تبادل لعب الاطفال المستعملة ؟

5
بما ان الأطفال الصغار لا يدركون تماما الفرق بين اللعب المستعملة والجديدة فكل مايهمهم هوا الشكل والحجم واللون الغير معتاد حتي لو كان مستعمل فهل هي فكرة جيدة واقتصادية مع الحفاظ علي المعاير الصحية بالتنظيف الجيد لللعب ام هي غير صحية وغير مقبولة ... انا عن نفسي معنديش مشاكل اجيب لبنتي كدة بعد مااتاكد من النظافة التاااامة ؟

 

إضافة 2010-11-26
Nancy
561
غير محدد

التعليقات

منونه 2010-12-13
طب طالما انتى معندكيش مشاك...............
منونه 2010-12-13
تيمثاعه

الإجابات

3
اعتقد المشكلة هي حصولك علي لعب مستعملة صالحة اصلا لان العيل لما بيمسك لعبة في ايدة بتبقي فتافيت بعد مدة بسيطة جدا ساعات اللعبة ابقي مشترية لعبة جدبدة النهاردة وتتكسر في نفس اليوم او تتقطع لو قماش لان سن الاطفال اقل من 3 سنين بيبقي عندة ميول تخريبية للحاجة وغير مدرك لمعني المحافظة علي حاجاتة و لما بتعدي السن ده بيصبح الطفل واعي ومدرك هو عايزة لعبة اية ولونها اية وجديدة طبعا ولا يبقي يوم نكد .

لكن لو اتوفرلك لعب بحالة جيدة مفيش اي مانع من استعمالها.
إضافة 2010-11-28
1
اعتقد لو الاستعمال من حد انتى عارفاه يعنى اخواتك قرايبك اصحابك يكون افضل لان انتى مش عارفة مدى نضافة او اهمال الناس التانية او ايه الامراض اللى جت للطفل وهو ماسك اللعبة او وضعها فى فمه ممكن تبقى امراض معدية ومحدش اهتم بنظافة اللعبة وبالتالى تنتقل لطفلك لاقدر الله لكن اللى انتى عارفاهم عارفة مستوى نظافتهم وحرصهم أو لا وبالتالى تكونى مطمنة وعموما يوجد لعب غير مرتفعة الثمن
إضافة 2010-12-08
4
هو ممكن بس من الافضل ان تكون بعيدة عن البلاستك

لانه غلط على صحة اولادنا
إضافة 2010-12-13
safaa
50523
2
لو الطفل صغير مش هاتفرق معاه الشكل واللون اما لو كان كبير هايكون عايز يشترى اللعب بنفسه و يشترى الى على مزاجه بس
إضافة 2010-12-13
عمر
119

التعليقات

الباشمهندسة 2010-12-13
انا موافقه علي رأيك يا عمر بس ياريت الاولاد يبقي عندهم رحمه شويه ومايطلوبوش لعب غاليه.
منونه 2010-12-13
مافيش طفل رحيم فى الدنيا يا باشمهندسه
زغباوية 2010-12-14
لو اتكلمتو معاهم هايفهمو ان ده غالى او رخيص او حلو او وحش هايقتنعو وبعدين احنا اللى بنربيهم مش هما اللى هايربونا ويتحكمو فينا بس برضو من حقهم يلعبو
zedony.com - A mmonem.com production. عن زيدوني - Privacy Policy