احتلال الصراصيـــــــــــر

4
ده مش عنوان لقصة مرعبة ولا حاجة دى حقيقة عايشة فيها منذ يومان

سافرت اسبوع وكنت رشيت البيت قبل ماأسافر لما رجعنا لاقينا كام صرصار كبير ميت قلت الحمد لله الرش جاب نتيجة

لكن فوجئت امبارح بهجوم شديد من صراصير عملاقة جداوشكلها متوحش بضربها وارشها ومش مأثر بتقوم تمشي عادي جدا سديت كل البلاعات ورشيتها وبرضوا بيطلعوا منين مش عارفة

عايزة اعرف دورة حياة الصراصير لحسن خايفة يكونوا باضوا او تكاثروا فى المدة دى وايه الحل لو لا قدر الله حصل كدا؟؟؟؟

ولو حد عنه حل سريع جدا علشان لو فيه تاني يخرجوا او يموتوا


رجاءاً محدش يحط اى صورة كفاية اللى شوفته :)

 

إضافة 2012-07-15
غير محدد
تعديل 2012-07-15

التعليقات

محمد عبد المنعم 2012-07-15
يا ولداه!
safaa 2012-07-15
الله يكون فى عونك ...تلاقيكى نسيتى تسدى البلاعة قبل ماتسافرى :(
Lady Rasha Reda 2012-07-15
و الله دا فى منهم بيجوا طايرين
زغباوية 2012-07-15
لا مش من البلاعة تقريبا من ماسورة صرف الحوض وخصوصا ان الشقق اللى تحتى كلها فاضية مش ساكنة
كانت ليلة صعبة جدا والشوية اللى نمتهم بقيت بحلم بيهم:)
safaa 2012-07-15
ياعينى :)

الإجابات

4
هاتى سم قوى و حطى مع زبده الفول السودانى ، و أى شاء الله هايكون ما فيش حاجه وحشه حصلت من اللى فى بالك
إضافة 2012-07-15

التعليقات

Lady Rasha Reda 2012-07-15
ده حل سريع لحين البحث ببقى عن دوره حياتهم
safaa 2012-07-15
+1
safaa 2012-07-15
ممكن الاضاءة تكون مستمرة ليل نهار فى المطبخ والحمام ولا يمكن اى صرصار يقرب من بيتك وعن تجربة
زغباوية 2012-07-15
شكرا ليدي رشا ويارب فعلا مايكونش ده حصل لانى ممكن اعزل من البيت
صافى ده جيل من الصراصير مش بيهمه حاجة ولا اضاءة ولا رش ولا اى حاجة
Lady Rasha Reda 2012-07-15
جربى بس الخلطه دى
زغباوية 2012-07-15
طب اجيب السم منين واسمه ايه؟؟؟؟ انا اخرى الفليت او الريد
Lady Rasha Reda 2012-07-15
معرفش هتلاقيها فين فى مصر الخلطه دى بيعملوها هنا ، عرفتها هنا فى السعوديه
زغباوية 2012-07-15
ماشي هاشتغل زى مانا ماشية واراقب الموقف لو استمر الموضوع هانزل لبتوع المنظفات وهما يقولولي
يارب مالالقيش تاني
3
الصرصار الشرقي:
يفضل الظلام ، والأماكن الرطبة والمجاري وتحت الثلاجات ، والمصارف ، والغسالات ، والأرضيات. انها تفضل درجات حرارة تحت 84 ° .
والصرصار الشرقي يمكن أن يعيش مع بيئات باردة ووجدعلى قيد الحياة حتى في الهواء الطلق البرد القارس.
والصرصار الشرقي يتغذى على جميع أنواع النفايات والمواد العضوية الأخرى. وتعتبر واحدة من أقذر الصراصير جميعا
والصرصار الشرقي الكبار حجمه من 1 إلى 1-1/4 بوصة طويلة وبني داكن ، أسود تقريبا.
والذكر كامل الأجنحه.
الأنثى اصغر وبدائية الأجنحه.
الحورية مشابه في المظهر إلى أنثى إلا أنها أصغر حجما ومجنحه.
وتضع الانثى في المتوسط ​​من الحالات 8 بيضات كل بيضه تنتج نحو 16 من الشباب. يستغرق 300 حتي 800 يوما ليصبح كامل النمو، تبعا للظروف .

