مفيش دليل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

6
مفيش دليل ؟؟؟؟؟

أنا الدليل ..
أنا الدم اللى سال ع الأرض
ما استكفِـت ..
... أنا العين اللى صابها الغدر
و اتصفِّـت ..
أنا الأم اللى حرقوا فؤادها ع الغالى
و لبست شال محنِّى بدمه و اتدفِّـت ..

أنا الدليل ..
أنا المخنوق ب سم الغاز على الكوبرى ..
أنا المضروب ب مِية خرطوش على ضهرى ..
أنا اللى العمر راح محنة ورا محنة ..
و قلت شاريكى ولا مرة نفَد صبرى ..

أنا المجنى عليه و اليوم بقيت جانى ..
واللى قتلنى برئ و عيونه ناكرانى ..
خرجوا الديابة من القفص أحرااااار ...
و انا اللى لسه سجين محبوس ف أكفانى ..

يا نكسة كات ف التاريخ و اليوم بقِت وكسة ..
يا قلوب و متلونة بالغدر و الخِســة ..
لو كنتوا فاكرين حلمنا ممكن يموت ..
متفرحووووووووووش ..

نـــار القصاص و الدم هيتشتعل لســه




 

إضافة 2012-06-02
غير محدد
تعديل 2012-06-02

التعليقات

زغباوية 2012-06-02
يمهل ولايهمل
وعلشان الناس تفوق بقى
عبد المنعم 2012-06-02
مليش نفس اكتب حاجة
safaa 2012-06-02
حسبنا الله ونعم الوكيل على كل ظالم
zedony.com - A mmonem.com production. عن زيدوني - Privacy Policy