اختيار جمهوريتنا الجديده

5
بكره اول انتخابات رئاسيه حقيقيه تشهدها مصر

بكره بقى لكل واحد رايح لجنه الانتخاب : بطاقتك فى ايدك .. مرشحك فى دماغك .. اللى يقولك انتخب موسى او شفيق قطعه .

و ياريت الكل يقرأ الفاتحه بكرة للشهدا قبل ما يدخل اللجنه و يفتكر كام واحد عينه راحت علشان نشوف اليوم ده و كام واحد ضحى بنفسه علشان نشوف مصر حرة و كام ام فقدت ابنها علشان مصر تبقى فى اعلى مكان افتكروا كل دا و شوفوا المرشح اللى هتدولوا اصواتكوا هيرجع للشهدا حقهم و حقنا و لا هيضيع الحق و يزور الحقيقه

و ياريت الكل ينزل و ينتخب و محدش يقول هو صوتى هيفرق و لا انا اللى صوتى هيصلح الكون و محدش يقاطع الانتخابات احنا بقالنا 60 سنه نفسنا نشوف اليوم ده و نفسنا صوتنا يفرق يبقى لما ييجى اليوم دا ماننزلش و نقاطع الانتخابات و نقول صوتى مش هيفرق لا اى صوت هيفرق و حتى لو مش هيفرق انزل حتى من باب انك تغير جو و تشوف ناس و بالمره تشارك فى كتابه تاريخ بلدك :( :(

 

إضافة 2012-05-22
غير محدد

التعليقات

safaa 2012-05-22
+1 اللهم ولى لنا من يصلح
Lady Rasha Reda 2012-05-22
ونسيتى يا لولو قلمك فى جيبك ، و بلاش تستخدم القلم الصينى اللى جوه اللى بيختفى بعد شويه ،،
الباشمهندسة 2012-05-23
الحماس جميل والواحد فعلا نفسه يعمل وانه ينتخب بحرية دا اقل واجب
Ahmed Hussien 2012-05-23
+1 ربنا يهدي الناس إلى الأصلح
لولو الزغبى 2012-05-23
بصراحه انا مش متأكده من موضوع القلم الصينى ده بس برضو الاحتياط واجب محدش يخرج من البيت الا و اقلمه فى ايده :(
zedony.com - A mmonem.com production. عن زيدوني - Privacy Policy