الكسكسي ...........؟؟

6
ماهي طريقة عمل الكسكسي من أولها وبالتفصيل؟

 

إضافة 2011-10-09
غير محدد

التعليقات

زغباوية 2011-10-09
+1 سؤال جميل بدل مانشتريه جاهز
Noura 2011-10-09
انا مامتي استاذة فيه بس ناكله حادق
الباشمهندسة 2011-11-16
ياااااه كسكسي .... تعرفي اني بموت فيه الله عليه وهو سخن ومتغمس بالسمن البلدي والسكر ياحلاوة ياولاد
كانت جدتي رحمة الله عليها تعملهولنا علي طول بس للاسف من ساعة ماتوفت وانا ماكلتوش يعني يجي من 17 سنة كدا :)

الإجابات

5


الكسكسي
المقادير:

6كوب كبيرة دقيق منخول
كوب الا ربع سمن+زبد فلاحي
حوالي 2كوب ماء بارد مضاف اليه ملعقة صغيرة ملح

الطريقة:
ينخل الدقيق و يوضع في اناء واسع
يذاب الملح في الماء
يرش الدقيق بالماء رشا خفيفا و يبس باليد (يفرك باليد)
يرش ثانيا ويبس مرة اخري حتي تتكون كرات رقيقة
يوضع العجين في منخل ضيق نوعا ما و يفرك حتي تتساقط الحبيبات الصغيرة والدقيق
الذي تساقط من المنخل هو( الكسكسي ) ناخذه و نضعه في منخل اخر ضيق حتي نتخلص من الدقيق الزائد
ثم ناخذه و نضعه في اناء اخر
يضاف الدقيق المتبقي من عملية النخل الي العجين وكذلك كرات العجين الكبيرة التي تبقت من عملية النخل الاولي
يرش بالماء مرة اخري و يبس و يفرك و ينخل و نكرر الخطوات السابقة حتي نتخلص من مقدار العجين بالكامل
كده اصبح لديك كمية الكسكسي ياله بينا نسويه

طريقة الطهي:
نحضر حلة واسعة و عميقة و نملاها بالماء الي نصفها
نضع مصفاه فوق الحلة بنفس مقاسها و نضع عليها قطعة قماش بيضاء
نضع الحلة علي النار حتي تغلي
نضع الكسكسي في شاشة او قماش ابيض خفيف جدا ونطبق الشاشة زي الظرف بعد طبعا مانضع فيها الكسكسي ونرفعة علي النار
نغطي الكسكسي بغطاء الحلة ويترك علي النار لمدة ربع ساعة
نرفع الشاشة من علي النار و نفرغ الكسكسي في بلاستيكة كبيرة ونفركه حتي تنفصل الحبيبات عن بعضها و نتركها حتي تبرد شوية
في اللحظة دي نزود مقدار الماء في الحلة علشان الغليان بينقصها طبعا
يعاد الكسكسي مرة اخري الي الشاشة و يوضع علي المصفاه و يغطي و يوضع علي النار مرة اخري لمدة ربع ساعة
يفرغ الكسكسي كله بعد اتمام عملية الطهي في البلاستيكة
يقلب حتي يتفكك من بعضه
طريقة التقديم
ناخذ المقدار الكافي لنا و نضعه في طبق كريستال ثم نضع عليه ملعقة سمن فلاحي
و نقلبه جيدا ثم نضع عليه السكر البودرة (كمية السكر و السمن حسب رغبتك)
ثم نضع من فوق ملعقة كبيرة مكسرات مفرية و نجمله بوحدات لوز ان وجدت


طريقة عمل الكسكسي فيديوhttp://wasema.ibda3.org/t2624-topic
إضافة 2011-10-09
loleta1
14181

التعليقات

أم العيال 2011-10-09
هو انا اديتلك+1 وده علشان تعبتي نفسك ورديتي عليا ...........لكن أنا لو أعرف انه بالغباوة دي ماكنتش اتهورت وسألت ........عموما أنا آسفة للتهور
وعي فكرة انتو ممكن تعملو زيي وتشتروه(وعلي رأي المثل :إدي العيش لخبازه)
زغباوية 2011-10-09
+1 ......بالطريقة دى نشتريه جاهز اسهل
loleta1 2011-10-09
لعلمك دي أسهل طريقه في طرق أكتر عقد من كده وكمان أخر واحده طريقة عمله باللحمه والحمص بحبها كتير
زغباوية 2011-10-09
عملتها مرة ماحبوهاش
loleta1 2011-10-09
مسيري أدوقهالك مره بالطريقه الليبيه هتعجبك جدا
زغباوية 2011-10-09
طيب ماتكتبيهالنا لغاية ماندوقها
loleta1 2011-10-09
اوك
الباشمهندسة 2011-11-16
تسلمي يا لوليتا علي الوصفة الحلوة دي

ممكن تشتري الكسكسي قبل الطهي من اي سوبر ماركت هو بيبقي اكياس زي الرز والدقيق .... بس حذاري حذاري تشترية مطبوخ من اي حته بالذات العربيات لانه بيقال انه بيسبب تسمم عليي طول.
3
وربنا لو الريس يعرف انها هتقلب فى الاخر على كسكسى مكان تعب نفسه وعمل موقع :(
إضافة 2011-10-09
Eng Ahmed
7237

التعليقات

loleta1 2011-10-09
ههههههههههههههههههههههههههههه فعلا
أم العيال 2011-10-09
ومالو الكسكسي ياعم الباشمهندس .....؟
Eng Ahmed 2011-10-09
بهزر بس :( انا معرفوش اصلن بسمع عنه بس
زغباوية 2011-10-09
طيب شوفت بقة زدناك افادة اهوه وعرفت الكسكسي عن طريق الموقع ايه المشكلة بقى:(
Eng Ahmed 2011-10-09
المشكله ان احنا عايزين اعضاء اكثر ثقافه اكثر علما اى علم ( غير علوم الطهى اللى انتو كلكم امتياز فيها طبعا )
Eng Ahmed 2011-10-09
:(
زغباوية 2011-10-09
لا كدا انت واخد عننا فكرة غلط خالص هههههههههه كل واحد يزيد معرفة في تخصصه وزيادة عليها فى كل التخصصات يكون على علم بيها زى ماحنا عايزين نكون مثقفين في العلوم او نحب نزداد علما برضوا احنا مسئول مننا بيت وولاد عايزين نأكلهم اكل صحي ومفيد ونجددلهم باستمرار ودى وظيفتنا الاساسية وعايزين نعملها على اكمل وجه فبنسأل فيها ... حد عنده اعتراض؟؟؟؟:P
Eng Ahmed 2011-10-09
هوا حد يقدر بعد الكلام ده يقول حاجه :(
زغباوية 2011-10-09
ده غير التوفير وان الاكل نقلل شراه من برة علشان يكون صحي اكتر ونبعد عن الولاد المواد الحافظة والذي منه
loleta1 2011-10-09
أيوه يازوزو أي إفاده حلوه في جميع المجالات
زغباوية 2011-10-09
:(
زغباوية 2011-10-09
على فكرة الريس في الخطة الجاية هايعمل ان كل واحد عنده تصنيفات مفضلة له يشوفها ومايشوفش باقي المواضيع تقريبا كدا على مافهمت
Noura 2011-10-09
بس متبقاش تاكل منه:(
محمد عبد المنعم 2011-10-09
صح يا زغباوية
zedony.com - A mmonem.com production. عن زيدوني - Privacy Policy