هو فى ايه ؟؟؟؟؟؟

7
منذ ساعتين تقريبا فوجئت بتجمهر كبير امام شارعنا تخيلوا امة لا اله الا الله فى الشارع تعرفوا ليه؟؟؟؟؟؟؟؟؟؟

بنت واحده شيلاها وبتجرى بيها والبنت بتصرخ وتقول مخطوفة مخطوفة الناس جريت ورا البنت عشان تنقذها والخاطف طلع من جيبه مطوه لتهويش الناس
المهم الناس تكاتفوا عليهوانقذوا البنت وقبضوا على الخاطف لقوها واحدة ست حلقة شعرها زى الرجالة سلموها لقسم الشرطة لكن ايه اللى حصل الله اعلم هيا مين الله اعلم
طب اعمل ايه ولادى مش هخرجهم الا معايا مفيش مشكلة طب والمدرسة هفضل مرعوبه وخايفة كل يوم 7 ساعات متواصلين ولا اعمل ايه
ولا اطلع ابنى جبان بيخاف من اى شخص
ولا احبسهم فى البيت
تفتكروا هنفضل فى الخوف والقلق دا لحد امتى ربنا يسترها يا رب

 

إضافة 2011-09-20
mora
6041
غير محدد

التعليقات

زغباوية 2011-09-20
+1
زغباوية 2011-09-20
ربنا يسترها بس على فكرة الموضوع ده من زماااان اوى مش مع الثورة بس هو زاد طبعا بس لو تقدرى تودى الولاد بنفسم وتجيبيهم بنفسك يكون افضل وطبعا تقريلهم قآن وترقيهم قبل مايخرجوا من البيت وربنا يحفظهم
mora 2011-09-20
والله عارفة يا رونة بس مع القلق والظروف اللى احنا فيها زادت المخاوف ربنا يستر
loleta1 2011-09-21
+1 العمل عمل ربنا واللي رايده هيكون أعملي اللي عليكي وتوكلي على الله
mora 2011-09-21
ونعم بالله
Noura 2011-09-21
ربنا يستر
الباشمهندسة 2011-09-23
فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ

الإجابات

7
والله انا عايز اقول حاجه مصر ده بلد الامن والامان فعلا ذى ما الدين بيقول لان ده لو حصل فى اى بلد تانيه كان زمان فيه بلاوى اكتر من كده واللى بيحصل دلوقتى اه فيه انفلاتات بس بنسبه بردو مش كبيره ولازم تحسسى ولادك بالامان ومتخوفهمش من حاجه لو لان اللى بيخاف فى زمانه ده ملوش مكان ولو انتى قلقانه عليهم انتى اطمنى عليهم من غير متحسسيهم ان فيه حاجه وحاولى تعليميهم بعض رياضات الدفاع عن النفس من وهما فى سن صغير
إضافة 2011-09-21
Eng Ahmed
7237

التعليقات

mora 2011-09-21
كان نفسى اعلمهم رياضة لكن نظرا لظروف البلد معرفتش خالص
زغباوية 2011-09-21
+1 اجابة حلوة جدا
ولازم نوعيهم انهم مايكلموش حد غريب ومايروحوش مع حد في اى مكان وكل النصايح دى ...
loleta1 2011-09-22
+1
zedony.com - A mmonem.com production. عن زيدوني - Privacy Policy