حزب نساءمصر

6
بصراحة انا بأتهم بنات وسيدات هذا الموقع بأنهن غير وطنيات ..أو غير مباليات .. لأنى لم ار منهن غير المطبخ وتربية الأولاد ومتاعبهم يعنى باختصار هن يثبتن افكار السلفيين عن المرأة ..

تعداد النساء فى مصر اكتر من نصف الشعب .. يعنى اكتر من الاخوان والسلفيين .. يعنى لو عملوا حزب بجد هيكتسحو اى انتخابات .. فكروا فيها وابتدو اتكلمو وانشرو اعلى الفيس بوك وعلى تويتر ..

شخصيا انا بدأتها على تويتر امبارح .. ورونا فعالياتكم ..مستقبل مصر بيتشكل حاليا .. فاما الى الامام والا فالى قاع التاريخ ..

 

التعليقات

زغباوية 2012-03-25
حضرتك انا عاملة صفحة على فيسبوك اسمها حزب ستات البيوت الحمد لله وصلنا دلوقتى حوالى 40 عضو وعضوة وتقريبا محدش بيدخلها غيري:P وكان هدفى ان ستات البيوت طاقة و قوة عظمى ومؤثرة ولازم نشارك ونساعد فى بناء مصر ادعيلنا انها بدل ماتكون مجرد صفحة نكةن فعلا حزب وهاظبط البلد ماتقلقوش
للإنضمام ادخل على:
http://www.facebook.com/pages/حزب-ستات-البيوت/126167304128458
عبد المنعم 2012-03-25
غيرى الاسم وانا انضم لكم .. وحتى يعرف الناس انه حزب سياسى مش حزب المسقعة !!
Fayez Eneim 2012-03-25
ردك قوي لتصحيح أداة الوصول للهدف. أضيف بنصيحة للإناث إن يسجلوا حزبهم قبل أن تظهر فتوى من اياهم يلدستور يحظر إنشاء حزب عرقي نسوي.
Fayez Eneim 2012-03-25
تصحيح: ببند بالدستو الجديد
زغباوية 2012-03-25
:(ملحوظة قوية بس مش بعرف اغير حاجة فى الفيس بوك وبعدين هو انا اصلا ماليش فى السياسة ومش فاضية لها بس انا حبيت اشارك فى بناء المجتمع بأى حاجة ايجابية ومفيدة زي اعمال تطوعية مجتمعية اى ست بيت تقدر عليها جنبها جمعية خيرية تقدر تشارك فيها او تقدر تعمل اى حاجة من البيت وتساهم فيها ماشي حاجات من دى يعني مش بس مسقعة وطبيخ وتنظيف
:(
زغباوية 2012-03-25
وبالنسبة للدستور... حزب ستات البيوت مايهموش اى حاجة مدام مش ضد القانون:D
Fayez Eneim 2012-03-25
مخالف للدستور أكبر بكثير من ضد القانون.
زغباوية 2012-03-25
اوباااا لأ خلاص خلينا مع الدستور احسن:(
بس بتهيألى مايقدروش يعملوا كدا في مصر دى الستات تقوم عليهم لأن الستات فعلا قوة عظمى لا يستهان بها وخصوصاً في مصر
Fayez Eneim 2012-03-25
قوة عظمى في كل الدنيا وعلى أصحاب القوة إدراكها.
Shady Taha 2012-03-25
اغلب الستات تقريبا مش بيحبوا السياسه ، اعتقد انهم بيهتموا بالطبخ و الشؤؤن المنزليه فقط
زغباوية 2012-03-25
لا مش بس ولا حاجة بس فيه ستات كتير بتهتم بالاعمال المجتمعية اكتر من السياسة ودهاليزها وده شئ مهم جدا عن نفسي اخري في السياسة انى اتابع باهتمام مايحدث واسمع وجهات النظر المختلفة وبكون رأيي الخاص وطبعا مابنعمل حاجة غير ان احنا ندعي وندعم النصف الأخر من المجتمع
عبد المنعم 2012-03-26
المجلس القومى للمراة ما عملش اى حاجة للمراة .. تقريبا كل مشاكل المراة الاجتماعية والسياسية والقضائية زى ما هى بدون حل .. والمجلس معمول للافساد المالى لاعضائه ..
هناك قطاعات واسعة متبهدلة فى الحياة .. فى كل المجالات .. بما يضيع كرامتها وشرفها .. والرجال انانيون لا يهتمون .. الليلة سانادى على صفحتى على الفيس بوك بانشاء هذا الحزب ..وهاشوف الاستجابة شكلها ايه !!
زغباوية 2012-03-26
يالا ياعم همتك معانا حتى لو خدوا صفحتى مش مشكلة انا متنازلة عنها:Dبس المهم يكون فيه نتيجة وتطور
Fayez Eneim 2012-03-26
مبادرة رجل استراتيجي النظرة فالمرأة مصنع القادة. المهم ألا ينتهي الأمر على شاكلة إذهب أنت وكل الرجال وقاتلوا ... إنا هاهنا قاعدات.
زغباوية 2012-03-26
لا لا مش الستات اللى يعملوا كدا... دا احنا رجالة اوى:D
Fayez Eneim 2012-03-26
وهذا ما أتمناه منكن. لاحظي أني شاركت معكم هنا بقصيدة "أجمل الأمهات" وكذلك أشير أن الأم هي حصيلة قيادة عدة وزارات أهمها الدفاع والصحة والتعليم والاقتصاد و ...
وأختم بحافظ ابراهيم: ألأم مدرسة إذا أعددتها أعددت شعباً طيب الأعراق
زغباوية 2012-03-26
:( ربنا يقدرنا ويعيننا
zedony.com - A mmonem.com production. عن زيدوني - Privacy Policy