سيبكو من دا كلو وتعالو هنا شوية ( هاااااااا بسرعة بقا )

6
بصوا بقا يا جماعة طبعا انتو عارفين من ساعة ما كنت قاعدة على كرسي الاعتراف وانا بشتغل في دار ايتام المهم الولاد بقا اللي في الدار داخلين مسابقة مع جمعيات تانية للايتام وللمعاقين بصوا هو يوم يوجع القلب بس ان شاء الله هيكون يوم لذيذ يعني هيكون في مسابقات للولاد وفي الجمعيات هتكون عملة عروض مسرحية وكدا يعني
وطبعا اكيد كلكو تحبوا تشاركوا في حاجة زي كدا بإنكو تحضروا الحفلة دي وتشجعوهم


ودي ان شاء الله هتكون يوم السبت الجاي الموافق 18/2/2012
والمكان هيكون في قاعة السينما بنادي الشمس
الوقت هيبقا من 9 صباحا وحتى 4.30 عصرا
الدخول من بوابة صالة الالعاب الرياضية شارع عبد الحميد بدوي جوار صالة الاسكواش
اي حد ممكن يدخل بس يقول احنا تبع دار الفرقان
عرض المسرحية اللي هيققوم بها الاطفال هتكون رقم 3 يعني عالساعة 2 تقريبا ده للعايز يحر المسرحية بس

 

إضافة 2012-02-12
Noura
6608
غير محدد
تعديل 2012-02-16
Noura
6608

التعليقات

زغباوية 2012-02-12
فكرة حلوة اوى ياتؤتؤ انك تشركينا فى حفلة زى دى بس للأسف ماعتقدش انى هاقدر اجى لانى من بنها بس عموما هاعمل اللى عليا وازن على الادارة العليا:D
انا كنت حضرت بروفات مع جمعية رسالة لحفلات زى دى بس طبعا وللأسف ماقدرتش اروح معاهم
يارب تكون حفلة جميلة وكل الاطفال يتبسطوا
ويارب اعرف اجى
الباشمهندسة 2012-02-12
انا معاكي ان شاء الله ... اولا يوم السبت اجازة مدارس وثانيا انا عضوة في النادي يعني ارحب باي حد عايز يجي ومش هايعرف يدخل ممكن نعمل له دعوة ... وفرصة سعيدة جدا جدا
الباشمهندسة 2012-02-12
انا نفسي نعمل كدا حاجة باسم زيدوني في اول جمعه بابريل اللي هي يوم اليتيم في مصر وتكون مساهمة مع دار او اكثر من دار وكل اللي في الموقع يقدر يشارك ماديا او معنويا ... وطبعا انتي من اكثر الناس اللي ممكن ترشيدينا نعمل ايه وايه طبيعة الحال في يوم زي دا وايه اللي ممكن الاولاد يحتاجوه؟؟
Noura 2012-02-12
انا مستعدة لكدا بس المشكلة ان كل جمعية في يوم الجمعة ده بتكون املة حفلة في مكانها عشان متبرعينها وزوارها بيجوا ليها بس لو بعد كدا مفيش مشكلة
زغباوية 2012-02-12
او قبل كدا كمان نكون مختلفين طووووووووول السنة سايبينهم ونيجي فى اسبوع واحد ونفتكر ياريت تبقى قبلها
safaa 2012-02-12
يالا اتفقوا وانا معاكوا ان شاء الله
زغباوية 2012-02-16
بالتوفيق يارب ويوم سعيد وموفق ومفيد بإذن الله
loleta1 2012-02-22
وانا كمان معاكم وإن جت متأخره يمكن لو لاحظت بدري كنت حضرت بس عايزة أعرف:
اخبار اليوم ده كانت إيه؟واللي راح من زيدوني شارك بأيه وإستفاد إيه؟
وكمان فعلاً لو بدأنا نخطط من دلوقتي أن شاء الله ننفذها بس ندعي ان مايحصلش حاجة في البلد زي كل مره.
Noura 2012-02-22
اليوم ماشاء الله كان جميل جدا
وللاسف يالولي محدش جه من زيدوني:)
بس ان شاء الله تتعوض
زغباوية 2012-02-22
بس كدا ياتؤتؤ انا عايزة اعرف التفصيل وياريت كمان لو تحطيلنا صور لليوم
وللأسف كان نفسي احضر بس معلش تعوض وصفصف والباشمهندسة كانوا ناوييين ييجوا وللأسف الجو كان وحش جدا يومهافمعرفوش يخرجوا
safaa 2012-02-22
اه يارنيا :) للاسف الشديد ...بس ان شاء الله المرة القادمة
zedony.com - A mmonem.com production. عن زيدوني - Privacy Policy