ليه معظم الاطفال بيحبو يمشو حافين علي الارض؟

4
انا بتعجب دايما ليه الاطفال بيحبو يمشو حافين علي البلاط او السراميك صيفا و المصيبه في الشتا كمان ، المشكله اني بغلب اقول البسوا حاجه في رجلكو بس لا حياة لمن تنادي ،الغريبه كمان اني سمعت ناس بتقول ان ده بيسبب الفلات فوت فهل الكلام ده صحيح وازاي ممكن احببهم في لبس الشبشب علشان مع الجو الشتا الشراب مش كفايه؟؟

عايزة حلول عمليه كل حاجة بتتقلع شراب شباشب لكلوك ... هاتجنن

 

إضافة 2010-12-25
غير محدد
تعديل 2011-12-07

التعليقات

زغباوية 2011-01-20
انتى ممكن تلبسيهم كولون لو بيخلعو الشراب كمان اخواتى بيعملو كدا سواء كانو بنات او ولاد
زغباوية 2011-01-20
وزيادة فى الامان لبسى تحت الكولون مش فوقه شراب تقيل كدا لو مشيو حافيين بتهيألى يكون افضل
mora 2011-12-07
هو الاحسن انك توجعى قلبك وكل شويه تفكريهم عشان يفضلوا لبسينه وكل ميقلعوا الشبشب او الشراب قوليلهم البسوا هيلبسوا علطول وهلم جره اصلها نفس مشكلتى وبفضل اقول البسوا البسوا فبيلبسوا+1
عبد المنعم 2011-12-08
لذيذ جدا المشى حافى .. انا باعمل كده كتير فى المنحل ..وزمان واحنا فى الابتدائى كنا بنقلع الجزم والشرابات ونمشى على الاسفلت ..
Lady Rasha Reda 2011-12-08
حلو أوى السوال بس كده يبقى 2 فى 1

المشى حافيا ، و الفلات فوت

الإجابات

3
اولا لان الاطفال بيحبو الحرية وانهم مايتقيدوش بشئ هاتلاقيهم كدا حتى مع الطواقى او بالنسبة للبنات مع التوك مابيحبوش حاجة تخنقهم وتقيد حركتهم
اما بالنسبة للعدم لبس الشبشب فهو صحى جدا للأطفال فهو يقوى عضلات رجلهم ودى معلومة سمعتها من كذا دكتور
بالنسبة انه بيسبب الفلات فوت فليس عندى فكرة
ممكن تتلافى الموضوع ده انك تفرشى البيت كله او معظم الأرضية سجاجيد علشان رجلهم ماتكونش على الارض
او ممكن تجيبى لهم الأحذية او الشباشب المنزلية او حتى الشرابات (الكلوك)الفرو والتى تكون على اشكال حيوانات
إضافة 2010-12-26

التعليقات

TOOTOOMEX 2011-01-04
كلام زغباويه مضبوط بس انا احب اضيف ان الاطفال بيحبوا الاستسهال بس الفلات فوت ده بيتولد بيه الطفل مش شئ مكتسب بس الاحسن انك تحاولى تعتملى انتى ووالهم كده وتكون اللكلوك مريح مع شويه تحبيش منك انهواوا رجلك وكده يعنى
Lady Rasha Reda 2011-12-08
+1
5
المشى حافيا

1- للاطفال:
أوصت أحدث الدراسات العلمية بضرورة مشى الأطفال “حافين الأقدام” حيث يعتبر ذلك مفيدا لهم من الناحية الصحيةويعمل على تحسين الأداء الوظيفي لكثير من المفاصل التي من شأنها الحفاظ على استقرار أقدام الطفل وحمايتها من الاعوجاج.

كما تؤكد الدراسات على أن مشى الطفل حافيا حتى بلوغه سن 3 سنوات مفيد لنمو عظام القدمين لدى الأطفال بشكل سليمحيث يقوم المخ بإعطاء إشارات بتعديل وضع عضلات القدمين وهذه الإشارات تعطى أمرا بطريقة الماشية الصحيحة ولكن بعد بلوغ الطفل لهذه السن يجب الحرص على ارتداء الطفل للحذاء حتى لا يتسبب المشي حافيا في تفلطح الأصابع.

وينصح ايضاً بانتقاء الحذاء المرن الذي يتسم بالليونة الكبيرة التي تعمل على التكيف مع حركات قدم الطفل ولا يعوق تطورها الحركي.

2- للكبار
وللمشي بدون حذاء فوائد أيضا للكبار
حيث بينت دراسة حديثة أن مشيك حافية القدمين
من وقت لآخر له عدة فوائد :

##على ركبتيك بنسبة (12%) مقارنة مع لبس حذاء مريح ؛ والسبب يعودإلى المرونة الطبيعية لقدمك والتي تعمل كماصة للصدمات أثناء المشي .
##ملامسه قدميك للرمال والأعشاب يحسن مشيتك ووقفتك ، ويؤدي ذلك إلى تخفيف الضغط عن ساقيك وظهرك .
##المشى بقدميين حافيتين يدعم توازن الجسم.


