♥♥ القيصر والهضبة عمرو دياب .. بناديك تعالي 2011 ♥♥

1

 

إضافة 2011-09-20
MaDa
11058
غير محدد
تعديل 2011-09-22
MaDa
11058

التعليقات

shady 2011-09-20
+1
shady 2011-09-20
اظاهر هنا ما بيحبوش عمرو دياب
MaDa 2011-09-20
يعني الناس كلها بتنزل أغاني .. جت على أغنيتي انا ومعجبتش :) !!!!!
shady 2011-09-20
انا قولت اجبر بخاطر :(
shady 2011-09-20
بس دة ما مينعش ان عمرو جامد
MaDa 2011-09-20
ربنا يخليك يا شيكو :(
وبعدين عمرو ده أسطورة ومطربي المفضل .. قصة نجاح لا تتوقف :P
محمد عبد المنعم 2011-09-22
هو بقول كلام هايف أو على الأقل غير هادف ... وانتم تقولو ياسلام وتعطو له شهرة لا يستحقها أمثاله

يا رب أشوف فيه يوم ! هو وكل اللي زيه يا رب !
يا رب اهدي الشباب والبنات المرضى يتخلصوا من داء تبجيل التافهين دول !
محمد عبد المنعم 2011-09-22
بالمناسبة عشان الناس تاخذ بالها ... @MaDa كاتب عنوان المشاركة دي القيصر عمرو دياب ... وهو ما أثارني جدا جدا
MaDa 2011-09-22
مش كده خالص يعني انا مش باخده قدوة ليا او بفتخر بيه .. بس هو بيعجبني كمطرب وبيعجبني فيه نجاحه من اول ما ظهر وحفاظه عليه ..لكن في الأول وفي الآخر هو مجرد مطرب وليس قيمة او شخصية تاريخية .. والقيصر ده لقب فني زي اي لقب فنان بياخده .. الموضوع بسيط يا بشمهندس :(
محمد عبد المنعم 2011-09-22
للأسف أنا ليا عقدي برضه ... بس الحمد لله انها عقد ناحية الأشكال اللي زي دي ... على فكرة ... انت بعقليتك اللي احنا اتعرفنا عليها في الموقع تقدر تثبت ان 3 أرباع الكلام اللي بيطلع من بق هذا المغني التعبان كفته ولا لها أي معنى ... الموضوع موضوع تجاري بحت.

ويحضرتي هنا جزء من أغنية للمغني الفسفس مصطفى قمر بضرب بيها المثل بتقول:

أصدق عيونك لو ... تخلي القمر يحلو
قتحت العيون على الشوق ... ورميت الهوى في الجو
لو لو لو ... ألقاه في التو

يا سلام ! منتهى الإحساس ومنتهى الصدق في المعاني!

صوابع كـــفـــتـــه ياخواتي!
Noura 2011-09-22
ايوا يا مادا هو حلو بس الاغنية دي بالذات مش بيقول فيها غير كلمتين بناديك وتعالا فين باقي الاغنية ان شاء الله :P
محمد عبد المنعم 2011-09-22
كمان ... انا طبعا مسمعتش الأغنية ... أنا كنت بقول كده من توقعي ... الأغنية دي كمان طلعت تافهة ... منظرك بقى وحش قوي قوي يا MaDa
محمد عبد المنعم 2011-09-22
أيوه كده ... عايزين المشاركة دي تضرب الرقم القياسي في ال ناقص
loleta1 2011-09-22
ياساتر يارب في إيه لأ عمرو دياب فنان وبيختار كلماته كويس وبينوع ومتجدد وإن كان بيقع له أغنيه ولا أتنين ليه كتير أغنيات يترفعله فيها القبعه
ومعلش ياريس لوعمرو بيغني كفته ففي بلاوي زرقا بتغني بلوبيف بلوبيف وفيه اللي بيكتفي بالصورة
انا بقولها لحضرتك ولغيرك مش معنى إن ليه أغنية واقعه إنه كفته ومش لازم يغني ياليل ياعين عشان يبقى تحفه

ليه أغاني كتير حلوه قوي زي(ورجعت من السفر-أغيب أغيب -أيام وبنعيشها-حبيبي -ماتخافيش-أه من الفراق-تمللي معاك-الليلادي-نور العين)ده نور العين دي كسرت الدنيا لمانزلت وهي اللي خلتهم بره يعملوا جايزة موسيقية مخصوص للعرب وسموها(أرب ميوزيك أوورد) لأنه عمل أغنية تحفة شدتهم بره ونبهتهم أنّه في مزيكاوصناعة مزيكا عندنا معلش(عمرودياب )سواء بتحبّوه ولا لأ إسم يحترم في عالم الغناء حتى لوصوته مش قوي ذكائه وصله للي كتير من الأصوات المبدعة ماعرفوش يعملوه+1
زغباوية 2011-09-22
هههههههههههههههههه انت حفظت اغنية مصطفى قمر دى ازاى دى قديمة اوى وانا كنت شابة فى يوم من الايام وكنت بحب الاغاني دى جدا وللاسف كنت حافظة اغانيهم كلها وكانت ساعتها حلوة دلوقتى طبعا الذوق اختلف والعقل نضج بس برضوا اغانيهم بتاعة زمان حلوة دلوقتى
MaDa 2011-09-22
على فكرة عمرو دياب غير كده خالص وهو المطرب الوحيد دلوقتي في جيل الشباب برغم انه هيبقى عنده 50 سنة في اا اكتوبر اللي جاي هو الوخيد اللي بيغني أغاني تتسمع ومش مؤذية مش زي اللي بيطلعوا اليومين دول وده واحد اتربى على ايد عظماء الموسيق ويكفيه ان مكتشفه هو موسيقارالأجيال محمد عبد الوهاب وقاله انت حالة مختلفة عن اي مطرب عرفته وانه غنى لكبار كتاب وملحني الأغنية في الوطن العربي :(

مش معنى انه عمل أغنية البعض شايف انها مش حلوة برغم ان فيها ميوزيك تحفة يبقى هو مش كويس .. عمرو بيغني من سنة 1983 ولحد دلوقتي هو رقم واحد ومحافظ على نفسه ونجاحه .. وعلى فكرة دي حاجة كويسة ومفروض الشباب تتقضي بيه في النقطة دي وفي انه محافظ على صحته وانه وصل لسن الخمسين ومازال يتمتع برونقه وشبابه وصوته ومحافظ على نجاحه ولا يرضه عنه بديلا .. ده غير أراء فطاحل الغناء العربي فيه انه النجم الذي لم ولن يهوى زي كاظم الساهر وهاني شاكر ومحمد منير وأصالة وأنغام وكلهم بياخدوه قدوة ليهم في التزامه واحترامه لشغله

معلش انا طولت في الكلام بس انا بسمع عمرو دياب وبس في الجيل ده لأن مفيش حد يستحق يتسمع اوي الا قلائل .. وعلى فكرة انا عاشق لأم كلثوم وعبد الوهاب وفريد وفايزة وعبد الحليم وسيد درويش ومحرم فؤاد ومحمد قنديل ومحمد فوزي وغيرهم من العظماء .. لكن انا شاب وطبيعي اني اسمع اللي في سني برده فعشان كده اخترت الأفضل ومع عمرو كمان في مدحت صالح وعلى الحجار :(

على فكرة حضرتك جوعتني بموضوع الكفتة ده :D
zedony.com - A mmonem.com production. عن زيدوني - Privacy Policy