.. تعرف على مستواكـ في الحوار ..جامد مووت

2
قم بقياس مستواكـ في الحوار من خلال مركز الملكـ عبد العزيز للحوار الوطني ..

وستصلكـ النتيجة فوراً لجوالكـ وايميلكـ .. !

http://www.kacnd.org/bookest/default.asp

الاختبار عبارة عن ستة عشر ( 16 ) سؤالاً من نوع : صح أم خطأ !

تأكد من إدخال رقم الجوال صحيحاً حتى تصلكـ النتيجة

مع إرسال النتيجة ، يعطيكـ بعض النصائح لترقى بمستواكـ ~

جربه .. ولن تخسر :(

الرجاء كتابة النتيجة فى التعليق (بدون احراج)

 

إضافة 2012-01-31
shemais
1596
غير محدد
تعديل 2012-01-31
shemais
1596

التعليقات

زغباوية 2012-01-31
بخاف من المواقع اللى بيدخل فيها ارقام التليفونات بحس ان هدفها مش مظبوط اعتقد لازم نخلى بالنا اكتر
loleta1 2012-01-31
+1 لذيذة عموما انا محاوره جيده بس لمضة حبتين وأدي النتيجة


نتيجة قياس ثقافة الحوار لديك




% 82 : نشكر لك المشاركة في قياس مستوى الحوار لديك وقد حصلت على نسبة




:ونحيطكم بالتالي




تملك مقومات حوارية لا بأس بها وتحتاج لتطوير نفسك في مهارة الانصات , العناية بمراعاة مشاعر الآخرين أثناء الحوار , تمتلك لغة حوار جيدة , وحاول تطويرها أكثر , لديك مفاهيم الحوار لا بأس بها وتحتاج إلى تطوير أكثر
loleta1 2012-01-31
زوزو ماتخافيش إكتبي الميل بتاعك وإحتفظي بالتليفون:-(
shemais 2012-01-31
اشك فى النتيجة ديه...
loleta1 2012-01-31
ده انا عملتها كوبي من الميل بتاعي عشان تبقى بالنص زي ماطلبت .طيب ممكن تقولّي شاكك ليه؟على فكره بمرور الوقت على زيدوني هتلاحظ إنّي محاورة جيدة وصريحة عشان كده نشرت النتيجة بالحرف
محمد عبد المنعم 2012-01-31
نقدر نعرف سعادتك جبت كام وساعتها مش هنشك فيك متقلقش
shemais 2012-01-31
نتيجة ممتازة طبعا و نسبة عالية من القدرة على الحوار بايجابية...اعتقد ان مفيش حد هيكتب نتيجته
shemais 2012-01-31
انا جبت نتيجة جامدة جدا...بس لما كله يكتب النتايج بتعته هقول....بامانة والله
محمد عبد المنعم 2012-01-31
% 71 : نشكر لك المشاركة في قياس مستوى الحوار لديك وقد حصلت على نسبة
:ونحيطكم بالتالي
يستحسن العناية بتطوير مهارة الإنصات لديك , تحترم وتقدر الآخرين، وقادر على التحكم في مشاعرك , تمتلك لغة حوار جيدة , وحاول تطويرها أكثر , تحتاج إلى تعزيز مفهوم الحوار لكي تفرق بين الحوار السلبي والإيجابي
loleta1 2012-01-31
لو ده رأيك فأنا سعيده إنّي بأكتب نتيجتي بصراحة حتى لو كانت منخفضه وإيه يعني مش عيب المهم أستفيد من الأسئلة دي وأصلح عيوبي وبعدين لو قلّبت في مشاركاتي كلها هتلاقيني بتحاور بصراحةولباقه مطلقة حتى في كرسي الإعتراف وصراحتي من عيوبي اللي مابستغناش عنها أبدا وعموماللأسف مفيش إيميل جماعي معروف للكل نحل الأسئلة وتتبعت النتيجة عليه عشان تتأكد إنّي مش بأنصب بس مسير المشاركات تثبتلك إني كنت مشروع مذيعة حوارية وفشل :-(
shemais 2012-01-31
[email protected] اللى يحب يبعت نتيجته
محمد عبد المنعم 2012-01-31
طب ما يبعتها هنا أحسن وبلاش نكشف إيميلاتنا لبعض
محمد عبد المنعم 2012-01-31
وللعالم كله عشان موضوع السبام
shemais 2012-01-31
لا علشان ابقى متاكد من النتيجة...محمد فى حاجات كده عايز اقولك عليها بالنسبة للوجوه اللى ممكن نضيفها على المشاركة ....ممكن تعمل الوجوه اعلى او اسفل كل مشاركة و مش لازم نحفظ العلامات و كمان الادوات اللى تخلى العنوان يظهر بشكل مختلف ....
محمد عبد المنعم 2012-01-31
1- وإيه هيحصل لما تتأكد وكده ... هتوزع جوايز ؟ :-(

