العيال بتزهق

3
العيال بتزهق... وده حقها, يعني انا عندي سلمي بنتي بتزهق زيها زي اي حد قاعد 24 ساعة في البيت لإنها شايفه نفس الأشخاص والأشكال واللعب حتي بل ونفس قنوات التلفزيون .



انا فاكر اني اتكلمت في موضوع تبادل لعب الاطفال بس لما رجعت تاريخ مشاركاتي مش لاقي حاجة عنه فدي فرصة اني اسأل كل الأعضاء هل حد عنده استعداد لتبادل لعب ابنة معايا بعد غسلها جيدا جدا جدا ؟



أنا بنتي لو جبتلها اي اي حاجة جديدة بتعجبها حتي لو كانت طبق من المطبخ اهم حاجة يكون شيء هي ماشافيتوش قبل كده ودة بصراحة انا كنت باحسه وانا صغير وفاكرة كويس جدا

 

إضافة 2011-01-08
Hatem
4635
غير محدد

التعليقات

عبد المنعم 2011-01-08
يا عم حاتم جننتنى .. بتزهق .. اسمه الزهق !! وما توقعش حروف على الأرض وانت بتكتب ، لم بقى اللى وقع ورجع كل حرف لكلمته. مشكورا عينى ..

الإجابات

4
ممكن تشيل من اللعب بتعتها لعبتين ثلاثة وكل فترة من الوقت

أسبوع -عشرة أيام تخرجها تانى هتفرح بيها وهتلهيها

ومش هتزهأ تانى أبدا
إضافة 2011-01-08
safaa
50523
2
وانا مع صفاء انا كل فترة بالم لعب الولاد واخبيهم فترة وبعد شوية برجعهلهم تانى بيتلهو فيها وممكن لو مامتها فاضية شوية تبدأ تجيب لها قصص ملونة وتعلمها الحيوانات والخضراوات البنت مرة فى مرة هاتحب القراية
وانا على استعداد لتبادل اللعب ده لو كا فيه لعب سليمة اصلا عند الولاد هاشوفلك لعبتين حلوين كدا
وعلى فكرة تنوع اللعب مهم جدا للاطفال بينمى التخيل بتاعهم ممكن مامتها تجيب حاجات بلاستيك من المطبخ تلهيهم بها وكل شوية تغيرهم لها
إضافة 2011-01-09

التعليقات

Hatem 2011-01-09
ميه ميه
زغباوية 2011-01-09
متأسفين وتم التعديل بس هو اساسا ذاكر اسم بنته فى الموضوع
3
أحلى من دا كلة
إنك تعد شوية معاها وتعملو العبة بأديكوم أنتو التنين
وانت أبو الأفكار أصلاً
إضافة 2011-02-21
حســن
1803

التعليقات

محمد عبد المنعم 2011-02-21
ترجمة فورية ... مع تحياتي:

دا => ده
تعد => تقعد
التنين => الأثنين
حســن 2011-02-21
شكرا على التجمة
كويس إن كلامى لسة بيتفهم
بس أوعدك هَحاول
محمد عبد المنعم 2011-02-21
احنا سعداء جدا بكلامك وأنا مستعد أترجم باستمرار ... أهم حاجة انك ما تزهقش
zedony.com - A mmonem.com production. عن زيدوني - Privacy Policy