ليه بعد ما تكسب ثقة الناس ..... تغشهم ؟

5
بصراحة انا مغتاظة جدا لان كان عندي مشكلة مؤرقة في شراء اللبن وطبعا الاول كنت بجيب لبن سايب وبقيت اشك فيه بعد الحمي القلعية وبعدين بقيد اجيب لبن اكياس ولكن قالك فيه لبن بودرة ومواد صلبة معرفش ايه رجعت وبقيت اجيب لبن سايب من الفلاحين موثوق منه بس فيه مشقة عليا ومش متوفر علي طول فقررت اشتري صحة اولادي بالفلوس وعملت جولة علي كل الالبان المعبئة في علب كارتون وطبعا تعبت لحد ماستقرت علي جهينة كامل الدسم واللي طبعا طبيعي 100% وخالي من المواد الحافظة وخالي من اللبن المجفف والعلبة مختومة بشعار صحتك في العلبة دي وبقالي عليه يمكن سنة ونص ...

الصدمة بقي... اني فوجت وبدون اي سابق انذار او اعلام ان العلبة بتاعت اللبن بقي مكتوب عليها 50% لبن مجفف واضحة وصريحة مفيهاش شك ... طيب ليه؟؟

وازاي بعد ماحطيت ثقتي في المنتج يغيروا حاجة اساسية دون اعلام الناس !!
السؤال هنا :
هل كدا اللبن دا يعتبر مش صحي من الدرجة الاولي ؟
ماهو المنتج البديل والصحي الامن ؟

علي فكرة الكلام دا مش في اللبن بس ولكن في نماذج كتير بس دي تعتبر حاجة حساسة واساسية في البيت.

شوفوا الفرق زمان وديلوقتي

{{uf:1035}} {{uf:1036}}

 

إضافة 2012-02-29
غير محدد

التعليقات

محمد عبد المنعم 2012-03-01
مفيش إشارة إني أنا اللي لاحظت كده قبلك ولا حاجة؟
ماشي ماشي!
زغباوية 2012-03-01
هو انا لاحظتها قبل كدا واعتقد الموضوع ده حصل بعد مامصانعهم اتحرقت وجددوها

وقابلت مندوبة من جهينة فى سوبر ماركت وقولتلها على الملاحظى دى وقالتلى اكلمهم بس انا لاقيت موقعهمhttp://www.juhayna.com/ تحت التنفيذ علشان اراسلهم بس هاحاول اكلمهم تانى وكمان علشان E471 اللى موجودة فى الزبادى بتاعهم
الباشمهندسة 2012-03-01
طبعا الفضل لله ثم لمدير الموقع في هذا الاكتشاف داخل اسرتنا :D :D

الإجابات

2
+1 لأن الهدف هو الربح مش صحتك أمّا بصفة عامة(لأن الندالة بقت هي الغالبه دلوقتي كله بيدور على مصلحته حتى لوكان هيغدر ويدوس على أقرب الناس ليه).
إضافة 2012-03-01
loleta1
14181

التعليقات

زغباوية 2012-03-01
هو انا شفت انهم صادقين او انهم لما يكتبوا كدا بعد ماكانش فيه قبل كدا ده كافى اننا نحترمهم ونحترم صدقهم والمفروض علينا كمستهلكين نقرا مكونات مانشتريه ونتأكد من صحته
الباشمهندسة 2012-03-01
لا اللي انتي بتقوليه يا زغباويه عامل زي بتوع علب السحاير لما بيكتبوا التدخين ضار بالصحة عشان ماحدش يقاضيهم بس مش اكتر لكن هو بيقولك في الاعلانات لبن من خير الطبيعة طبيعي 100% ونماذج من القرع دا وطبعا لما غير في المواصفات كتبها بخط صغير جدا وما اشارش ليها بصورة واضحة عشان الكل ياخذ باله فهمتي قاصدي ايه
الباشمهندسة 2012-03-01
+1 راي حقيقي واقعي
الباشمهندسة 2012-03-01
بالمناسبة لقيت الشعر دا لبيرم التونسي مناسب للموضوع يارب يعجبكو

