ناوى تنتخب مين؟؟؟ اكتب نبذة عن مرشحك وبرنامجه الانتخابي ايه؟

7
ياريت كل واحد يقول لنا نبذة صغيرة عن احد المرشحين المقتنع بيهم علشان نفهم اكتر

 

إضافة 2012-04-15
غير محدد
تعديل 2012-05-14
safaa
50523

التعليقات

safaa 2012-04-16
+1
عبد المنعم 2012-04-17
لسه شوية على التحديد لما نسمع من الباقيين عن برامجهم
Mahmoud 2012-04-24
انا هانتخب حمدين صباحى, والفيديو ده فيه اسباب انتخابى ليه...

زغباوية 2012-04-24
شكرا محمود وياريت تكتبهالنا فى الاجابة وليس التعليقات
safaa 2012-04-24
على فكرة محمود هو اللى بعتلى الجزء الاول ل حمدين صباحى وهو على الرابط:حمدين صباحى (الجزء الاول)
عبد المنعم 2012-04-25
عايزين معلومات اكتر عن اى حد تانى

الإجابات

5
أنا بفكر أرشح دكتور عبد المنعم أبو الفتوح

والنبذه :

ولد د. عبد المنعم أبوالفتوح فى حى الملك الصالح بمصر القديمة لأسرة جاءت الى القاهرة من كفر الزيات بمحافظة الغربية، وكان ترتيبه الثالث بين ستة إخوة كلهم ذكور.
تميز عبد المنعم أبوالفتوح فى الجامعة بنشاطه واهتمامه بشئون زملائه فشغل منصب رئيس اتحاد كلية طب القصر العينى التى كانت فى ذلك الوقت رائدة فى العمل الإسلامى ، ثم أصبح بعد ذلك رئيس اتحاد طلاب جامعة القاهرة ، حين حدثت الواقعة الشهيرة عندما واجه عبد المنعم أبوالفتوح الرئيس السابق السادات أثناء لقاءه معه بثقة وشجاعة فقال له أن الدولة يسود فيها حالة من النفاق ولاتحترم علمائها .
لم يؤثر انشغاله بالعمل العام على دراسته فظل محافظا تفوقه فى جميع سنوات الدراسة وحصل على بكالوريس طب القصر العينى بتقدير جيد جدا ، لكنه حرم من التعيين بسبب نشاطه السياسى واعتقل لعدة أشهر ضمن اعتقالات سبتمبر ١٩٨١ الشهيرة. إلا أنه واصل تفوقه الدراسي وحصل على ماجيستر إدارة المستشفيات كلية التجارة جامعة حلوان .
انضم لحركة الإخوان المسلمين وشغل منصب عضو مكتب الإرشاد بجماعة الإخوان المسلمين منذ عام ١٩٨٧حتى٢٠٠٩.
عقب تخرجه شغل د.عبدالمنعم أبوالفتوح العديد من المناصب السياسية والنقابية مثل منصبه السابق كأمين عام نقابة أطباء مصر ومنصبه الحالى كأمين عام اتحاد الأطباء العرب ، كما امتد عمله العام للعمل الإغاثى والإنسانى من خلال رئاسته للجنة الإغاثة والطوارئ باتحاد الأطباء العرب، التى أرسلت مساعدات طبية وإنسانية إلى ضحايا حادثة سيول أسوان وسيناء وكارثة الدويقة ، كما قامت بتجهيز المستشفيات الميدانية بميدان التحرير خلال الثورة ، وتقديم المعونات لضحايا الثورة الليبية ومجاعات الصومال ، وتوفيرالمساعدات لضحايا الاعتداءات الصهيونية فى فلسطين ولبنان وقطاع غزة .
اعتقل فى عهد مبارك لمدة خمس سنوات لنشاطه السياسي ، حصل خلالها د. عبد المنعم على ليسانس الحقوق من جامعة القاهرة.
يعيش د. عبدالمنعم أبو الفتوح حاليا فى القاهرة مع زوجته التى تعمل كطبيبة نساء وتوليد ولديه ستة أبناء ثلاث إناث يعملن طبيبات وثلاث ذكوريعملون فى مجالات الهندسة والصيدلة والتجارة .
إضافة 2012-04-15

