أهداء ...كما وعدت أم العيال .... كيكة التفاح والقرفة

7
طبعا في طرق عده لعملها انما دي طريقتي الخاصة وان شاء الله تعجبكوا وابقوا ادعولي.

المقادير
3 بيضات
1 و نصف كوب دقيق
1 كوب سكر
نص كوب زيت او سمن
ذرة ملح
فانليا
2ملعقة بيكينج بودر
6 ثمرات تفاح
2 ملعقة قرفة مطحونة
لبن حسب الاحتياج
قطع من عين الجمل حسب الرغبة

طريقة التحضير
-خلط البيض والسكر والفانيليا والسمن معا ممكن في الخلاط او بمضرب البيض بغرض المزج الجيد .

-نخلط الدقيق مع البيكينج بودر مع القرفة وذرة الملح ونضيفهم علي الخليط السابق ويتم المزج جيدا واذا كانت غليظة قوي يتم استخدام اللبن بعد تدفئته للوصول الي القوام المعتدل بتاع الكيكة العادية اللي انتي واخده عليه.

-نجي لمقدار التفاح نقسمه ناخذ 3 منهم نقشرهم ونقور منطقة البذر بمقوار المحشي وبعدين نقطعها حلقات متوسطة السمك ونرصها في ارضية الصنية اللي هتعملي فيها بعد دهنها بالسمن.

-وباقي التفاح يقشر ويقطع مكعبات متوسطة ويوضع مع العجين ولو حابين ممكن اضافة قطع عين الجمل مع العجين.

-يصب الخليط النهائي فوق شرائح التفاح في الصينية ويوضع في الفرن حتي النضج.

-عند خروج الكيكة يتم قلبها في السرفيس وطبعا شكلها بيبقي عامل زي التورتة جاهز وياسلام بقي قطع التفاح اللي جوة بقيت عاملة زي الاناناس...يلا بالهنا والشفا :(


أي خدمة يا ام العيال جربيها وقوليلي رأيك



مش منقوووول :p

 

إضافة 2011-12-01
غير محدد
تعديل 2011-12-02
tafatifi
5264

التعليقات

Hager 2011-12-01
حلوة أوي أكيد هجربها وأقولك رأيي ويلا طظ في الريجيم شوية رياضة ومشي يظبطو الدنيا تاني
ahmed 2011-12-01
+1
الباشمهندسة 2011-12-01
بالهنا والشفا مقدما :( ... رجيم ايه ماحدش واخد منها حاجة :(
زغباوية 2011-12-01
حلوة اوى بس خلوا بالكم من الريجيم ده اهم قطعة صغيرة وخلاص
هاحاول اجربها واقولكم
+1 على الكيكة وعلى مـــــش منقووووول
loleta1 2011-12-02
طبعا حلوة مدام من أيديكي يابشبش:-(
tafatifi 2011-12-02
+1 تسلم ايدك .... بس عندى اضافة :
ممكن نحط فى الصينية معلقتين سكر ونحطها على النار لحد ما يبقى زى الكراميل و بعدين نرص عليه حلقات التفاح.
بتبقى أحلى فى الطعم وفى الشكل .
tafatifi 2011-12-02
بعد اذنك يا بشبوشة انا حطيت الصورة دى علشان الاغراء يبقى أقوى
الباشمهندسة 2011-12-02
برافو يا tafatifi انا كنت ناسية الموضوع بتاع الكراميل دا فعلا بيتعمل طبقة سكر قبل التفاح .... ومرسي علي الصورة بس هي في الحقيقة بتيقي احلي بكتير عشان بيقبي فيه قطع تفاح في العجين كمان داخليا +1 لـ tafatifi في الهوا :(
tafatifi 2011-12-03
هى فعلا بتبقى أحلى من كده كتير
الباشمهندسة 2011-12-03
@tafatifi: ياتري المقادير بتاعتك مختلفة عن المكتوب هنا؟؟؟
tafatifi 2011-12-03
يا بشبوشة ده احنا بنتعلم منك
الباشمهندسة 2011-12-03
لا بجد اصل انا كنت نسياها خالص فخايفة اكون بوظت حاجة والناس يبقي ذنبها في رقبتي :(
zedony.com - A mmonem.com production. عن زيدوني - Privacy Policy