الجن والعفريت والشياطين

7
ما الفرق بينهم؟

 

إضافة 2012-05-05
غير محدد

التعليقات

محمد عبد المنعم 2012-05-05
الأسئلة دي كبيرة عليك يا يوسف انت عندك 6 سنين بس !! حاول متفكرش في الحاجات دي دلوقتي
زغباوية 2012-05-05
ممكن نبسطها له على اد سنه
محمد عبد المنعم 2012-05-05
ومن اللي قال لك إنه مش هيشت حتى لو بسطيه ليه ... لازم يعرف إن في بعض الأسئلة مش هيقدر يعرف إجابتها دلوقتي فبلاش يسألها دلوقتي ... أقصد إن لازم يقتنع من جواه إن يأجل السؤال ... لأن كده كده حتى لو بسطي له الإجابة دماغه هتفضل شغالة وهتضطري تعملي وصيتي في الآخر
mora 2012-05-05
معالك حق يا باشمهندس بس المشكله ان الاطفال اسئلتهم كتيره ودايما اكبر من سنهم والمفروض اننا نجاوب عليها بس الاهم هو هيقتنع من جواه ازاى بتأجيل هذا السؤال او اى سؤال عامه
محمد عبد المنعم 2012-05-05
الأطفال طيبين وممكن يتضحك عليهم بأي شيئ ... وكمان على حسب شخصيىة الطفل وكمان شخصية الوالدين ... أقصد إني معنديش رد معين لكن أي حد بيحاول أكيد هينجح
زغباوية 2012-05-06
تربويا:هذا الكلام يوحى انى لازم افرض عليه انه لسة صغير او مش هايفهم وده ماينفعش تربوياً لانك زى ماقلت انهم طيبين وممكن يتضحك عليهم فممكن تبسطلهم اى معلومة بابسط شئ ممكن بحيث يفهموها بس المهم تكون صح وعلى طول ياخدوا معلوماتهم منك لانهم هايدوروا عليها هايدوروا عليها وممكن حد يقولها لهم مغلوطة او مش زى مانت عايز توصلهالهم

وحاجة كمان تربويا ان يكون فيه تواصل وحوار دائم بينك وبين الاطفال، وكمان لو مش عارفين نوضحهالهم نقولهم هادورلكم عليها او تشوف كتاب بسيط بيشرحها ودى فايدة تانية انك تعلقهم بالكتاب والقراءة.
محمد عبد المنعم 2012-05-06
خلاص ... مقدرش أرد على كلامك
زغباوية 2012-05-06
:(
Eng Ahmed 2012-05-07
+1000 يا زغباويه مينفعش دايما نموت الفضول عند الاطفال كده اصلا هيخاف منهم اكتر انا ممكن اقوله المعلومه صح باسلوب مقنع مبسط
زغباوية 2012-05-07
تمام

الإجابات

2
الموضع بسيط جدا جدا ...

الشياطين والجن والعفاريت هي مخلوقات ربنا خلقها زينا في هذا الكون ولكن مهمتها انها تعطلنا عن الصلاة والعبادة وتمنعنا من دخول الجنة اللي هي محرمه علي بعض منهم عشان افعالهم وحشه عشان كدا ربنا بيحذرنا منهم دايما وامرنا ان احنا مع بداية اي شئ نقول :
اعوذ بالله من الشيطان الرجيم و بسم الله الرحمن الرحيم عشان يبعدوا عنا وامرنا ان احنا نتحصن بقرأة القرآن والمواظبة علي الصلاة عشان يبعدوا عنا .
إضافة 2012-05-05

التعليقات

زغباوية 2012-05-06
ماشي ماهو اصلهم واحد كلهم من الجن لكن يوسف بيسأل ايه الفرق ...جاوبوا بكل توسع وانا هابسطهاله
4
بص يا يوسف الجن هوا العفريت بس فيه منهم الكويس الطيب بيتقال عليه ملاك وفيه منهم الشرير اللى محدتش بيحبه بيتقال عليه شيطان
واحنا ربنا انعم علينا بانه خلانا منشفهمش خالص وزى ما الباشمهندسه قالت لازم نحصن نفسنا منهم بالقران والصله وان احنا نقول بسم الله الرحمن الرحيم قبل كل حاجه
إضافة 2012-05-07
Eng Ahmed
7237

التعليقات

زغباوية 2012-05-07
كدا المعلومات دخلت فى بعضها:)
safaa 2012-05-07
بالعكس دى معلومات مبسطة جدا لاجابة السؤال يازغباوية
زغباوية 2012-05-07
لا.. الملاك مش جن خالص دى حاجة ودى حاجة وانظروا الاجابة التالية
Eng Ahmed 2012-05-08
اسف جدا على عدم دقه المعلومه واختلاط الامر بس انا كان قصدى افهمه حاجه معينه باسلوب مبسط
زغباوية 2012-05-08
بالعكس خالص بس فعلا فيه اباء كتير ممكن يفهموا ولادهم حاجات غلط على اساس انهم صغيرين ومش عارفين وحبيت اوضح ان ممكن نقول للطفل الحاجة صح ممكن ماتكونش كاملة بس كل طفل على اد سنه وعلى اد فهمه
loleta1 2012-09-26
تمام يازوزو
4
الإجابة من موقع اسلام ويب مركز الفتوى بفتوى رقم16265:

وهذا جزء من الاجابة:

فهناك فروق كثيرة بين الملائكة والجن، وأهم هذه الفروق ثلاثة:.

الأولى: أن الملائكة خلقوا من نور، والجن من نار، وكان تناسلهم من ماء..

الثاني: أن الملائكة جميعاً مؤمنون ومعصومون من الوقوع في الذنوب ولا يأمرون غيرهم إلا بالخير، وأما الجن فمنهم المسلم ومنهم الكافر، ومنهم الآمر بالخير، ومنهم الآمر بالشر.

الثالث: أن الملائكة منزوعو الشهوة، بخلاف الجن فإنهم كالإنس.

وأما الفرق بين الجن والشياطين:

فهو ما أشار إليه الحافظ ابن عبد البر رحمه الله حيث قال: الجن عند أهل الكلام واللسان منزلون على مراتب، فإن ذكروا الجن خالصاً قالوا: جني، فإن أرادوا ممن يسكن مع الناس قالوا عامر، والجمع عمّار، فإن كان ممن يعرض للصبيان قالوا: أرواح، فإن خبث وتعزم فهو شيطان، فإن زاد على ذلك وقوي أمره قالوا: عفريت، والجمع عفاريت. انتهى


وفي المعجم:

عفريت: الخبيث المنكر والنافذ في الأمور مع دهاء و أقوى الجن
المارد : الطاغية والعملاق
شيطان: روح شريرُُ مغوٍ وكل متمرد مفسد
جِن: خلاف الانس، جَن: استتر
إضافة 2012-05-07
zedony.com - A mmonem.com production. عن زيدوني - Privacy Policy