تربية ا لا را نب

6
عا يز أربى ارانب في البيت ينفع ؟
إزاي ؟واعمل إيه ؟

 

إضافة 2012-03-01
من تأليفي
تعديل 2014-08-30

التعليقات

safaa 2012-03-01
سؤال جميل يايوسف +1
زغباوية 2012-03-01
يارب حد يقولك ماينفعش تربيهم فى البيت:D
على فكرة يوسف اللى كاتب السؤال ده بنفسه علشان فعلا عايز يربي اى حيوانات فى البيت وده طبعا من رابع المستحيلات
safaa 2012-03-01
على فكرة فى ناس بتربى طيور وارانب وبط وحمام فى البيوت بس مش اى حد عندة صبر للتربية
زغباوية 2012-03-01
ومش اى حد يقدر على كدا دى محتاجة مجهود وحب للموضوع وانا اصلا بخاف:(
safaa 2012-03-01
المثل بيقول ايــــــه ...اكفى القدرة على ...كملى انتى :(
زغباوية 2012-03-01
:(
Noura 2012-03-01
وليه ارنب يا يوسف بكرة الارنب يكبر ومامتك تقولك ندبحه وناكله دا مفيد هات حيوان مش بيتاكل زي القطة مثلا هتبقى جميلة وشقية وهتلعب معاك :D
زغباوية 2012-03-01
هو اخره معايا نمل :D اكتر من كدا ماينفعش
الباشمهندسة 2012-03-01
سؤالك حلو يايوسف .....في انواع من الارانب الصغيرة اللي تصلح للتربية المنزلية وبتوضع داخل اقفاص زي العصافير كدا ومابيبقاش منها خوف او قلق
زغباوية 2012-03-02
طيب قولى لنا طريقة تربيتهم

الإجابات

6
أعتقد أرانب فى البيت ما ينفعش ،، لازم ليهم مكان واسع و يتحطوا فى بوكسات كبيره ، و لازم لهم رعايه خاصه يوميه،،

ممكن نبدأ بسمكه زينه فى كاس كبيره ، و تبدأ تتعلم رعايه روح ،، لانى زى ما حسيت انك لسه صغير ،،

و ممكن ماما توافق على السمكه ،و الله اعلم
إضافة 2012-03-01
dr,dream
772

التعليقات

زغباوية 2012-03-02
الله يفتح عليك جميل اوى الكلام يوسف فعلا عنده 6 سنين وانا اصلا بخاف من تربية اى حيوان او طيور
يوسف الزغبي 2012-05-05
شكراً
4
معلش بقي يا زغباوية انا وراكي وراكي لحد مايوسف يقنعك :D

كما علقت سابقا فيه انواع من الارانب بتكون حجمها صغير وبيتم تربيتها في المنزل داخل اقفاص طبعا مش صغيرة قوي زي بتاعت العصافير اكبر شوية وبتتناسب مع حجم الارنب وبيكون مساحتها فيها ترفيه كمان ليه ودي بعض النماذج البسيطة.

زكل اللي عليك انك تختار ركنة دافئة في المنزل عشان الارانب بتموت من البرد وبتحتاج تدفئة ياما تستنس فصل الصيف بس لو عايز تعمل كدا فعلا لازم شروط هامة جدا جدا تلتزم بيها سواء هاتربي ارانب او اسماك او حتي كتاكيت وهي :

1- دي روح زيها زينا لازم نحافظ عليها ونعتني بيها ونلبي احتياجتها من المأكل والمشرب والرعاية الصحية .

2- تنظيف المكان اللي هيبقي فيه التربية مسؤليتك وحدك وليس علي ماما انها تساعدك فيه عشان دا قرارك من الاول وعلي فكرة دي بتبقي مهمة صعبة وخاصةً التخلص من الفضلات مش انت تتفرج وتلعب وماما هي اللي تتدبس.

3- لا ترتبط عاطفيا قوي باي حيوان هتربيه لان ممكن في اي لحظة يموت ولازم تبقي عارف انها بتبقي مخلوقات ضعيفة ومحتاجة رعاية طول ولو مات ممكن تجيب بداله.

4- لازم تقرأ كثيرا في تربية الحيوانات الاليفة او الطيور او الاسماك قبل ان تقتنيها عشان تعرف حياتها واكلها واذا كانت هتتزاوج او تتناسل عندك يبقي محتاج استعدادات.

انا عارفة انه كلام كبير علي سنك لكن ماما تقدر تفهمهولك كويس عشان تيقي صاحب القرار في التنفيذ والمتابعة .


اخيرا بقي هاسيبك مع شوية صور للارانب اللطيفة :D
















إضافة 2012-03-02

التعليقات

safaa 2012-03-02
ايه الجمال دا كله +1
يوسف الزغبي 2012-05-05
شكراً علي المعلومات وهاقرا عن الارانب الاول
زغباوية 2012-05-06
حلو اوى الخطوات دى لتربية الارانب
zedony.com - A mmonem.com production. عن زيدوني - Privacy Policy