التعليقات

شيماء مصطفي 2012-04-15

safaa 2012-04-15
100/100 ياشوشو +1
safaa 2012-04-15
بس مافيش اختيارات ثانية عندك يبقى مثلا رقم 2
زغباوية 2012-04-15
جميل شكرا ياشوشو
Shady Taha 2012-04-15
ما فيش مشاكل
6
ليه بأيد د.عبد المنعم أبو الفتوح ؟

1-عشان اداري و البلد عايزة رئيس يدير شؤون البلد مش عايزة رئيس ملهم يمثل إنه بيفهم في كل حاجة ما شاء الله وفاكر ان هو اللي هيخطط ويقرر وينفذ ويراقب ويحاسب!

2- عشان ذو خليفة اسلامية معتدلة منهجها الفعل والُخلق مش الكلام الكتير..

3-عشان متواضع ومش طامع في السلطة ومفهومه عن السلطة أنها خادمة للناس.. عايز يؤسس لدولة المؤسسات

4-عشان عنده خبرة سياسية من قبل الثورة وتنسيق على الأرض مع جهات مختلفة ..هيعرف يلعب سياسة يعني

5- عشان عنده مهارات قيادية وفي نفس الوقت قدرة على العمل الجماعي تشهد بها المواقع المختلفة التي تولاها.. والبلد عايزة رئيس يبقى جزء من فريق مش عايزة رئيس "زعيم"

6-عشان واقعي وفاهم أكبر الأطراف السياسية المختلفة بما فيهم - الاخوان - بتشتغل وتفكر ازاي بحكم عمله معهم 20 سنة

7-عشان عنده الارادة السياسية القادرة على تحقيق برنامجه مش مجرد برنامج جميل على الورق

8-عشان شايفين أنه من الأسماء المطروحة لحد دلوقتي هو أكثر حد يصلح لمواجهة المجلس العسكري والعمل على تحقيق أهداف الثورة وإن كان فى أخرين لكنه أقواهم

9- عشان كان مشارك في الثورة من يوم 25 ومواقفه خلالها على منهاج واحد ما إتغيرتش

10- عشان عنده مبدأ ثابت عليه ، بيعرف يقول لأ وبيصمم على الحق من أيام ما كان طالب في الكلية وموقفه المعروف مع السادات

11-عشان عنده وضوح في الرؤية واستقلال في قراره.. أولوياته مترتبة صح

12-عشان متزن ومعتدل في أفكاره وأراءه.. عاقل يعني ووسطي

13-عشان بيتحرك على الأرض مش بينظر ويخطب في الناس من بعيد (مثال: قوافل كسر الحصار عن غزة)

14-عشان مهتم بفئة مهمشة و مهمة جدا من المجتمع محدش من المرشحين التانين بيفكر فيهم ألا وهم متحدى الإعاقة

15-عشان عنده حس انساني عالي (مشاركته واشرافه على حملات الاغاثة بحكم موقعه كرئيس اتحاد الأطباء العرب)

16- عشان عنده انحياز ايجابي للمرأة وقضاياها ودي حاجة مينفعش مقدرهاش

17- عشان عمره ما كان جزءاً من النظام السابق ولا خدمه بأي منصب ولا نافقه ولا استنفع منه

18-عشان راجل ما كانتش معارضته بالكلام ولكن دفع تمنها سنين من حياته في معتقلات مبارك ، وبالتالى فهو عارف يعني ايه ظلم واعتقال وجربه بنفسه فأكيد دا هينعكس على موقفه من الحريات
إضافة 2012-04-15
Shady Taha
3658

