البقشيش كلمة عامية معرفش اصلها ايه في اللغة العربية ...دا طبعا مش موضوعنا ممكن احد الاعضاء محبي اللغة العربية يقولنا اصلها ايه !
الفكرة بقي ايه شعورك تجاه البقشيش ؟ يعني بعد ماتخلص اكلك في مطعم ولا كافيتريا ولا محل عصير حتي ويجي الجرسون ومعاه الفاتورة وتدفع فيها ثمن اللي اخذته + 10% ضريبة المبيعات +12% خدمة بيكون ايه شعورك :
- هل هو فعلا يستحق البقشيش نظرا لخدمته ليك
- هل لا يستحق البقشيش لانه كدا كدا واخذين 12% خدمة وبتدفع كالتقاليد
- هل بتدفع عشان شكلك مايبقاش وحش قدام العاملين في المكان خصوصا لو بتتردد عليه بكثرة
- هل مابتدفعش وتديها طناش ويخبطوا دماغهم في الحيط انت دفعت الخدمة
- هل بتدفع علي حسب رضائك عن اداء الجرسون لو كان متعاون من عدمه
- هل بتدفع مبلغ يتناسب مع حجم فاتورتك ولا الموضع لا يزيد عن 2 او 3 جنية سواء كانت الفاتورة ب 40 جنية او 400جنية.
- هل تعتقد ان الجرسون دائما راضي عن اي بقشيش بيأخذه منك ولا لو قليل بيدعي عليك بعد ماتمشي :D