سلق الكرنب للمحشي .........ياستات جاوبوني

6
واحدة شاطرة تقوللي بتعمل إيه في الكرنباية من ساعة ماتجيبها من السوق لحاااااااااااااااااااد أما نحشيها
يعني قولولي بتتسلق إزاي وبتتقطع إمتي وإيه أحسن طريقة للتقطيع بالإيد ولا بالسكينة
كل التفاصيل الدقيقة
وكمان أعرف الورقة المجلدة إزاي من الورقة الحلوة
أدعولي أنجح في العملية الصعبة دي
{{uf:776}} {{uf:780}}

 

إضافة 2011-11-15
غير محدد
تعديل 2011-11-15

التعليقات

أم العيال 2011-11-15
إيه يا جماعة ماحدش جاوب ليييييييه؟أنتو مابتعملوش محشي ولا إيه؟؟فييينك ياتوتو ده أنا كنت باقول عليكي ست بيت شاطرة هاتخيبي ظني ولا إيه؟؟؟؟؟؟
زغباوية 2011-11-15
ربنا معاكي في المهمة الصعبة دى بس ممكن اجاوب عليكي في تقطيعه قبل سلقه بس بكرة ان شاء الله تصبحوا على خير
mora 2011-11-15
قررتى تعملى محشى كرنب اخيرا يادودو الله يكون فى عونك ياحماده يااللى طلبت المحشى من ماما يا بنتى خليكى فى ورق العنب لسه هتسلقى وتقطعى
زغباوية 2011-11-16
هو شكله تحفة جدا عايز يتاكل سواء ني او مستوى ....انا جعت الله يسامحــــــــــــــــــــــك
safaa 2011-11-16
حلو جدا التقطيع دا
tafatifi 2011-11-16
الصورة التانية أحلى بكتير
محدش له دعوة بيها بقى

http://t2.gstatic.com/images?q=tbn:ANd9GcRH89HEYEGP9qyYA03M3dqJrgOvfPi46l9nrhaHzHQhSP6t1b6Y4LK2nmkv
أم العيال 2011-11-16
أنا شفتها الصورة دي بس أنا بصراحة ماباحبش المحشي المرصوص ده,,أنا باحبه كده وهو مقلوب من الحلة علي طول في الطبق ويقوم بقي مطلع الدخان والريحة كوووووووووووووووووووللللللللللللها عليا .........الله الله الله
amani 2011-11-17
فتحتي نفسنا بالهنا والشفاء
safaa 2011-11-17
انا بقول كدا برضة وخصوصا فى الايام البرد دى
tafatifi 2011-11-18
بس يا أم العيال العين بتاكل قبل البق زى ما قال الجهبز الشيف حسن

الإجابات

5
أولا: بتجيبي الكرنبه وتقصي بالسكينه القرن اللي طالع منها ده لحد جدورره
ثانيا :تسلقيها 10 دقايق لربع ساعه في ميه بتغلي فيها كمون وملح(الكمون يقلل من الأنتفاخات الناجمه عن اكل الكرنب)
ثالثا:تقصي العروق التخينه وتشليها وتقطعي الكرنب مسافات مناسبه
ويستخدم كما هو كده
ملحوظات:
1-يفضل استخدام السكين في التقطيع
2-لو هتخزنيه في الديب فريزر تسويه نص سوى لأنه بيستوي في الفريز
3-الكرنب البلدي جلدته تخينه عن الكرنب المستورد
إضافة 2011-11-15
loleta1
14181