2- طب الحمد لله ابتدينا نسخن أهوه ... ممكن عشان الأفكار دي متنسهاش تحطها هنا:

هل لديك أي استفسار أو تعليق أو مطلب بخصوص الموقع
loleta1 2012-01-31
أيوه كده ياوديع.فكرة بسيطة وحلوة ولو ينفع يامنعم نبعت الإيجابات على هنا قلّي إزاي وانا أعملها عشان يعرف إن مفيش غش
محمد عبد المنعم 2012-01-31
ولو عرف إن فيه غش إيه اللي هيحصل برضه؟

انتو هتجننوني ؟ :-(
loleta1 2012-01-31
لألسه شوية ونجننك ياريس:-Dبس على رأيك النصب مش عيب برضه:-P
زغباوية 2012-01-31
ههههههههههه حوار لذيذ اوى بس ياريس هو انت لسة ماتجننتش مننا:(

بس الميزة شميس شكله بدأ يطلع بكام فكرة ايجابية فى الموقع
زغباوية 2012-01-31
طيب بمناسبة النصب اخترتم منطقة ايه؟؟؟؟؟؟علشان مش عارفة ابدأ
loleta1 2012-02-01
انا إخترت المنطقه الشمالية .عشان أرضي ذمتي :-Dوهي أقرب مايكون للحدود :-P
زغباوية 2012-02-01
اوكيه نمشيها نصب
زغباوية 2012-02-01
اوكيه انا مشيت وراكوا وربنا يستر ودى النتيجة بتاعتى:

نتيجة قياس ثقافة الحوار لديك
% 86 : نشكر لك المشاركة في قياس مستوى الحوار لديك وقد حصلت على نسبة
:ونحيطكم بالتالي
تملك مقومات حوارية لا بأس بها وتحتاج لتطوير نفسك في مهارة الانصات , تحترم وتقدر الآخرين، وقادر على التحكم في مشاعرك , أنت متحدث بارع ، يفهم الآخرون أنك متواصل معهم , لديك مفاهيم الحوار لا بأس بها وتحتاج إلى تطوير أكثر
www.kacnd.org مع تحيات مركز الملك عبد العزيز للحوار الوطني

اساس شكل النتيجة كله شبه بعضه واى كلام
لان انا مش متحدث بارع ولا حاجة بس مستمعة جيدة الى حد كبير

بس اختبار لطيف عايزين منه فى علم النفس وقياساته هاتبقى ظريفة
loleta1 2012-02-01
100-100 يازوزو فعلانتيجة الحوار لاتأتي إلاّ بالحوار
shemais 2012-02-01
انا مش فاهم يعنى ايه نلعب فى المنطقة الشمالية
زغباوية 2012-02-01
هو مش بيسألك بعد الايميل و الجوال اختار المنطقة عموما انا اخترت مكة المكرمة
shemais 2012-02-01
البيانات ديه مش مهمة خالص على فكرة...بس هو الايميل علشان النتيجة بتتبعت عليه
زغباوية 2012-02-01
عملت كدا كتير ومش بيرضى يدخلني غير لما اختار المنطقة الاول!!!!!!!
shemais 2012-02-01
حضرتك شاورى على اى منطقة ...
الباشمهندسة 2012-02-01
ايه الاحراج ده..

% 86 : نشكر لك المشاركة في قياس مستوى الحوار لديك وقد حصلت على نسبة
:ونحيطكم بالتالي
تملك مقومات حوارية لا بأس بها وتحتاج لتطوير نفسك في مهارة الانصات , تحترم وتقدر الآخرين، وقادر على التحكم في مشاعرك , أنت متحدث بارع ، يفهم الآخرون أنك متواصل معهم , لديك مفاهيم الحوار لا بأس بها وتحتاج إلى تطوير أكثر


فكرة حلوة بس هل هي تتناسب مع طبيعة الشعب المصري يuني ممكن تكون القياسات دي تنطبق علي السعوديين او دول الخليج لكن عند مصر وstop دا المصريين ملوك الحوار :D
shemais 2012-02-01
ده اختبار عالمى...
zedony.com - A mmonem.com production. عن زيدوني - Privacy Policy