اختبار الذكاء للاطفال ..IQ ؟؟

4
انا سمعت عن اختبار الـ IQ لقياس الذكاء عند الاطفال وعندي عدة استفسارات ياريت حد متخصص او مجرب يرد عليا:

1- ينفع من عمر كام سنة؟
2- فين الاماكن المتاح فيها الاختبار ده ؟
3- تكلفة الاختبار المتوسطة؟
4- اهمية هذا الاختبار ...ضروري لكل الاطفال ولا بس للي عندهم مشاكل من اي نوع؟
5- هل يوجد نماذج لنوعية الاسئلة او الاختبارات اللي بتتم علي الطفل؟


وشكرا

 

إضافة 2012-02-12
غير محدد

التعليقات

زغباوية 2012-02-12
شكرا كنت عايزة اعرف بس شكلي انا اللى محتاجاه :D
Hager 2012-02-13
على فكرة في مقياس تاني بيطبق من سن 16 إلى سن 74 سنه و11 شهر اسمهWechsler Adult Intelligence Scale -Revised
زغباوية 2012-02-14
اوباااااااااااااا........

الإجابات

4
1-فيه اختبار اسمه Stanford Binet:Forth Edition وده مناسب للأفراد من سن 2 إلى سن 23 سنه
سؤال 2،3بالنسبة للأماكن والأسعار فأنا لسه هسأل وأرد قريب

بالنسبة للسؤال الرابع فهو مش ضروري لكل الأطفال لكن بيساعد على التدخل المبكر لأن أحيانا فيه مشاكل مش بتظهر غير متأخر وبيكون علاجها صعب فالوقاية خير من العلاج وكمان ممكن يساعد على فهم قدرات الطفل وكيفية توجيهه بشكل صحيح.

سؤال (5)اما بالنسبة لنماذج عن نوعية الأسئلة فده ممنوع علينا نقوله لأى شخص خارج المجال لأن الوصف ممكن يأثر على التطبيق لكن ممكن أقول نبذة عن محتوياته عناوين مش أكتر وهو بيتكون من 15 اختبار فرعي منها اختبارات بتقيس المحصلة اللغوية وفيه بيقيس التذكر وفيه بيقيس الفهم العام وادراك العلاقات بين الأشياء والذاكرة البصرية والسمعية ودقة الملاحظة والمهارات الحركية خاصة باليدين.

إضافة 2012-02-13
Hager
1080

التعليقات

زغباوية 2012-02-14
+1
الباشمهندسة 2012-02-14
رائع ...زيديني معلومات

في انتظار البقية
zedony.com - A mmonem.com production. عن زيدوني - Privacy Policy