احـــــــــــــــــذروا الكاميرا الملحقة بجهاز الكمبيوتر

6

قريت مقالة قبل كدا تحذر من ترك الكاميرا(الويبكام) مفتوحة لان ممكن يحصل اختراق ليها وحد يدخل يصورك وانت مش واخد بالك

عايزة اعرف مدى صحة الكلام ولو صح فعلا نتلافى المشكلة دى ازاى؟


ملحوظـــــــــــــــة هامة:
على فكرة المعلومة دى كمان عن الموبايلات المحتوية على كاميرات

 

إضافة 2011-11-16
غير محدد
تعديل 2019-07-04

التعليقات

mora 2011-11-16
+1سؤال جميل لكن اجابته تخوف

الإجابات

7
طبعا حقيقي ... طالما الجهاز اللي عندك نظام التشغيل بتاعه مش أصلي ومعندكيش مضاد فيروسات أصلي أفضل شيئ هو فصل الكاميرا والميكروفون فصل كامل عن الجهاز
إضافة 2011-11-16

التعليقات

أم العيال 2011-11-16
يعني إزايكده؟؟؟؟؟ظ
مادام إن الجهاز مقفول ومفصول عنه الكهربا فأكيد الويب كام هاتبقي مقفوله .....ولا إيه؟؟
ولا انتو بتتكلمو في حالة إن جهاز الكمبيوتر بيبقي مفتوح ومش متصل بالنت؟؟
mora 2011-11-16
طب والميكرفون كمان ليه ومش غلط لو كل شويه نفصلهم ونشبل الجاك من الكمبيوتر ولا عادى+1
محمد عبد المنعم 2011-11-17
طبعا لو الكهربا مفصولة خلاص ... لكن لو الانترنت مفصولة ممكن يسجل ولمل يتوصل يذيع
أم العيال 2011-11-17
ياااااااااااااه شكرا عالمعلومة الجديدة
محمد عبد المنعم 2011-11-17
أنا بتكلم عن الأساس وعن إن في مقدرة لناس تعمل حاجة زي كده لكن جايز ميكونش ده منتشر قوي ... آلشر ليس له حدود
mora 2011-11-17
فعلا الشر ليس له حدود
زغباوية 2011-11-17
وكمان الميكرفون ياخبر ابيض يعني صوت وصورة ربنا يسترها شكرا على المعلومة

طيب معلش لو انا شغالة على الجهاز والكاميرا موجهه الى حائط مثلا فيها مشكلة برضوايعني بتصور المكان كله ولا بتصور اللى ادامها بس
زغباوية 2011-11-17
وممكن تقولنا كمان عن الموبايلات يقدر يتعمل بيها ايه؟؟؟؟ لان ناس كتيير بتسيب صور في موبايلاتها وعرفت انه ممكن يتفتح ويصور
5
الويب كام هي كاميرا رقمية ترفق بجهاز الحاسب الآلي، تسمح بعمل محادثات حية مع الأشخاص المتصلين اللذين يستخدمون نفس برنامج المحادثة وتستخدم أيضا لالتقاط الصور.

وقد أصبحت تلك الكاميرات تلعب دوراً مهما في حياة الناس الذين يسكنون بعيداً عن أسرهم وأصدقائهم، فهي وسيلة للتواصل مع الأقارب والأصدقاء اللذين يعيشون بعيداً بدلاً من تكبد متاعب السفر.

مميزات استخدام كاميرا الويب:-

الكثير من مستخدمي الانترنت اليوم يقومون بتوصيل تلك الكاميرات الصغيرة على جهاز الكمبيوتر لتسهيل التواصل مع أقرانهم وذويهم فى شتى دول العالم.

هذه الكاميرات تساعد المستخدمين على الاتصال بأصدقائهم واقرابهم من خلال عمل محادثة فيديو حية دون الحاجة للسفر أو الخروج من منازلهم أو عملهم.

فهى تساعد الأهل الذين يشعرون بالقلق على أطفالهم الصغار ليبقوا مطمئنين عليهم في الحضانة أو في المنزل مع المربية، أو حتى ليبقوا على اتصال مع أولادهم الكبار الذين يدرسون بعيداً.


ومع كل تلك الفوائد والراحة التي تجلبها تلك الكاميرات إلا أن هناك بعض المخاطر التي تحيط بها خاصة مع التطور المذهل الذي يشهده العالم اليوم في تكنولوجيا المعلومات والاتصالات، فمثلاً قد يقوم أحد الأفراد بتنشيط كاميرا شخصاً أخر من خلال اختراق جهازه الشخصي واستخدامها دون علمه.واعتقد انه مع التطور الهائل فى كافه العلوم والمجالات اصبح كل شىء ممكن اختراق كاميرا ويبكام اختراق موبيلات اختراق ايميلات
كل شىء اصبح ممكن الان حتى اختراق جهاز الكومبيوتر نفسه اصبح ممكنا ربنا يستر
إضافة 2011-11-16
mora
6041

التعليقات

زغباوية 2011-11-17
ربنا يستر فعلا
4
والله انا ليه رأى اولا معظم الكامات فيها لمه ايضاح التشغيل يعنى عمرها متصور غير واللمبه منوره يعنى اللى قاعد هيلاحظ ده حاجه وبالنسبه لموضوع التسجيل ده ممكن يتقفل المايك من الجهاز او من الويندوز نفسه من غير شيل الجاك وحطه لانه فعلا بيبوظ من كتر الشيل والحط وحاجه اخيره مش اى حد يعرف يعمل الكلام ده ده لازم حد مش عادى خالص خالص والحد اللى مش عادى ده مش هيبقى فاضلنا احنا عندو هيفاء وشاكيرا ونانسى واااىىىىىىىىى!!!!!!! :( ده لو اصلا كان فاضى الناس ده الدقيقه عندهم ليها ثمن
إضافة 2011-11-17
Eng Ahmed
7237

التعليقات

زغباوية 2011-11-17
اولا :الموضوع بيتم بدون تشغيل لمبة الكاميرا يعنى بدون ماتحس
ثانيا: الناس اللى بتعمل كدا ناس فاضية وغاوية شر وكمثال زوجى اخترقوا الايميل بتاعه بنفس الاسم وبقوا يبعتوا رسايل وحشة جدا له ولكل اصحابه فطبعا شئ مزعج ويدعوا للقلق
ثالثا:+1 علشان فتح الحوار وان شاء الله يكون هادف ويفيد الجميع
zedony.com - A mmonem.com production. عن زيدوني - Privacy Policy