الوقايه :
1 هي تحب الظلام فيجب اشعال الأضواء.
2- تنظيف الأطباق والأحواض وعدم ترك بقايا اطعمه او حاويات قمامه.
3-غلق جميع البالوعات واي شقوق تتواجد يمكن خروجها منها.
المكافحه:
يتم احضار السم المناسب من وزارة الزراعة والقاء البعض منه في جميع البالوعات والمصارف الصحيه والأحواض, وأيضا رش كل مكان تتوقعي منهم الأختباء فيه.
عمل عجينه للصراصير وافخاخ لزجه ليعلقوا بها.
مقادير العجينه:
* نص علبة حامض البوريك (او اذا بيتك كبير حطي كل العلبة) يباع بالصيدلية
2 ملعقة كبيرة سكر
2 ملعقة كبيرة دقيق
2 ملعقة كبيرة حليب باودر
ماء للعجن ( مع مراعاة ان يكون الخليط متجانس كالعجين ولا يسيح واذا ساح ممكن تزيدي شوية دقيق) حطي الماء بالملعقة

اعمليه كرات صغيرة وارميه تحت الثلاجة او الفريزر وبالاخص تحت الحوض وفوق الخزاين وداخل الخزانة والحمامات على الزوايا.

ممكن تجددين العجينة كل 3 اشهر اذا احتجت

وده مبيد حشري طبيعي:


تمكن المخترع المصري محمود السيد عبدالجواد من اختراع مستخلص نباتي آمن يستخدم كمبيدطبيعي للآفات لا يحمل أية أخطار على الإنسان والبيئة،
10 كجم ثوم فصوص كامل بالقشر ومجروش، و13 كجم ورق نعناع أخضر، و10 كجم سكر مائدة، و3 لترات خل طعام بتركيز 5%، و20 لتر صابون سائل بوتاسيومي.

ويجري خلط السكر مع الخل ويتم التقليب ويوضع على نار متوسطة، ويتم التقليب المتكرر لمدة 3 ساعات حتى يصبح اللون بنيًا متوسطًا، وتتم إضافة الثوم مع التقليب واستمرار التسخين لمدة 3 ساعات يليها إضافة النعناع والتقليب واستمرار التسخين لمدة ساعتين وإضافة الصابون السائل والتقليب والتسخين لمدة ساعتين ثم تصفية المركب للحصول على مستحلب رغوي سائل.. كما يشير صاحب الاختراع إلى أنه يمكن استخدام المخلفات بإضافتها للتربة الزراعية لمكافحة آفات التربة أو للأسمدة العضوية، ويمكن تحضير المركب على مستوى القرية أو العاملين في المجال الزراعي، وتكاليف اللتر لا تزيد على 10 جنيهات مصريهو يمكن للمركب إبادة الآفات الزراعية والحشرات التي ليست لها مبيدات وهي كثيرة في العالم خاصة في القارة الأفريقية، كما يمكن كذلك استعمال المركب في إبادة الحشرات المنزلية مثل الباعوض والذباب والصراصير.
إضافة 2012-07-15
loleta1
14181

التعليقات

محمد عبد المنعم 2012-07-15
مطلوب ترجمة إلى اللغة العربية الفصحى أو المصرية :-P
loleta1 2012-07-15
تم الترجمه يرجى اعادة القراءه هههههههههههههه :-)
safaa 2012-07-16
+1 :(
زغباوية 2012-07-16
شكرا يالولو أفادكم الله وماتشوفيش صراصير ابداًههههههههه:(

بس ليا استفسار صغير البيض بيفقس بعد أد ايه؟؟؟؟؟؟؟؟؟؟
safaa 2012-07-16
انتى لسه خايفة .. قولت لكى نورى المطبخ والحمام!!
زغباوية 2012-07-16
انا نورت كل الشقة مش بس المطبخ والحمام:)
zedony.com - A mmonem.com production. عن زيدوني - Privacy Policy