التعليقات

أم العيال 2011-11-15
شكرا يا متمكنة+1طبعاوانا مغمضة
زغباوية 2011-11-16
+1 تسلم ايديكي
safaa 2011-11-16
عاوزين ندوق لوسمحتى
TOOTOOMEX 2011-11-16
انا بعمله كده بس بضيف شوية زيت مع الكمون والملح عشان الورق يلمع وكمان بقطع الورق قبل السلق عشان ميتقطعش عشان مش بحب ورق الكرنب المبهدل بحب الورقه تبقى سليمه وانا يقطعهاومش بسلق الورق كتير قوى كده لما بتسلق شويه صغيره بيحتفظ اكتر بفوايده ده غير انه مش بيبقى مهرى وبالهنا والشفا ابقى اعزمينا
loleta1 2011-11-16
ياسلام عيوني
TOOTOOMEX 2011-11-16
تسلم عيونك
زغباوية 2011-11-16
اخيرا لاقيت حد غيري بيقطعه قبل مايسلقه شاطرة ياتوتو
الباشمهندسة 2011-11-16
يازغباويه هي بتقطع بعد السلق مش قبله ... واعتقد انها ماتفرقش بس غالبا قبل السلق التقطيع بيبقي اصعب ومرهق اكتر ولو التقطيع بعد السلق بيبقي الرص اصعب ... والله اعلم

وعشان انا عمري ماعملته ولا هعملة ربنا يخليها حماتي الامورة ويعطيها الصحة بتعملهولي علي طول ومش حارماني منه الحق حق ياصفصف
زغباوية 2011-11-16
يابختك ياستي بحماتك
أم العيال 2011-11-16
ياباختك ياستي اللهم لا حسد ولكنه أرر
أم العيال 2011-11-16
علي فكرة باركوليي كلكو أنا خلاص عملتو وكلتو وكمان هضمتو وكان جميل وهاأقولكو عن التجربة:
1أنا لما حاولت أقطعه قبل السلق كان صعب جدا لأنه بيبقي ملفوف علي بعضه ومجرد أني أفك اللفه ده في حد ذاته بيقطعه
2فعلا زي مالوليتا قالت لازم نشيل القرن بتاعه لحاااااااادجدورهلأني ماعملتش كده وكان صعب عليا في سلقه
3أنا برضو حطيت زي ماتوتو قالت شوية زيت في المية بتاعة السلق وفعلا طلع بيلمع وجميل
ياريت كل اللي مابتعرفش تعملو (زيي قبل النهارده)تبدأتتعلم وتاخد القرار عشان تبقي قدام نفسها مش مقصرة وتكون تستاهل لقب الأم بجدارة وعشان محدش يمسكها لك ذلة انك مابتأكليش جوزك وعيالكمحشي
safaa 2011-11-16
شاطرة
زغباوية 2011-11-17
برافو عليكي
زغباوية 2011-11-17
وانا برضوا قبل ماقطعه نى لازم اشيل راسه الاول بتسهل كتير
loleta1 2011-11-17
برافووووووووووووووووووووو :-(
tafatifi 2011-11-18
فعلا الأم متبقاش أم لو ما عملتش محشى
الباشمهندسة 2011-11-23
نعم ياستي انتي وهي ... هو المحشي لازم يبقي لف في لف طيب مافيه الكوسة والفلفل ولا حتي الباذنجان كل دا مش محشي وفيه محشي البطاطس كمان والممبار او السجق ....وايه تاني فكروني.

ستات غاوية تعب :p
زغباوية 2011-11-23
بس ورق العنب والكرنب علشان مش بنعملهم كتير في الواقع مش بنعملهم خالص غير مرة كدا كل كام سنة فبيوحشونا
بس طبعا الباذنجان والكوسة سهل عمايلهم وطبعا لو اشتريناهم متقورين
4
هو انا ليا طريقة مختلفة في تقطيعه بعتبرها اسهل :

- بقطع ورق الكرنب الحجم المناسب وهو ني
- وارصه فوق بعضه
- وبعد كدا بسلقه يطلع معايا مرصوص
- اخد منه واحشي على طول

- والبواقي النية اللى قطعتها بحطها في السلطة بدل مابتترمي وهى مسلوقة
إضافة 2011-11-16

التعليقات

safaa 2011-11-16
شاطرة يازوزو
tafatifi 2011-11-16
هل تقطيعه وهو نى أسهل ما يكون مستوى ؟
زغباوية 2011-11-16
بالنسبة ليا اسهل كتير وهو ني منظم ومش مجلد زى المسلوق فيتقطع فى الاخر ويتهري
zedony.com - A mmonem.com production. عن زيدوني - Privacy Policy