عايزة ادهن حائط؟

2
ممكن حد يقولى الخطوات بالظبط علشان الدهان يطلع كويس يعنى ناعم وكمان مايسيلش منى

 

الإجابات

4
أعتقد أن أنتي لازم تستخدمي الأدوات الصح يعني الرولله يكون مقاسها مناسب للحيطة اللي عايزة تدهنيها وكمان لازم يكون نوع الدهان كويس زي سايبس لأن النوع ده محترم وغير كده وأهم حاجة ماتستسهليش وتلكلكي علشان اللمسات الأخيرة هي اللي بتدي الشكل الكويس
إضافة 2010-12-23
سلوى
1771
6
جربى أنت الأول عادى لو بوصتى الحيطة مرة أو أتنين أو تلاتة وأن شاء اللة المرة الرابعة هتعرفى تدهنى كويس
إضافة 2010-12-23
4
اولا...علشان تعيدي دهان حائط لازم توضحي نوع الدهان الحالي ايه لان كل نوع دهان بيحتاج طريقه في التعامل معه.... يعني لو جير بيتكحت ولو زيت بيتكشط وده علشان نرجع الي الوضعيه اللي قبليها مباشرة واللي تسمي البطانه....ولو الحائط بلاستيك يبقي بندهن عليه طبقه ثانيه مباشرة دون اي علاجات.<BR>ثانيا...لو فيه اي خروم او شقوق في الحائط لابد تتسد عن طريق عجينه من الاسمنت الابيض او الجبس وتتسنفر بسوي الحائط علشان مايبقاش فيه بروزات وبعدين كده تبقي مستعده لخطوة الدهان واللي اسهل حاجه فيه هو البلاستيك الجاهز في جرادل من المحلات وباستخدام الروله واهم حاجه تخلي بالك منها<BR>1 - الدهان يكون في اتجاه واحد من الاعلي الي الاسفل يعني تبتدي من السقف الي الارض<BR>2 - بعد انزال الروله في الجردل اخبطيها علي الحرف برفق علشان ماتبقاش ماليانه قوي وتسيل علي الحائط<BR>3 - اهم حاجه لو مش هتقدري تخلصي كله في يوم واحد يبقي الاحسن تتوقفي عند نهايات جنب الحائط المهم مش في نصف الحائط علشان تحتفظي بدرجه لون واحده<BR>4 - ممكن لتقليل التكلفه تجيبي الدهان البلاستيك الابيض وزجاجه لون اللي تفضليه من الموان وتحطي علي الابيض لحد ما توصلي للدرجه المطلوبه بس حولي تعملي كميه كبيره تكفي الغرفه كلها علشان لو اللون خلص غالبا هيبقي من الصعب عليك الوصول الي نفس الدرجه بدقة
إضافة 2010-12-23
3
الله ينور يا بشمهندسة بس العملية اذا كان الدهان السابق جير يبقى مش كحت وبس د لازم غسيل بماء مخلوط بالغراء كبطانة ثم معجنة وشين ثم صنفرة الحائط وفى الاخر خالص الدهان ... وإسأل مجرب
إضافة 2010-12-26
hamada
9325

التعليقات

الباشمهندسة 2010-12-26
انا بس حبيت اسهل عليها الامور علشان ما تتخضش من حجم الاعمال المطلوبه للحصول علي حائط مدهون يعمر معاها وماتحتاجش كل شويه تتدهنه.
hamada 2010-12-27
ماشى يا بشمهندسة .
zedony.com - A mmonem.com production. عن زيدوني - Privacy Policy