فائدة نقع البقوليات قبل الطهي

6




نظريا كدا احنا عارفين انه لازم يتم نقع البقول كاملة الحبوب امثال الفول واللوبيا والفاصوليا البيضا وحمص الشام وغيريهم في الماء قبل الطهي لكن ايه السبب وايه الاجراءات واد ايه المدة هي دي بقي اللي بنختلف عليها.

الطريقة المثلى لطهي البقول بحيث تطهى القشرة والداخل بنفس درجة التسوية هي نقع البقول في الماء وهكذا تستعيد الرطوبة داخلها ويساعد ذلك على تقليل مدة الطهي ، وهذه الخطوة تساعد أيضا على سهولة الهضم ، وكذلك تساعد على التخلص من بعض المواد التي تسبب الغازات عند تناول البقول .

تُغسل البقول جيدا وتُوضع في إناء كبير ، ونتأكد من وضع خمس أضعاف كمية البقول ماء وُتترك على الأقل من ست الي ثمن ساعات إذا أمكن ، فكلما زادت المدة كان ذلك افضل ويتم تغير المياة كل فترة ثم نتخلص بعد ذلك من الماء ونضيف ماء جديد ونرفعه علي النار ويمكن لنا أن نضيف ملعقة من الزبد في هذه الخطوة وهذا يساعد على إيقاف الرغوة التي تنتج أثناء الغليان وكذلك الفوران ، مع تجنب إضافة أي أملاح أو حمضيات أو ليمون أو طماطم أو خل لان هذه المواد تجعل البقول صلبة ،وعندما تبدأ في الغليان تُترك لتغلي لمدة عشر دقائق ثم تقلل الحرارة وتترك على نار هادئة حتي نتأكد من أن البقول قد نضجت تماما باختبار البعض منها .


بالهنا والشفا مقدما:(

مجمع من اكثر من مصدر

 

إضافة 2011-12-01
غير محدد

التعليقات

الباشمهندسة 2011-12-01
ولقيت كمان طريقة اسرع شوية في النقع عشان لو حد مستعجل ومش هيقدر يسيبها ست ساعات ممكن تنقعي البقول في المياه وترفعيه علي النار لمدة خمس دقايق ثم يترك لمدة ساعة الي ساعتين ويستحب تغير المياة وتكرار العملية في نصف المدة وبكدا يبقي جاهز للطهي بنفس الطريقة المذكورة في المقال.

وبردو بالهنا والشفا مقدما :(
محمد عبد المنعم 2011-12-01
100 100
ahmed 2011-12-01
+1
tafatifi 2011-12-02
معلومة مهمة
شكرا ليكى
بس أخبار العدس البنى بتاع الكشرى ايه؟
tafatifi 2011-12-02
والقمح بتاع البليلة برده بنرمى المية بعد ما نغليه
زغباوية 2011-12-02
100 100 على المعلومات ومجهود التجميع والتعليق
زغباوية 2011-12-02
انا مش برمي الماية بتاعة العدس ولا البليلة دى ماية البليلة مفيدة جدا وخصوصا للأطفال
الباشمهندسة 2011-12-02
لا هو ممكن تشطفيهم بماء دافي قبل النقع واعتقد ان النقع بيكون لمدة بسيطة عشان دول قشرتهم ضعيفة ممكن تفك من الحبة نفسها وانا غالبا باشطف وادخل علي التسوية علي طول و القمح كمان زي ماقالت زغباوية مية مفيدة جدا وفيها فيتامين أ و د و اعتقد انه مش بينطبق عليه قاعدة البقوليات اللي بنتكلم عنها
tafatifi 2011-12-03
ما أنا قلت كده برده
ثانك يوو
safaa 2011-12-03
+1 شكلها رائع ومعلومات قيمة ..بس اول مرة اشوف اللوبيا السمراء
zedony.com - A mmonem.com production. عن زيدوني - Privacy Policy