العلم نور ... انابيب الغاز !!

5
لازم بقي احكي الحكاية عشان نفهم كلنا المشكلة وايه سبب التساؤل دا.

وانا في احد المواصلات العامة وهي مترو الانفاق دخلت واحدة بتبيع حاجات ومن ضمنها كيس لانبوبة البوتاجاز وبتقولك يدفي الانبوبة ويمنع الغاز من انه يتجمد طبعا لفت نظري الموضوع دا جدا ولقيت ناس كتير بتؤكد علي كلامها اه فعلا الغاز بيجمد عندنا في الانبوبة
طبعا دورت في دماغي ومعلوماتي القديمة لاقيت انه مفيش حاجة اسمها الغاز بيجمد ولو هو بيجمد اكيد مش كيس البلاستيك دا هو اللي هيحل المشكلة وقعدت طول الطريق افكر فيه ايه ناس كتير بتأكد المعلومة دي ومنطقيا كدا وعلميا ماينفعش الظاهرة دي تحصل الا في درجات حرارة منخفضة جدا جدا يعني انبوبة جوه بيت في مطبخ السائل جوها يتجمد طب اشمعنا يبقي اي زجاجة فيها ميه كانت لازم تتجمد بلاش كدا اشمعنا الانابيب ليه الغاز في المواسير بتاعت الغاز الطبيعي مش بيتجمد هو كمان ؟؟؟؟؟


واخيرا قررت ان اكتب السؤال علي زيدوني مع اقتناعي التام ان مفيش حاجة اسمها الغاز بيجمد عشان اعرف الرد منكوا وخاصة ان انا ماعنديش انابيب ومش هاقدر اتابع المشكلة دي.


وياريت اللي يجاوب يقول حل للمشكلة ويكون بعيد عن اسطوانة الغاز في حمام ميه ساخن عشان دا ممكن يؤدي الي تفجير الاسطوانة :D

 

إضافة 2012-01-23
غير محدد
تعديل 2012-02-17

التعليقات

tafatifi 2012-01-23
انا عندى أنبوبة بس مش هاعرف أرد عليكى
سورى
الباشمهندسة 2012-01-23
قصدك ايه حالة الغاز بيجمد ماحصلتش معاكي :D
الباشمهندسة 2012-02-17
يا ناس ياهوو الشتا قرب يخلص عايزين افاده في نوضوع الغاز اللي بيتجمد دا
زغباوية 2012-04-04
اول مرة اعرف ان الغاز بيتجمد بس معني كدا ان اللى عندهم غاز مش انابيب مش هايوصل البيت الا لما نولع فى المواسير الاول وطبعا ده مش حقيقي لانى عندى الماية بتنزل تلج فى الشتا وانابيب المايه جنب انمابيب الغاز وبالرغم من كدا فى غاز عندى مش بيتجمد ولا حاجة

الإجابات

5
حضرتك الغاز فى الاصل كان غاز تحت الارض .. يستخرجوه ويدخلوه فى اجهزة معقدة تعمل له تغيير فى حالته الطبيعية من غاز الى سائل حتى يمكن تعبئته فى الانبوبة ..لكن السائل ده عاوز دائما يرجع لحالته الغازية فلما نفتح الانبوبة يطلع منها على طول فى صورته الحقيقية .. الحكاية دى بتحصل فى درجة الحرارة العادية ... لكن لما درجة الحرارة تقل عن حد معين فى الجو بيحصل ان السائل جوة الانبوبة هو كمان بيبرد فتقل قدرته على التبخر سريعا ..

