احدث افتكاسة زغباوية متكونة من عدة افتكاســـــــــــات

4
الافتكاسة الاولىالبطامـــــــــــــيل(بديل البشاميل):
بطاطس مسلوقة + قشـــــــطة مع شوية لبن + ملح وفلفل وزعتر ورشة قرفة كل واحد حسب زوقه طبعا يتخلطوا مع بعض في الخلاط

الافتكــــــــاسة التانية:
رز خلطة المحشي + سبانخ متقطعة او اى خضار ولادك مش بيحبوه + زيتون شرائح واسويهم


نحط الافتكاسة الاولى على الافتكاسة التانية ونرش عليهم جبنة رومي مبشورة وشرائح زيتون في صينية وتحت الشواية ثواني وهاتكون عندك اكلة جديدة ومغذية وشهية ورهييييييييييييييييييييييييبة

طبعا مالحقتش اصورهالكوا لان الزغباوية الصغار عجبتهم واكلوها (وده مش بيحصل كتييير)

وبالهنا والشفا
يالا اختارولي اسم ليها:(

 

إضافة 2011-12-15
غير محدد
تعديل 2011-12-15

التعليقات

shemais 2011-12-15
برافو -1
safaa 2011-12-15
كان الله فى العون
زغباوية 2011-12-15
شكرا جدا على -1
بس احساس جميل اوى والنقط بالناقص ههههههههه
بس صدقونى طعمها جميل جدا جدا
وحل مثالي لتدخيل اطعمة الولاد مش بيحبوها لاكلهم بطريقة جميلة
محمد عبد المنعم 2011-12-15
شرانخ بالبطاميل
زغباوية 2011-12-16
ههههههههههههههه حلوة اسم مناسب جدا لمحتواها
زغباوية 2011-12-16
بس مين اللى اداني +واحد اعترفوا :D

معلش تقريبا كنت جعانة جدا وانا بعملها وكمان عاملة رجيم فحالتي صعبة شوية:P

ودى افكار جديدة تنقذي بيها بقية الطعام عندك
يعني ممكن البطاميل ده يتعمل بيه اى اكلة لو ماعندكيش دقيق او لو عندك بطاطس مسلوقة ومش عارفة تعملي بيها ايه وممكن تتحط في الفرن لوحدها برضوا هاتطلع حلوة

وممكن الافتكاسة التانية تكون رز فقط وطبعا هايكون افضل بدل مانتوا حاسين انها اكلة متضخمة شوية:P وممكن رز بالبسلة وهاتكون جميلة برضوا ويتعمل عليها بشاميل عادي
safaa 2011-12-16
ياجماعة قولولى حد يحط بشاميل على الارز برضة جايز !!!
زغباوية 2011-12-16
ايوة فيه رز بالبشاميل وده معروف مش انا اللى مألفاه زى كدا البشاميل على المكرونة
safaa 2011-12-16
ماشى يالا +1
زغباوية 2011-12-16
ودى صورته نقلاها من النت علشان محدش يقول انى مألفاهادوروا هاتلاقوا كتيييييييييييييييييييييييير اوى:



ودى طريقته كمان:
المقادير ::

بصل مقطع صغير يحمس مع شوي زيت ويضاف له الملح والفلفل والبهارات وبعد ذلك نضيف له اللحم المفروم ونحرك لحد مايستوي ..

رز ابيض كل يحضره بطريقته الخاصه

الباشميل ::

2 ملعقه دقيق مع زيت شوي يحمس على النار بقدر ونضيف له تقريبا كاس

حليب ونحرك لحد مايستوي ونضيف له الملح والفلفل ..

الطريقه ::

نحضر صينيه بايركس ونحط طبقة من الرز وفووقها طبقه من اللحم المفروم

وبعدين باقي الرز نحطه كطبقه اخيره وبعدين نحط خليط الباشميل فوقه

ونرش فوقه جبن موزريلا وندخله الفرن من فوق وتحت لحد مايتشقر الجبن

ويطلع من الفرن ويقدم حاااااار .


وبالهناء والعافيه
زغباوية 2011-12-16
ودى طريقة تانية منقولة:

الأرز بالبشاميل:

المقادير

كوب خضار مشكل

3 كوب أرز مطهي

كوب عصاج لحمة مفرومة

بشاميل

الطريقة:
يوضع نصف الأرز في الصينية ويوضع الخضار واللحم العصاج وبعد ذلك باقي الأرز.

. يحضر الباشميل من بودرة الباشميل الجاهزة أو يذوب 2 ملعقة زبدة ويضاف لها 2 ملعقة دقيق وبعد أن يمتزجوا يصب فوقهم 2 كوب حليب سائل بارد ويترك على النار حتى يسخن.

. يوضع علي الوجه كمية الباشاميل وتوضع فى الفرن إلى أن تستوي. . مدة التحضير: 20 دقيقة مدة الطهي: 45 دقيقة الكمية تكفي: شخصين مراجعة التقيم / تقيم الوصفة إرسال الوصفة إلى صديق إضافة الوصفة إلى قائمة أكلاتي المقادير 1 كوب رز مقدار من البسلة (البازلاء) المسلوقة 2 جزرة مقطعة مكعبات صغيرة ومسلوقة كمية من العصاج (حسب الرغبة وليس ضروري) بشاميل
زغباوية 2011-12-16
كفاية كدا ولا اجيب تاني
safaa 2011-12-16
لأ خلاص كفاية تعبناكى معانا... بس برضة مش هعملها ...احنا متفقين على الصراحة .....مش كدة ولا اييييه
الاستاذة 2011-12-17
انا جربت مرة في حياتي الرز بالباشميل وتوبة من دي النوبة
انا هاديلك +1 لمحاولتك اختراع اكلة جديدة حتى لو كانت فاشلة
الباشمهندسة 2011-12-17
ياعيني عليكي يا شرانخ بالبطاميل مش لاقيه اكيله واتوصمتي بالفشل من قبل ما تطلعي للنور :'( :'(
زغباوية 2011-12-17
ههههههههههههه طب جربوا البطاميل بس هايعجبكوا
zedony.com - A mmonem.com production. عن زيدوني - Privacy Policy