هل المرض النفسي له سن؟

3
اقصد بسؤال الاطفال الصغيرين اقل من 3 اربع سنين ممكن يصابو بمرض نفسي انا لا أقصد العادات او السلوكيات يعني مش بتكلم عن الغيرة او العند او العصبية .

لأ بتكلم عن الخوف من شئ او من شخص او من مكان أو ان ذاكرة الطفل ترتبط بحادث معين تخليه يبقي منطوي او مكتئب او غير متفاعل مع اللي في سنة مثلا او حتي انه يحلم بالليل بما يقارب الكوابيس عند الكبار .

واذا ده حصل ازاي ممكن يتعالج مع مراعاة ان الطفل اللي بسأل عنه ممكن يكون في سن لا يستطيع الكلام او التعبير بدقة؟




 

إضافة 2011-09-22
غير محدد
تعديل 2011-09-23

التعليقات

محمد عبد المنعم 2011-09-23
سؤال جميل فعلا
Lady Rasha Reda 2011-10-15
سؤال مـــــــــــــــــــــهم
زغباوية 2011-10-16
+1

الإجابات

4
الاطفال ممكن يصابو بأمراض نفسيه زي الكبار لأن السن مش هو المعيار فكل واحد مننا بيتولد وعنده استعداد للمرض النفسي وظهوره أو عدم ظهوره بيعتمد على البناء النفسي للطفل وخصائص شخصيته والعوامل الوراثيه والبيئه(أساليب التنشئه الوالديه ونوع البيئه اللي بيعيش فيها الطفل)

الطفل ممكن يصاب بالاكتئاب أو القلق أو الهستريا وغيرها من الأمراض النقسيه وفي حالات كتير عالجها فرويد من ضمنها طفل عنده حالة فوبيامن الحصان جعلته يلزم المنزل وحالات تانيه كتير وفي منها موجود دلوقتي بنسمع عنهم من دكترتنا فالكليه
بالنسبه للعلاج هو ممكن لأن فيه معالجين نفسيين متخصصين بس في علاج الاطفال وهم ليهم أسلوبهم اللي يقدروا يعرفوا بيه المشكله فين غن طريق اختبارات نفسيه بنسميها اسقاطيه زي اختبار اسمه CAT اختبارات بتقوم على الرسم مثل اختبار اسمه KFD وغيرها من الاختبارات اللي مش لازم تعتمد على سؤال الطفل بشكل مباشر.
إضافة 2011-10-15
Hager
1080

التعليقات

الباشمهندسة 2011-10-15
تعرفي تجيبلنا عينات من الاختبارات دي عشان نتعرف عليها اكتر وكل واحد يحب يجريها علي اطفاله عشان يتاكد من صحته النفسية التي لا تقل عن الصحة البدنية في اهميتها
زغباوية 2011-10-16
+1
Hager 2011-10-17
للأسف مينفعش أي حد غير متخصص يطبق الاختبارات دي لأن لها معايير معينه في تصحيحها وتطبيقها وكمان في الشخص اللي بيطبقها.
الباشمهندسة 2011-10-17
يا خسارة كنت عايزة اطمن علي الصحة النفسية لابني عشان التاكد انه مش بيعاني من حاجات مستخبية وممكن تتراكم علي مدار السنين
zedony.com - A mmonem.com production. عن زيدوني - Privacy Policy