نقل المعلومات من مصادر غير قابلة للنقل

3
وانا ببحث فى مواقع على النت بَجد مواقع ليس بها خاصية النسخ copy بضطر انقلها مثلاً على جهازي ببرنامج زى الوورد ثم اقوم بلصقها

هل هذا يعتبر سرقة مع العلم انى اقوم بوضع مصدر المعلومة وخاصة اذا كان مصدر مهم زى دار الافتاء ويترتب عليه فتاوى واحكام دينية

ومع العلم انى مش بعمل كدا إلا علشان أفيد غيري



 

إضافة 2012-04-26
غير محدد

التعليقات

Shady Taha 2012-04-26
طب ممكن حضرتك تكتبي المواقع اللي من النوع ده ... عندي كان تجرب هحاول اعملها عشان انسخ الكلام
زغباوية 2012-04-26
اوكيه اهم موقع بالنسبة لى دلوقتى دار الافتاء علشان متعلقة مباشرة بأحكام الدين والشريعة
Shady Taha 2012-04-26
التجربه نفعت الحمد لله و نسخت فتوى عشوائيه

سقوط الوصية بوفاة الموصى له

الرقـم المسلسل : 4137 تاريخ الإجابة : 05/04/2006

اطلعنا على الطلب المقدم من/ إبراهيم محمد إبراهيم عبد الله المقيد برقم
1007 لسنة 2006م المتضمن: توفي/ مصطفى سعادة علي حنيش سنة 2004م عن:
1- ابنين وأربع بنات.
2- أولاد بنت: مجدي وماهر ومرفت.
كان الجد في حياته قد قام بتقسيم أمواله على أولاده بمن فيهم أولاد بنته
المتوفاة في أثناء حياته؛ وذلك بعقد قسمة مضاف إلى ما بعد الموت حيث أوصى
لهم بنصيب والدتهم، وأثناء حياته توفي ابن بنته مجدي وترك زوجة وابنين، وقد
أُخبِر الجد بسقوط حق مجدي بوفاته أي إن ابني مجدي ليس لهما حق في عقد
القسمة، فأصر على الإبقاء على عقد القسمة كما هو، وأوصى شفاهة أن يأخذ ابنا
مجدي حق أبيهما في عقد القسمة، وكان ذلك أمام كاتب العقد وبنت الموصي، وقد
استمرت حياة الجد ثلاث سنوات بعد هذه الوصية وهو بكامل أهليته. علمًا بأن
نصيب أولاد البنت وفيهم ابنا مجدي لا يتجاوز ثلث التركة. فما موقف ابنَيْ مجدي؟


الـجـــواب : فضيلة الأستاذ الدكتور علي جمعة محمد

إذا كان الحال كما ورد بالسؤال فإن حق مجدي في الوصية يسقط بوفاته قبل أبيه
الموصي؛ لأن من شرط تحقق الوصية بقاء الموصى له حيًّا إلى وفاة الموصي، فإذا
مات قبله سقطت الوصية بسقوط محلها، لكنّ ابني مجدي يستحقان نصيب أبيهما الذي
اختصه به جده في عقد القسمة إذا كانت وصيته الشفوية لهما بهذا النصيب مشهدًا
عليها بما يثبت به الحق قضاء، فإن أقر الورثة بحصولها من الموصي نفذت قهرًا؛
لأنها لا تزيد عن ثلث التركة؛ حيث إن الإشهاد على الوصية ليس شرطًا
لانعقادها، بل هو شرط لسماع الدعوى بها عند إنكار حصولها.
والله سبحانه وتعالى أعلم
زغباوية 2012-04-26
الحمد لله ان التجربة نجحت بس كدا احنا بننقل حاجة الموقع نفسه مش عامل الخاصية دى فيه هل هذا يجـــــــــوز ام لا
Shady Taha 2012-04-26
مش عارف ... بس على ما اظن انهم بيعملوا كده كنوع من احتكار المعلومه عشان الناس تدخل على موقعهم و بالتالي الموقع بتشهر
الباشمهندسة 2012-04-26
بس انا دخلت علي نفس الموقع ولم يسمح بالنسخ اساسة بالكليك يمين لا يفتح اي قوائم حتي مفيش نسخ للصفحة كلها
زغباوية 2012-04-26
ماهو ده اللى بسأل عليه ياباشمهندسة واللى شادى اخترع طريقة للنسخ منه

الإجابات

5
فيه مواقع بتعمل كده كنوع من الخصوصيه او احتكار المعلومات او عشان كل شويه ندخل الموقع بتاعهم

عشان حد ينسخ من المواقع اللي من النوع ده عليه اتباع الاتي

1/ يدوس على Ctrl+S او يدوس على file و بعدين save as

2/ يختار على اختيار save as type على text file و بعدين save
إضافة 2012-04-26
Shady Taha
3658

التعليقات

الباشمهندسة 2012-04-26
لم تنجح ايضا لانه بيعملها علي مستوي الصفحة كلها وبلغة html
و اعتقد الموضوع راجع لنوع البراوزر يعني انا باستخدم chrome .
safaa 2012-04-26
+1
Shady Taha 2012-04-27
للاسف الخاصيه ديه موجوده في firefox و internet explorer فقط
زغباوية 2012-04-28
اااااااه ....شكراً للتوضيح
zedony.com - A mmonem.com production. عن زيدوني - Privacy Policy