عملية اسالة الغازات بتحتاج الى عاملين اساسيين هما ضغط جوى عالى جدا مثلا 10 - 12 جوى ودرجة حرارة منخفضة جدا قد تصل الى اقل من 100 تحت الصفر ..يعنى الغاز فى حالة الاسالة بيكون بارد وعاوز يرجع لدرجة حرارة الغاز العادية فاذا كان الجو بارد جدا بتقل قدرة السائل على التبخر وفعلا بيحتاج الى حمام ماء ساخن .. انا شفت بتوع الكنافى بيعملو كدا ..
إضافة 2012-02-18

التعليقات

Lady Rasha Reda 2012-02-18
يعنى قبل ما اغير الانبوبه اللى وصلت 30 جنيه ، دفيها الاول
عبد المنعم 2012-02-19
لو فاضية هتلاقيها خفيفة وانت بتشيليها .. او خبطى عليها بالمفتاح لو رنت رنة طويلة يعنى فضيت فعلا .. ثم ان درجة الحرارة جوة البيت غير برة ..
الباشمهندسة 2012-02-19
بص ياسيدي ...
انا بحثت ولقيت وجهة نظر بتقول...ان تأثير الحرارة المنخفضة مش بيكون علي الغاز -والمقصود هنا ان درجة الحرارة داخل المنزل والتي دائما لا تقل عن 9 10 مثلا- وانما انخفاض الحرارة بيؤدي الى تقلص حجم مفتاح الانبوبة من الداخل وبالتالي ضعف الضغط وتنخفض النار ....يعني الموضوع هارد وير مش سوفت وير
Lady Rasha Reda 2012-02-19
مش فاهمه منك حاجه ، يا باشمهندسه ،هههههههههه
الباشمهندسة 2012-02-19
ممكن عمك عبد المنعم يشرح احسن مني ... نستني نشوف هو هيقول ايه :D
عبد المنعم 2012-02-20
بقى بعد الاجابة اللى فوقكم دى مش فاهمة برضه يا رشا !!!لو سمحتى عيدى القراءة ..
زغباوية 2012-04-04
طب لو سمحت بسطها:(
عبد المنعم 2012-04-05
الغاز فى الانبوبة فى حالة سائلة .. ودى مش حالته الطبيعية ..لانه عاوز دايما يكون غاز..طبيعى انه فوق كمية السائل تتكون نسبة منه غازية .. ودى اللى بتخرج لنا لما نفتح اانبوبة .الكلام ده طبعا فى درجة الجرارة المعتدلة . لما ترتفع درجة الحرارة بيزيد تبخر الغاز بسبب ان المواد تتمدد بالحرارة وتتكامش بالبرودة .. اذن لما درجة الحرارة تنخفض هتقل جدا نسبة تبخر الغاز ..يعن خروج الغاز من الانبوبة هيقل ..علشان كده الناس بتحط الانبوبة فى حمام ميه سخنه واحيانا بيحطو جنبها وابور جاز ..
هيه كده اوضح شوية .. ولا اجيب لكم انبوبة فى الموقع ونعملها عملى ؟؟
زغباوية 2012-04-05
محتاجينها عملى علشان نخلص:D لا كدا واضحة جدا بس الجو في مصر مش البرد الجامد يعني ان احنا نعمل للأنبوبة شاور دافئ:( وبعدين كدا ممكن نولع الدنيا ولا ايه؟؟؟!!

وايه حكاية البودرة اللى الباشمهندسة اتكلمت عنها
الباشمهندسة 2012-04-05
انا جبت سيرة بودرة انتي عايزة تنصبيلي فخ ولا ايه ؟؟؟؟

اذن نظريا هو مش بيتجمد لكن حركة الجزيئات بتكون ابطئ مثلا !!!

انا لسه مش مقتنعة وبرجح اكتر فكرة ان المحابس او مكان خروج الغاز هو اللي بيتأثر بنخفاض الحرارة وبالتالي بيصعّب صعود الغاز في الخراطيم
زغباوية 2012-04-05
اااااااااااه معلش فهمت غلط فهمت ان الكيس فيه بودرة معلش اعدت قراءة الكلام وفهمت انه كيس بيغطى الانبوبة معلش معلش ههههههههههههههههه:(
zedony.com - A mmonem.com production. عن زيدوني - Privacy Policy