فوائد حمض الفوليك......

5
الفوليك اسيد ده نوع من الفيتامينات اللي بتساعد في عملية أيض البروتينات والدهون في الجسم ونقصه بيسبب فقر دم لكن phenylalanine ده جزء من البروتين في أنزيم خاص بعملية أيضه لما الأنزيم ده بينقص أو بيعجز عن اتمام عملية الأيض بيحصل زياده في نسبةتركز phenylalanine في الدم وده اللي ممكن يسبب التخلف العقلي وده أكيد مالوش أدنى علاقه بالفوليك أسيد الفوليك أسيد فعلا مهم وبيمنع بعض الأمراض التي تصيب دماغ الطفل وعموده الفقري كمان زي عيب اسم(neural tube defects (NTDs أو عيوب الأنبوب العصبي .

يساعد حمض الفوليك على الوقاية من أمراض القلب لأنه بيخفض نسبة الهيموسيستين أوhomocysteine واللي بيؤدي ارتفاعه في الدم لخطر الأصابة بأمراض القلب زي أمراض الشريان التاجي وكمان بيقللمن خطورة اصابة الطفل بأمراض القلب وفي دراسه علمية أثبتت إن تناول حمض الفوليك يساعد علي تنشيط الذاكرة وأن له تأثير على الموصلات العصبية (النورأدرينالين والسيروتونين) وده ممكن يخليه مضاد للإكتئاب في بعض الحالات.
وطبعا زي أي حاجه في الدنيا لما بتزيد عن حدها تتقلب للضد عشان كده لازم النسبة المستخدمة منه تكون بأوامر الدكتور عشان نتفادى الجرعة الزايدة وأخطارها.

 

إضافة 2011-12-01
Hager
1080
غير محدد

التعليقات

ahmed 2011-12-01
الله ينور +1
الباشمهندسة 2011-12-01
طيب هو ليه بيؤخذ في الثلاثة شهور الاولي من الحمل فقط وبعد كدا بيقولك مالهوش لازمة ؟؟
Hager 2011-12-01
كنت قرأت من فترة قريبة ان في دراسات اتعملت في أمريكا وأماكن تانية بتقول ان زيادة نسبة حمض الفوليك عند الحامل بالذات ممكن تسبب للأطفال الاصابه بالحساسية الصدريه أو الربو الشعبي ممكن يكون عشان كدة بيستخدموه في الثلاث شهور الأولى لأن الجنين بيستهلك كل كمية حمض الفوليك عند الأم وده ممكن يعرضها للاصابه بفقر الدم عشان كده بتحمي نفسها في الفترة الأولى اللي هى أخطر فترة وبعد كدة ما بيبقاش في خطر من نقصان نسبته عند الأم والله أعلم لأن حسب ما قرأت في تضارب بين بعض الدراسات لكن المتفق عليه هو فايدته الشديده طالما متجاوزش الحد .
الباشمهندسة 2011-12-01
+1 تاني بس في الهوا علي التعليق :(
زغباوية 2011-12-02
جميل جدا كان نفسي اعرف فوايده ايه
zedony.com - A mmonem.com production. عن زيدوني - Privacy Policy