صدور الدجاج المحشية بالجبن

3
كتير الواحد بيزهق من الطعم التقليدي للفراخ المسلوقة او المشوية وحتي البانية انا لقيت طريقة ظريفة لعمل صدور الدجاج المحشية بالجبن والزعتر واليكم:

المقادير
صدور دجاج
50 جرام سبانخ وممكن استبدالها بالبقدونس المفري
50 جرام جبنة موتزاريلا
ملح، فلفل، زعتر.
زيت زيتون
ليمون
2 حبة بطاطس مسلوقة ومبشورة.


طريقة التحضير
نقوم بعمل فتحة مناسبة من فوق فى صدور الدجاج بطول الصدر حتى نستطيع حشوها.
نقوم بتقطيع السبانخ او البقدونس ونخلط عليها الجبنة موتزاريلا والزعتر وقليل من البطاطس المبشورة ونقوم بحشو الدجاج بهذه المكونات.



ثم نتبلها بالملح وزيت الزيتون والزعتر والليمون، ثم نضعها قليلا على الجريل لتصفي.
ثم ننقلها مع قطعة زبدة فى صينية وندخلها الفرن لمدة 10 دقائق .
ثم نخرجها ونقطعها نصفين
ونضعها فى طبق التقديم وبجانبها خليط من بشر البطاطس.




وممكن استبدال الحشو باي شئ انتي تحبية حتي لو كان قطع من اللحم المدخن مثلا ودا اللي بيقولوا عليه الكوردن بلو.


وفيه طريقة اخري لو كانت قطع الدجاج لا تسمح بعمل شق فيها وحشوها ممكن فرد خليط الجبنة عليها ولفها مثل السويسرول وتدعيم القفل بخلة اسنان وبعد التسوية تقطع شرائح زي كدا.




وبالهنا والشفا

 

إضافة 2012-03-20
غير محدد
تعديل 2012-03-20

التعليقات

safaa 2012-03-20
جوعتينا ... ليه كدة بس
safaa 2012-03-20
+1
زغباوية 2012-03-21
فكرتيني ياباشمهندسة انا لسة عاملاها من كام يوم وقولت هاكتبلكم الطريقة ونسيت شكرا ليكي وتسلم ايديكي وهى فعلا بتكون لذية وطعمها حلو وجديد
الباشمهندسة 2012-03-21
طيب ايه مفيش اي تريكات زغباوية في الطريقة بتاعتك عايزة تضيفيها ؟؟ :D
زغباوية 2012-03-21
اكيد طبعا انا بعملها بانية يعني بحطها فى الدقيق الاول وبعدين البيض والبقسماط وطبعا فى الحشو بحب احط زيتون شرائح بيديها طعم حلو وجميل:(
زغباوية 2012-03-21
بس حلو اللحم المدخن ده هاتيلنا بقى طريقته
zedony.com - A mmonem.com production. عن زيدوني - Privacy Policy