الترمومتر الديجيتال لقياس درجة الحرارة للاطفال

2
هل هو دقيق مثل الترمومتر الزئبقى ؟ ولو حد جربه ياريت يقولنا

 

إضافة 2011-01-06
غير محدد

الإجابات

2
انا جربته بس مش على الاطفال وهو كويس بس عيبه انه بيهنج وله فتره بعدها بيبوظ مهما كان مصنوع فين وانا عن نفسى بفضل الترمومتر الزئبقى
إضافة 2011-01-06
TOOTOOMEX
6258

التعليقات

زغباوية 2011-01-07
انا كمان بحب الزئبقى وعارفة انه ادق حاجة بس مع الاطفال استخدامه رخم شوية وصعب وخصوصا وهما نايمين ولمل روحت للدكتور لاقيته بيستخدم الديجيتال سألته عليه قالى كويس
TOOTOOMEX 2011-01-07
يستحدم فى الاطفال تحت الابط
زغباوية 2011-01-07
ماهو المشكلة ان تحت الابط فى البرد اللى احنا فيه ده صعب اوى والولاد لابسين الدولاب كله
TOOTOOMEX 2011-01-07
تحت اللحاف ياستى وبعدين برد ايه لما الطفل يبقى عنده حراره لازم تسقعيه اقصد الدكاتره تقولك ضعيه فى البانيو انتى بقى تعمليله حبس حرارى وتلبسيه الدولاب كله
حســن 2011-04-11
في إنتظاركم على:
http://www.zedony.com/index.php/seenwgeem/884
2
هو علي حسب معلوماتي ان ادق نوع علي الأطلاق هو الترمومتر الي بيقيس من الأذن بس لازم يكون نوع كويس جدا لانه بيقيس درجه حرارة الدم الي بيسري في الشعيرات الدمويه بطبله الأذن (المعلومه دي كانوا قالوه في الكليه)
إضافة 2011-01-07
Gomana
669

التعليقات

TOOTOOMEX 2011-01-07
صعب للأطفال القياس من الأذن عشان الطبله وسلامتها وربنا يسلم
Gomana 2011-01-07
علي فكره ده إفضل نوع للأطفال و خاصه الرضع لانه بيفيس في ثانيه واحده بس و مش بيوصل لدرجه انه بصيب الطبله
زغباوية 2011-01-07
فعلا الدكتور كان يادوب يقرب من ودن الولاد يعنى مابيحتاجش انه يدخل جوة الودن وفى ثانية يكون قاس الحرارة ماعلشان كدا عجبنى
زغباوية 2011-01-07
طيب ياجومانة نوع كويس ازاى
2
في الواقع انا شفت ترمومتر غريب جدا عن تجربة اخيرة في احد مستشفيات الاطفال هو رقمي ايضا ولكن شكلة غريب جدا شبة المسدس المقطوش ((فية شبة كبير من الجهاز اللي بيبقي في المحلات بيقرا البار كود من علي المنتجات))وبمجرد ما يعدي من فوق البطن او الرأس بيأخذ مجموعة قراءات وبيعطي متوسط نهائي لدرجة حرارة الرأس والبطن او اي حته يوضع علية يبدو انه فية سينسور بيحس بدرجة الحرارة عن بعد بس فعلا القراءات صحيحة ومتناسبة مع حرارة الجسم الخارجية.

وفية نوع كمان معروف لكثير من الناس وهو عبارة عن شريط اسود حساس بيوضع علي الرأس بيتلون من اللون الاخضر والازرق والبرتقالي والاحمر علي حسب درجة الحرارة وانا استخدمته بس بعد فترة بيهيس وبيلون كل الالوان مع بعض بس بينفع انة بيدي مؤشر عن ان حرارة الجسم مرتفعة ولكن ليس دقيق.
إضافة 2011-01-12

التعليقات

زغباوية 2011-01-12
الشريط ده وحش اوى
zedony.com - A mmonem.com production. عن زيدوني - Privacy Policy