من هدى نبينا الكريم عليه أفضل الصلاة والسلام
##فقد كان النبي صلى الله عليه وسلم يوصي أصحابه بممارسة هذا النوع من أنواع المشي فقد روي عن أحد أصحاب النبي صلى الله عليه وسلم أنه قال: (كان النبي صلى الله عليه وسلم يأمرنا أن نحتفي أحياناً) [رواه أحمد].
##أما الإشارة القرآنية ففي قصة سيدنا موسى عليه السلام عندما وصل إلى المنطقة المقدسة، يقول تعالى: (فَاخْلَعْ نَعْلَيْكَ إِنَّكَ بِالْوَادِ الْمُقَدَّسِ طُوًى) [طه: 12].
##نحن المسلمين نمارس هذه "الرياضة" أثناء دخولنا إلى المسجد، حيث يدخل المؤمن حافياً خمس مرات كل يوم ولو حسبنا مجموع المسافة التي يمشيها المؤمن داخل المسجد (وبخاصة إذا كان المسجد كبيراً) فإنها كافية كل يوم لكسب فوائد هذه الرياضة.


لكن لاينصح به في الأرضيات الباردة لما قد يسببه من أمراض .للأطفال و الكبار على حد السواء

حــيــث

حيث عرَض الباحثون أطفالا بين 3- 5سنوات في المجموعة الأولى واطفالا بين 6- 9سنوات في المجموعةالثانية للمشي لمدة 30دقيقة على أرضية حرارتها 23درجة مئوية وهم حفاة في يوم آخر المشي على نفس الأرضية وهم يلبسون جوارب.

وقام الباحثون بدراسة إفراز هرمونات التوتر خلال النوم للاطفال.
ووجد الباحثون خلال دراسة النوم للأطفال من المجموعتين أنه خلال الأيام التي مشى فيها الأطفال حفاةً زادت كمية التبول بالليل وزاد إفراز هرمونات التوتر والإجهاد كالأدرينالين والنورأدريناين والكورتيزول.

زيادة إفراز هذه الهرمونات خلال النوم بعد التعرض للبرودة في الأرجل لفترة بسيطة عند الأطفال يدل على ان مشي الأطفال حفاة في الجو البارد له آثار جانبية قد تمتد لساعات بعد التعرض للبرودة ..

و علـــــيه أنصح بأرتداء جوراب قطنيه أو صوفيه فى الشتاء ، للأطفال و الكبار للفائده علاوه على كونه قدوه ، قبل أن يأمر طفله بأرتداء الجوارب..

كذلك أنصح بالأبتعاد عن اللكلوك ، لما له من سوء بناء مما يؤثر سلبا على القدم.. خاصه تلك التى على شكل دباديب، وان لزم ، فيا حبذا تلك التى لها نعل محدد الشكل مع مراعاه اللين ..

كما علينا مراعاه اللين مع أطفالنا ، و القدوه الحسنه ، و التشجيع و الترهيب

بقلم:رشارضا
www.zedony.com

إضافة 2011-12-08

التعليقات

Lady Rasha Reda 2011-12-08
يارب يارب بجد تستفيدوا ، أروح انام شويه بقى،
Lady Rasha Reda 2011-12-08
ممكن أعملكوا موضوع عن الفلات فوت ، أسبابه و علاجه ، لو حابين؟
زغباوية 2011-12-08
100 100 بصراحة تسلمي

وتقدري تتخيلي انى رسمتلك رسالة مصورة مكتوب فيها

اجابة متميزة ونجمة
زغباوية 2011-12-08
في انتظار موضوع الفلات فوت
الباشمهندسة 2011-12-10
طبعا الكلام دا جميل جدا واحب ازودلك شوية معلومات في المقال دا عن المش حافيا هــــــل تعـــلم ان المشى حافيـــا له فوائـــــــد للجســــم .....!!!

انا عارفة ان المشي حافي مفيد بس المشكلة دي دايما تظهر عندي مع دخول الشتا لان العيال فعلا بتتعب وفعلا الولد الصغير زيادة التبول عنده بتزيد جدا مش بس ليلا ونهارا كمان والمشكلة اني مش مقتنعة باللكلوك وكمان الشراب رقيق جدا وبيتخلع بسهولة والمسطحات عندي كبيرة مش هقدر اكسيها كلها سجاد وبالمناسبة دا حل متميز ومناسب جدا بس مكلف قوي وهو دا سبب سؤالي كنت عايزة طريقة احبب فيها العيال في لبس الشباشب او حتي اجبرهم علي لبسه المهم يتلبس فترة الشتا وبالذات عند المشي علي الارضيات مباشرةً.

وبالمناسبة انا لقيت حل مؤقت جايز ينفع لمدة بسيطة او طويلة لسه تحت التجربة والاختبار احب اطلعكم عليه... طبعا هو استغلال فطرة التقليد والغيرة عند الاطفال وبقيت البس الولد الصغير شبشب اخوه الكبير واللي هو بالمناسبة اكبر من مقاسة بنمرتين فمبحبح عليه شويه في المشي وجبت للولد الكبير شبشب شبه بتوع الرجال الكبار بس مقاسه الخطة ناجحة حتي الان بس مش في كل الاوقات
زغباوية 2011-12-10
بس كدا رجله توجوعوا علشان الشبشب مش مقاسه يتعبلوا رجله
الباشمهندسة 2011-12-11
هو مستريح عشان مش حاسس بالتقيد اللي انتي قلتي عليه فوق ورجله وبتدخل وتطلع براحته
zedony.com - A mmonem.com production. عن زيدوني - Privacy Policy