ياريت كل الأعضاء ياخدوا بالهم من الأخطاء الإملائية ونركز في الكلام المكتوب عشان نقللها عشان نخلي مقالاتنا متميزة أكتر :(
حاجة كمان .. ياريت منخلطش بين العامية والفصحى في الكلام بمعنى إننا منكتبش جملة نصها بالعامية والنص التاني بالفصحى .. نحدد كلامنا ونهتم بالصياغة لأنها من أهم أساليب توصيل الفكرة أو المعلومة :(:(
طلب صغير أي حد يشوف أي خطأ لغوي أو املائي ياريت ينبه صاحب المشاركة عشان يعدله وبكده معدل الأخطاء هيقل جدا .. وممكن ننبه بعد كده على الخطا برسالة شخصية مش بتعليق لو كان الموضوع ده هيضايق العضو صاحب المشاركة .. بالنسبة لياانا مش بعمل موضوع الرسالة ده عشان ببقى عاوز اوضح قاعدة نحوية أو لغوية في التعليق بس عشان الكل يستفيد وفي نفس الوقت الخطأ يتصلح لكن لو الموضوع ده بيضايق صاحب المشاركة هنبهه برسالة شخصية
معلش دوشتكم:(:(
واحشنى بالزاف مغربيه
أشتقتلك برشا تونسيه
أصلى يا معلم +1 قهوه بلدى
أختلاف اللهجات مش مشكله يا محمد المشكله بجد فى الأخطاء اللغويه
يعنى أنا أكتب عاميه أكتب بالفصحى إن شاء الله أكتب بالهندى المهم أكون ملم بما أقول وأستطيع إيصال الفكره التى أريدها
على فكره أنا كاتب ردى عليك نصه عاميه ونصفه الأخير باللغهُ العربيهِ الفصحىْ:(
فهمت وجهة نظرك يا حسام بس أنا نفسي اللغة العربية هي اللي تطغى على العامية مش زي اللي بيحصل دلوقتي والمصطلحات اللي بنسمعها دلوقتي وعشان كده عايز البداية تبقى من زيدوني ويبقة بداية حملة لإصلاح اللغة العربية :(
أنا معاك يا محمد
أنا الحمد لله كنت بجيب أعلى الدرجات فى اللغه العربيه وخصوصا النحو أعتقد إنى كنت الطالب الوحيد فى المدرسة التوفيقيه كلها اللى كان بيحب النحو وكنت بقرأ الجرائد وأعرب المقالات كامله وكان مدرسين اللغه العربيه بيساعدونى لو عندى حاجه غلط