مشكلة فى الغسالة ....هل من مساعد

4
غسالتى مش بتطرد او بتصرف المياه وبالتالى مش بتعصر

فكيت الفلتر وغسلته

وخبط عليها:D ولعبت فى زرار الغاء العصر(كانت حيل بتنفع قبل كدا يعنى كل ماكنت بعمل كدا بترجع تطردوتعصر بس دلوقتى الحيل دى مش نافعة)

حد يقولى ممكن يكون العيب فى إيه؟؟؟؟؟

 

إضافة 2012-02-28
غير محدد

التعليقات

محمد عبد المنعم 2012-02-28
الكوتشة ... الفلتر ... الصمام
عشان نتستعمليش بيوكلينا
محمد عبد المنعم 2012-02-28
بيوكلينا يغسل كموج البحر
زغباوية 2012-02-28
:(
هو اعتقد من بونكس ...نضافة... ريحة... توفير كلام فى كلام ولا نضافة ولا ريحة ولا توفير وأدى اخرتها
طيب الفلتر وشوفته نيجي بقى للكوتشة والصمام ايه هما واعمل فيهم ايه؟
زغباوية 2012-02-28
تصدق اوحيتلى بفكرة انى اغيره واشوف النتيجة بس احكيلي شوية عن الكوتشة والصمام
mora 2012-02-29
من رأيى اتصلى بالصيانه افضل عشان الموضوع ميزدش اكتر وكمان ميحملوكيش سوء استخدام ويكلفك فلوس اكتروطبعا +1
safaa 2012-02-29
قلبى معاكى ياحبيبتى :)
محمد عبد المنعم 2012-02-29
أنا كنت بهرج ... الكوتشة والفلتر والصمام ده كان الكلام اللي بيتقال قي الإعلان ... أنا مليش في الموضوع ده أساسا
محمد عبد المنعم 2012-02-29
الإعلان ده بقاله حوالي 25 سنة
زغباوية 2012-02-29
اااااااااه ماشي 5 دقايق انشط الذاكرة وارجع تانى:(

الإجابات

4
تاكدى ان خرطوم الطرد مربوط فى نفس أرتفاع الصمام اللى خارج من الغساله ، مش يكون واقع على الارض مثلا

الاهم بطلى لعب فى الزراير ، هى دى أخرتها!!

أغسلى دوره و الغساله فاضيه و حطى بدل المسحوق خل ، بكده هاتشيلى أى رواسب فى كل حته فى الغساله ،،


لو ما نفعش كل ده / أتصلى بالصيانه!!
إضافة 2012-02-29

التعليقات

زغباوية 2012-02-29
شكرا شكرا شكرا هاعمل كدا واشوف
safaa 2012-02-29
100/100 يارشا +1
زغباوية 2012-03-01
شكرا جزيلا ....انا نزلت الخرطوم في طبق كبير وصرفت الماية وعملتلها دورة كاملة بملح الليمون (لان الخل ماجابش نتيجة)وجابت نتيجة وهاجربها تانى واقوللكم

اعتقد ان السبب هو استخدامي لمسحوق مش حلو وكمان منعم مش حلو وده علشان بيسيبوا اثر في درج المسحوق وخصوصا المنعم مابيمشيش مع الماية وبيتراكم
safaa 2012-03-01
مبروووووووووووووووووووك
loleta1 2012-03-01
على فكرة يازوزو ده صحيح لأن فيه مختص من الصيانه بيصلح غسالات قاللي قبل كده بلاش تستخدمي المنعمات والمعطرات لأن أغلبها مغشوش وبيبوظ الغسالة والأسوأ إنه بيسبب بقع في الغسيل ونصحنا بأستعمال كمية معقولة من المسحوق المناسب وتقليل كمية الغسيل(1/3إلى2/3)في الغسلة عشان ينظف ويبقى ريحته حلوة وفي نفس الوقت ماأستخدمش الحاجات دي ولو حبكت معايا يبقى أستخدمها بره الغسالة مش جواها.
زغباوية 2012-03-01
شكرا يالولو على المعلومات هو انا اول مرة بصراحة اسمعهابس عشتها واستنتجتها بنفسي بس بعد ماالغسالة جننتني
زغباوية 2012-03-01
شكرا ياصفصف
4
المشكلة دي معناها إن الخرطوم مسدود كرقم واحد لازم تتأكدي من كده
إضافة 2012-03-01
loleta1
14181

التعليقات

زغباوية 2012-03-01
شكرا جزيلا ....انا نزلت الخرطوم في طبق كبير وصرفت الماية وعملتلها دورة كاملة بملح الليمون وجابت نتيجة وهاجربها تانى واقوللكم
safaa 2012-03-01
ايه الشطارة دى كلها +1
زغباوية 2012-03-01
:(
zedony.com - A mmonem.com production. عن زيدوني - Privacy Policy