الغش والغلا

الأكل و الشرب فى إيد اللومنجية

و الطماعين اللى غلوا الملح و الميه

و الغشاشين اللى فاقوا على الحرامية

الشاى بالمفتشر مخلوط ملوخية

والبن فيه الشعير تسعين فى الميه

و الميه و العيش برمله و طينه يا ملوخليه

و اللحم معروض بدون أختام رسمية

و الميه هيه اللبن و لا اللبن هيه

أفاعى متسيبه من غير رفاعيه

و دنيا مترتبه ترتيب فلاتيه
زغباوية 2012-03-01
ياخبر ابيض هو الكلام ده من ايام بيرم
واللى لفت نظرى اكتر هو البن اللى فيه الشعير ده كدا يكون مغذى اوى:(
loleta1 2012-03-04
راجل 10/10
3
انا اتصلت بالشركة على رقم 16630
قالتلى ان فيه عجز فى اللبن الخام(الطبيعي) فى السوق كله وانهم بيحطوا لبن بودرة من نيوزيلاندة او فرنسا واثقين من جودته ومصدره وبيحطوه مش بنسبة 50% زى مامكتوب لا ده حسب وجود اللبن الطبيعي يعنى النسبة بتكون اقل بكثير هما كاتبين اقصى نسبة مسموح بيها لوضع اللبن البودرة
وان من المصداقية مع المستهلك انهم يكتبوا كدا

الاهم:
سألتها عن المادة E471 ومصدرها قالتلى ان جهينة لاتستخدم اى من مشتقات او دهن الخنزير فى اى من منتاجتها وسألتها تحديدا طيب المادة دى اصلها ايه او مصدرها ايه سالت المتخصص وقالتلى ان E471 مثبت غذائي لايحتوى على مشتقات الخنزير بس مش عارفة اسمها ايه ولا مصدرها نباتى او حيوانى او صناعي وأكدت ان الشركة تخضع للرقابة وخصوصا وزارة الصحة التى لاتسمح بتناول المواد المحرمة دوليا زى دهن الخنزير
وده فى حد ذاته كافى ان احنا نرجع ناكل زبادى جهينة من تانى

ياريت تكلميهم انتى وتستفسري بزيادة
إضافة 2012-03-01

التعليقات

الباشمهندسة 2012-03-01
كان فيه مقالة قرأتها كانت محتواها بيقول ان كتير من العاملين في المصانع والمعامل مش بيبقوا عارفين حقيقة المكونات اللي تستخدم لانها مش مهمتهم الاساسية وعشان كدا ماقدرش اقولك ان البنت كذابة ولكن اؤكدلك انها مش عارفة الحقيقة بحيث انها بالفعل لم تقل ليكي معلومة واضحة وصريحة ولكن كلام بتطمنك بيه.... والله اعلم طبعا

+1 علي المجهود الشخصي في المكالمة بس الناس دي عايزة حد مدوحر يلغوص معاهم

الا بالمناسبة هو ايه اصل كلمة مدوحر ؟؟
زغباوية 2012-03-01
هههههههه هى فعلا عايزة حد مدوحر علشان كدا طلبت ان حد تانى يكلمهم جايز يطلع بمعلومة جديدة
وكنت عايزة اكلم الباشمهندس عادل(عمى ويعمل فى مجال التغذية) ممكن يكون عارف هاحاول اكلمه فى اقرب فرصة
زغباوية 2012-03-01
وبالنسبة لاصل كلمة مدوحر ممكن تسألى فى زيدونى:(
الباشمهندسة 2012-03-01
:(
loleta1 2012-03-01
+1أحب فيكي يازوزو نشاطك في البحث وراء الحقيقة....بجد جدعة
زغباوية 2012-03-01
شكرا يالولو.... مانا بلاقى مليون موقع وكله ناقل من بعضه ومحدش كلف خاطره ويستفسر ومعلش بنتبادل الجهل وبيأثر عليناوالحقيقة فين محدش عارف وده الهدف الرئيسي لموقعنا انتشار المعرفة والوعي والبحث عن المعلومة وصحتهاوالموضوع ماخدش اكتر من 5 دقايق بمكالمة بسيطة
الباشمهندسة 2012-03-01
حضرتك هو دا سبب المقال دا يا عالم ... ياهووووووه
زغباوية 2012-03-01
إذن فلنرفع شعار زيدونى تصحيح المعلومات
zedony.com - A mmonem.com production. عن زيدوني - Privacy Policy