جمعة الشعب يريد تغيير نفسه

3
وانا بفكر دلوقتى جه في بالى ليه مش نعمل مليونيه ونسميها جمعة الشعب يريد تغير نفسه

هننزل كلنا ف جميع المحافظات واى سلوك غلط في الشارع مش هنكست عنه
وكمان هتافتنا هتبقى عن مبادئنا واخلاقنا , لازم نعرف ان حتى لو مبارك اتعدم وده مش هيحصل , احنا مش هنستفاد حاجه ف بلدنا ساعتها .

احنا معطلين نفسنا انا عايز اعرف الاحزاب والجماعات اللى بتعمل مليونيه ليه مش بيفكرو ف التغيير بجد.

ماحنا بصراحه كلنا بنبص على بعض يعنى لو حد بيعمل حاجه غلط هتقوله , فيقولك ايه غير طيب ما الناس كلها كده .. ده على اساس ان الناس ملايكة نازلين من السما.

لازم نفوق بقى واحنا اللى نتغير لو النظام كله فاسد.

هنقول ان النظام الفاسد ده 20 مليون

في 60 مليون تانين لو عندهم مبادئ وقيم وسياسيه مبنيه على اسس هنفوق كل الدول المتقدمه ......

 

إضافة 2011-09-14
MaDa
11058
غير محدد
تعديل 2011-09-14
MaDa
11058

التعليقات

mora 2011-09-14
مفيش حد هيعمل كدا عارف ليه عشان المفهوم السائد دلوقتى ان الاعتصامات والمظاهرات هى اسهل الطرق للوصول للهدف والاحلى من كدا ما شاء الله التخريب والدمار النهب والسرقة السب والقذف يا ريت لو الانسان يبتدى بالتغير من نفسه اولا والله ما هيبقى دا حالنا قول يا رب يا رب يا رب
mora 2011-09-14
+1
loleta1 2011-09-14
+1 يامادا مش لازم نعمل جمعة للتغيير كل احد يتقي الله في عمله والدنيا هينصلح حالها
MaDa 2011-09-14
كلامك صح يا مورا انتي ولوليتا بس انا قصدي ان احنا بنتجمع عشان نخرب فيبقى الأحسن نتجمع عشان نصلح ونبني .. لما مليون واحد يتجمعوا ويبقى هدفهم اصلاح المليون دول هيحركوا ملايين وراهم لكن للأسف كل اللي بيتجمعوا عايزين مصلحتهم الشخصية وبس .. ربنا يجمعنا على قلب رجل واحد في الخير للبلد دي :(
mora 2011-09-14
وانا متفقة مع رايك يا مادا جدا ربنا يصلح حالنا عشان البلد حالها يتصلح والله بلدنا حلوة قوى وجميلة جدا يا رب احميها
MaDa 2011-09-14
يارب يا مورا :(
loleta1 2011-09-14
وانا كمان أويد بس مش عارفة لية الشباب مابيتجمعوش إلا على الأذى وبيستخسروا جهدهم في الخير يلا ربنا يهدي الجميع ويرحم بلدنا
MaDa 2011-09-14
يارب يا لوليتا :(
zedony.com - A mmonem.com production. عن زيدوني - Privacy Policy