وصفه جميلة جدا وسهلة وهتعجب الكبار والصغار

8
:كيكة التوست بالدجاج و الجبنة الكريمي دجاجة كاملة مسلوقة و مقطعة او يمكنك استبدالها بصدور دجاج ... يتبل بالملح و الفلفل ثم ضيفي نصف برطمان مايونيز و معلقتين مسطردة لتعزيز النكهة يمكنك اضافة الزيتون او الذرة الحلوة او خس بحسب رغبتك ... احضري صينية التشيز كيك و افتحيها من الجوانب ثم احضري التوست و اقطعي حوافه البنية و ابدئي في وضع طبقة من التوست ( ضيفي لباقي برطمان المايونيز معلقتين مسطردة وزعي من هذا الخليط فوق التوست ثم ضيفي الدجاج ثم ضعي طبقة من الفراخ السابق تتبيلها ثم غطي بطبقة من التوست و غطيها بخلطة المايونيز ثم ضعي طبقة من خلطة الدجاج و التغطية ( الطبقة اللي فوق ) تكون توست متغطي بخلطة المايونيز و بعدين [جيبي ورق زبدة او نايلون لف و غطي القالب ) و اضغطي عليه عشان المحتويات تتماسك ضعيها في التلاجة لبضعة ساعات و اثناء ده جهزي الجبنة الكريمي 8 مكعبات جبنة ( من نوع الجبنة المثلثات اي نوع ) اضربيها جيدا حتى تصبح ناعمة و ضيفي ليها كريمة سميكة ربع لتر و اضريبها مرة ثانية حتى تصبح بقوام الكريم شانتيه ضعيها في الثلاجة لتتماسك ثم ضعي نصفها في كيس حلواني و النصف الثاني افرديه على وش الكيك بعد ما تقلبيها ( يعني القعر هو اللي حيتزين ) و تفكيها من الصنية و جمليها بباقي خليط الجبنة وزتون و بالهنا ان شاء الله .... ممكن عمل نفس الطريقة بالتونة و لكن استبدلي المسطردة بالكاتشب في خلطة المايونيز لتصبح الخلطة وردية.... وبالهنا والشفا {{uf:783}}

 

إضافة 2011-11-17
غير محدد

التعليقات

زغباوية 2011-11-17
يانهار تخن تحفة جدا بس شكلها دسمة جداجدا
احنا ممكن نستبدل المايونيز بالزبادى هاتكون اخف
بس ممكن اعملها لما اجربها هاقولكم
loleta1 2011-11-17
+1 جميلة
أم العيال 2011-11-17
هي شكلها جميل بصراحة لكن هاتبقي مززة أوي من المايونيز ده......+1
Engy Fares 2011-11-17
بالنسبة لموضوع انها هتبقى دسمه فكل المكونات فى منها قليل الدسم سواء المايونيز او الجبنه , اما بالنسبة لاستبدال امايونيز بالزبادى فخلى بالك ان ده هيبقى فيه سوائل ومش هيطلع مظبوط
الاستاذة 2011-11-17
+1
زغباوية 2011-11-17
شكرا للتوضيح وان شاء الله اجربها
Engy Fares 2011-11-17
لا شكر على واجب كلنا بنتعلم من بعض
عبد المنعم 2011-11-17
يعنى دى حاجة حلوة ولا حادقة ؟؟
أم العيال 2011-11-18
يعني يا عبده فراخ ومايونيز وجبنةوكمان زيتون وبرضو تبقي حاجة حلوة؟!يا راااااااااااااااااااجل
عبد المنعم 2011-11-19
طب ما كده طعم الفراخ ضاع ومش هيفضل غير طعم الزيتون !!!
Engy Fares 2011-11-19
المفروض مانحكمش على الحاجه غبر لما نجربها وبصراحه الواحد بيزهق من الاكلات الروتينية ولازم شوية تجديد
زغباوية 2011-11-19
معاكي حق وخصوصا كمان للولاد الصغار بنحاول نجدد لهم باشكال مختلفة وجميلة وتكون مغذية
الباشمهندسة 2011-11-19
بصراحة فكرة جديدة ... وينفع تبقي خدعة في اعياد الميلاد بدل البيتزا والباتية والساليزونات
Lady Rasha Reda 2011-11-20
فكره جديده حلوه جدا، و شكلها كمان جميل،و فعلا تنفع فى الحفلات كمان
عبد المنعم 2011-11-20
طب حد يجرب ويقولنا
loleta1 2011-11-21
ماهي أسمها التورته المغشوشه ولو ماحطتتش شيئ واضح يميز أنها حادقه بتتغش الناس فيها وعلى فكرة انا واختي عملناها كتيير وطعمها تحفه،وممكن تعملي نفس الفكرة ساليزون يعني تجيبي التوست تقطعيه مربعات صغيره وتدهنيه باللبنه أو المايونيز وتحطي الحشو اللي يعجبك(تونه-لانشون-جبنه رومي-هوت دوج)وتقفليه وتدهنيه من فوق لبنه وتحطي زيتون وتقفليه بخله صغيرة وتكسريها لوكانت طويله عليها بتبقى تحفه في العيد ميلادات عن تجربه
زغباوية 2011-11-21
انا فعلا بعمل الساليزون كدا بس بدل المايونيز بضرب جبنة حادقة مع شوية زبادى وممكن قطعة صغيرة قشطة بتبقى تحفة وعليها زيتون وبشر جزر او كرنب بنفسجى او خس مبشور صغير وازين بيها بيطلع شكلها جميل
safaa 2011-11-22
والمقالة دى ايضا دخلت افضل مقالة لشهر نوفمبر
zedony.com - A mmonem.com production. عن زيدوني - Privacy Policy