناوى يتطوع او يساعد فى اى جمعية خيرية جنبه يعنى افكار تساعد اللى لسة محطش خطط او ماستعدش نفسيا وروحياً
HoSSaM 2012-07-16
أنا شخصياً بدرّس كورسات كومبيوتر مجاناً لجمعية صناع الحياه ودرّست السنه اللى فاتت فى فصول محو الأميه فى الوراق وبرضو مجاناً
شيماء مصطفي 2012-07-26
أنا بإذن الله هحفظ سورة آل عمران (كل يوم 5 آيات)
زغباوية 2012-07-26
جميل جميل انا كمان بروح جمعية رسالة وبسم الله ماشاء الله بحس انها خلية نحل والروح هناك حلوة جدا الكل متعاون ونفسه يساعد ويعمل حاجة وفيه حاجات هناك سهلة وممكن نعملها حتى ولو فلا البيت زى مثلا كتابة كتب او ورق مذاكرة للمكفوفين وهما بياخدوهم عن طريق النت
شيماء مصطفي 2012-07-29
طب كويس ، وحلو أوي حكاية كتابة الورق دي ، باذن الله هروح انا كمان في اقرب فرصة .
loleta1 2013-06-30
بصراحه السنه دي ومن قبل مايبدأوشه خير عليا
بشتغل في جمعيه خيريه وبساعدهم في كل شيئ فيها
خصوصا الزكاة بجد شعور ممتع ....وعلى المستوى
الشخصي هحاول اكون فيه افضل من كل سنه وربك المعين.
زغباوية 2013-06-30
الشغل فى الجمعيات الخيرية ممتع جدا ويحسسك بسعادة غريبة وبيهون علينا الدنيا
ربنا يوفقك
loleta1 2013-06-30
يارب :-(
زغباوية 2014-06-18
يانهار ابيض سنتين ومحدش لسة جهز نفسه :D
loleta1 2014-06-20
ههههههههههههههه لا يازوزو المهم الاستمرارية ...وخصوصاً الستات الصلاة والصوم وختم القرءان وقيام الليل دي طقوس رمضان الطبيعية جنب واجبات البيت وكمان عمل الخير انا كنت بوزع معاهم زكاة وشنط رمضان وبنجهز عرايس وربك المعين الاستعداد هو انك تنوي الاستمرار وتحافظي على الاستمرار وربك المعين

الإجابات

zedony.com - A mmonem.com production. عن زيدوني - Privacy Policy