ملف شامل عن اكلات صحية

4
احيانا بكون عاملة رجيم واحيانا اوامر الدكتور انى اكل اكل صحى وساعات مابيكونش عندى افكار فجائتنى فكرة اننا نعمل موضوع كل واحدة مننا بتعمل اكل صحى تقولنا عليه والفكرة ان احنا نتبادل المعلومات والافكار وطرق جديدة للاكل الصحى من جميع الوجبات والاصناف سلاطات خضار حلويات.......



وانا هابتدى



1- كوسة سوتيه(سواء فى الحلة بنقطة زيت او التوستر)

2- سلطة حمص

3- سلطة خضراء

4- جبنة قريش بالطماطم وزيت الزيتون وعليهم رشة حبة البركة المطحونة

5- سمك صينية

6- لحمة بالبصل مستوية دون اى مواد دهنية

7- صدور فراخ مخلية بالبصل والفلفل الالوان ولو عايزة شوية زيتون وبدون اى زيوت



مش هاكمل غير لما الاقى تفاعل

 

إضافة 2011-01-09
غير محدد

التعليقات

safaa 2011-01-09
والاصناف الجميلة دى فى وجبة واحدة ولا فى يوم ولا فى الاسبوع
معلهش احنا بنتكلم
زغباوية 2011-01-09
لا دى افكار لاكلات فى اى وجبة انتى عايزاها علشان نجدد بيها
safaa 2011-01-10
اه قبل ماانسى +1

الإجابات

4
بصراحة الست المصرية هى المسئول الأول عن فساد الآسلوب المصرى فى الأكل!! اهم حاجة عندها حلل المحاشى، صوانى مش عارف ايه بالبشاميل ،انوعالمكرونات والأرز ،صوانى اللحوم بالزبدة ، صوانى الكفتة بالبهريز ثم اصناف الحلويات .. فين بقى الخضروات الطازجة ؟؟ المقدونس والكرفس والجرجير والكرات والفجل والبصل والثوم ؟ والكرنب والقنبيط؟ فين الفاكهة وميعاد اكلها ؟؟
انا اعرف ان الأكل الصحى هو ان أبدأ اولا بطبق محترم من الخضروات المشكلة من كل الأنواع المذكورة وعليها خل وليمون وشطة وزيت كتان او سمسم او زيتون ، وبعدين لو لسة جعان آخد معلقتين رز وحتة البروتين خالى الدسم .. وقبل الأكلة دى بساعة اكون واكل اي نوع من الفاكهة ..
آدى الكلام ..مش تقوليلى مش عارف ايه ... ياشيخة اوعى كده !!!

إضافة 2011-01-10

التعليقات

عبد المنعم 2011-01-10
نسيت اقول لك ان اخطر حاجة بتسبب الأنيميا هى كوب الشاى بعد الأكل .. طب اعصروا عليه نصف ليمونة ..
TOOTOOMEX 2011-01-10
انطلقى وانا عندى شوية اكلات دايت هقولك عليهم زى الاكل العادى بس دايت هجمعهم واقولك عليهم
زغباوية 2011-01-10
وانا فى انتظارك
loleta1 2011-02-25
والله عندك حق يأخ عبد المنعم الاول تبع نظام غذائى سليم مع أولادنا وهما يتربوا عليه ويأكلوا اللى فيه الفايده
4
كفتة السمك دايت

المقادير :
250 جم سمك فيليه+ 2فص ثوم+3 ملاعق بقدونس مفروم+ 3ملاعق كسبره مفرومه+ 3 ملاعق شبت مفروم+3 ملاعق جزر مبشور+ ربع كيلو رز بسمتى مسلوق 70% +ملح وفلفل +كمون +كسبرهناشفه+ 100 جرام زيت زيتون

الطريقه:
تخلط كلها فى الكبه ما عدا الزيت وتكور او تصبع
اما تدهنى الشوايه زيت وتشويها
او تدهنى صينيه زيت وتضعيها فى الفرن 200درجه لمدة 25 دقيقه
وبالهنا والشفا
إضافة 2011-01-10
TOOTOOMEX
6258

التعليقات

safaa 2011-01-10
جميلة وهجربها النهاردة وبلاش نعمل الفراخ تستهلى+1
عبد المنعم 2011-01-11
لذيذة دى قوى .. ياريت الاخت صفاء تعملهالنا
2
طرقة عمل الخضار :
بدل ماتطبخى وتسبكى قطعى الخضار والبصل وسيبيهم يستو مع بعض بدون اى مواد دهنية مع اضافة التوابل التى تحبيها ولو احتاجت ضيفى لها شوية ماء او شوربة هتلاقى طعمها حلو جدا
إضافة 2011-01-10

التعليقات

عبد المنعم 2011-02-26
ما تذوقينا ياختى !!
zedony.com - A mmonem.com production. عن زيدوني - Privacy Policy