ليه الناس تحب ترمى الزبالة والمخلفات فى الشارع وبجوار العربيات الملاكى اللى راكنة فى الشارع.. !!

6
للاسف لاحظنا هذه الظاهرة من ساعة ما الدولة تدخلت بفرض رسوم النضافة على ايصالات الكهرباء ورجعوا عمال الزبالة لجمع القمامة من المنازل بأجر ..زى زمان ده خلى الناس حست ان انضحك عليهم من الاتنين .. علشان كدة ولسوء خدمة الزبالين فى المواظبة على جمع القمامة جعلت الكثير من الناس توفر اجرة الزبال وتلقى بالزباله فى عرض الطريق وتسمع اصوات الانفجارات بعد منتصف الليل وقبل الفجر.. اعتمادا على ان الدولة باجهزتها السحرية حتنظف الشوارع لانها قبضت من الناس رسوم النضافة كل شهر لكن للاسف الدولة مش قادرة تقوم بواجبها... ال اية يقوم الناس بدل ما تتعاون مع الحكومة لتجاوز ازمة الزبالة يتصاعد العنــد بين الاطراف وتصبح البلد مزبلة كبيرة ومصنع هائل للاوبئة والجراثيم ودة سلوك إن دل على شيئ فهو يدل على التخلف والجهل وإن ما فيش حد عارف مصلحته فين وكله بيضحك على كلــــــــــــــــه ولك الله يامصـــر .....

 

إضافة 2010-12-30
hamada
9325
غير محدد

التعليقات

محمد عبد المنعم 2010-12-30
يعني المشكلة انها جنب العربيات الملاكي ؟!!!
hamada 2010-12-30
ناهيك عن القطط والكلاب واللى بتعمله فى اكياس الزبالة هذا بالاضافة الى الروائح الكريهة اللى تنبعث منها نتيجة التحلل والتعفن وخصوصا العربيات بتركن تحت الشبابيك والبلكونات وقدامك شهر على الاقل لو جه زبال وبكتيره حيزقها تحت العربيات ده غير الدبان اللى عمال يتكاثر عليها وربنا هو الستار ..وفيها ايه لو القى بها فى الصناديق العمومية وخاصة لو كانت على بعد 25متر مش يكون افضل رحمة بينا .
زغباوية 2014-06-23
هى بقت دلوقتى فى كل مكــــــــــــــان
zedony.com - A mmonem.com production. عن زيدوني - Privacy Policy