طبيعى ان الكبار اللى فوق العشرين قربوا جدا من اتمام نضج شخصياتهم.. لكن الخوف على الأولاد اللى دون ذلك.. باتكلم على الفيس بوك والتويتر ..كلهم دلوقت بيلملموا معلومات سطحية او معلومات هايفة ، او بيتكلموا عن مغنية اومغنى او ما شابه من تفاهات .. وبيكتبوا العربى بحروف انجليزى .. وبيغلطوا كتير جدا فى الكتابة .._ حتى الكبار بيخطئوا _ .. وما اظن ان احدا يتابعهم ليوجههم وينصحهم. عاوز اقول ان الفيس بوك والتويتر بيعود الولاد على الانفراد اطول وقت بنفسهم ، فهتبتدى ميولهم الاجتماعية فى التلاشى .وسيصبح لديه تهيب من التواجد فى مجموعة لأنه اتعود يكون لوحده.. وده نفسيا غلط. ولأن المواقع دى معظمها هبل فمفيش ولا واحد هيجمع اى ثقافة حقيقية.. ومادام ليس هناك ثقافة حقيقية فليس هناك اى وعى بالواقع الذى نحياه ، والنتيجة ان شلة الاصحاب فى اى مكان معظمها بيتكلم فى اى تفاهات لاتقدم شيئا ايجابيا لا لانفسهم ولا لمجتمعاتهم ولا لوعيهم بحقائق الحياةمن حولهم ..
حد يمد ايده معايا فى الموضوع ده .. يمكن نقدر نعمل حاجة لولادنا ، ولمصر ..
والمفروض ان يكون هناك لمة اسرية على الاقل نصف ساعة او ساعة يومية لكل افراد الاسرة يتباحثو فى مشاكل الابناء اللى بتقابلهم فى ميولهم واتجاهاتهم ونتواصل مع ابناءنا ونعلمهم كدا منذ الصغر
وان يكون الكمبيوتر فى مكان عام بالمنزل وليس فى حجرة الشاب او الفتاة المقفولة عليهم وبتحدد وقت للجلوس على الكمبيوتر ومش طول النهار
ان نتعلم كيف نستمع لابناءنا ونوصل بفكرنا لفكرهم وازاى بيفكرو ونتواصل ونشترك معهم عما يشاهدوه ويقرأوه مش كله اوامر وكل واحد بعد كدا فى حاله
ان يكون هناك على الأقل مرة كل اسبوع او اسبوعين او حتى شهر زيارات او رحلات عائلية تجتمع فيها العيلة كلها من الأعمام والأخوال واولادهم