التعليقات

زغباوية 2012-04-17
اجابة منظمة وتتكامل مع اجابة شيماء
الباشمهندسة 2012-04-17
+1
safaa 2012-05-14
+1
safaa 2012-05-14
5
ايه رايكم قبل ماتقرروا تنتخبوا حد تشوفوا الفيدو دا.. فيه تحليلات
لشخصية كل مرشح من وجهة نظر الدكتورة منال عمر:


إضافة 2012-04-24
safaa
50523

التعليقات

زغباوية 2012-04-24
تمام
بس ليه لاغيتي اجابتك القديمة كنتى حطتيها تعليق على اجابة شادى او شيماء
شيماء مصطفي 2012-04-24
+1
3
عمرو موسي هو الرءيس الذي انتظره لانه هو الشخص صاحب الشحصية الذي يسنطيع ان يتحدث مع رؤساء وملوك العالم وهوالشخص الذي بنصتون له عندما يتكلم لانه عمرو موسي هو من يعرف ماهي السياسة الدولية ونحن في اشد الحاجة لرئيس يتحدث وينفذ من اول يوم انا لااتذكر انني كتبت هذا من قيل وعلي كل حال فأنا اؤكد ماسيق قلته
إضافة 2012-04-24
bigestman
2724

التعليقات

زغباوية 2012-04-24
لم اتوقع هذه الاجابة من حضرتك
لولو الزغبى 2012-05-18
عمرو موسى لو نجح هو او احمد شفيق هنعيد عصر مبارك و اسوأ منه كمان و مش هنعرف نفتح بؤينا بعد كدهو هيبقى سهل اوى نصحى من النوم نلاقى ناس بتختفى

لولو الزغبى 2012-05-18
و اعتقالات تانى فكر تانى و فكر كويس
3
انا بدعم د\عبد المنعم ابو الفتوح جدا و ان شاء الله ينجح لانه فعلا انسب المرشحين الى موجودين دلوقتى و لو نفذ برنامجه فعلا البلد هتبقى احسن

تعهداته الرئاسيه

"د.عبدالمنعم أبوالفتوح: أتعهدّ بأن تصبح مصر من أقوى 20 إقتصاداً في العالم خلال عشر سنوات""أتعهدّ بإلغاءُ المحاكمات العسكرية للمدنيين وإعادة محاكمة كل مدني تمت محاكمته أمامها""أتعهدّ بزيادة ميزانية التعليم إلى 25% والصحة إلى 15% من الموازنة العامة للدولة""أتعهدّ بجعل الجيش المصري أقوى جيوش المنطقة والعمل على تنويع مصادر تسليحه""أتعهدّ بأن يكون نائبي شاباً وأن يشغل الشباب 50% من المناصب العليا بالدولة""أتعهدّ بالقضاء على أمية مَن هم دون الأربعين عاماً بنهاية الفترة الرئاسية"
و ده لينك لمشاريعه القوميه

http://www.drabolfotoh.com/platform/projects.html
إضافة 2012-05-14

التعليقات

مها شاهين 2012-05-15
برضة يالولو مش مقتنعة
safaa 2012-05-15
+1
زغباوية 2012-05-17
برافو يالولو مع انى صرفت نظر عن ابو الفتوح واتجاهى لخالد على او صباحي
لولو الزغبى 2012-05-18
خالد على شعبيته مش جامده اوى ولكن ده مايمنعش انه حد كويس جدا بس استبعد فوزة و لكن حمدين صباحى شعبيته بتكبر كل يوم و بتزيد عن اليوم اللى قبله و هو راجل كويس جداااا و قادر ينافس و بقوة
زغباوية 2012-05-18
فعلا وانا هانتظر لاخر لحظة
زغباوية 2012-05-18
لان كل يوم فيه جديد
3
حمدين او خالد على حمدين اتكتب عنه فوق اما خالد على ستجدوه فى هذا الموضوع
نظرتى الخاصة فى انتخاب الرئيس ومرشحي المفضل
إضافة 2012-05-20

التعليقات

safaa 2012-05-20
+1
loleta1 2012-05-21
+1
zedony.com - A mmonem.com production. عن زيدوني - Privacy Policy