خدوا بالكم يا ستات مصر

4
ومع اني مش قادرة اكتب حاجات كتير بس بجد الحادثة دي خلتني احذر بها كل ست و كل رجل ودي حصلت بجد لاخت جارتي الشقيقة (ما قرتهاش على النت لأ سمعتها دلوقتي من جارتي )
كانت راجعة من البنك بتقبض المرتب وهي واقفة مستنية تاكسي لقت واحدة ماشية ومعاها كيس جوافة مقطوع والجوافة بتوقع منها المهم ان الست وقفت وطلبت المساعدة من طنط اخت جارتي وطنط ما اتأخرتش عن المساعدة ولقيت متطوعة تانية جاية تتبرع بإرادتها وتلم معاهم وكانت طريقة مساعدة طنط انها ماسكة الكيس اللي بيحطوا فيه الجوافة ولما خلصوا الاتنين شكروا طنط وودعوها وهي راحت شغلها.المهم بتطلب طلب من الساعي وبتشاور بإيديها وتفاجأ ان خوايشها الذهبالتلاتة اللي في ايديها من سنين طويلة قوي اختفوا ازاااااااااااي ده لسه كانوا في ايديها لما خرجت من البنك -----طبعا فداها----- اصل الهوانم عملوا كده بقصد السرقة وكانت الضحية طنط يا عيني عليها
ودي طريقة شبيهة بالتحذير اللي كان كتبه عمو من فترة
واللي حصل شئ شبيه قوي ليه مع زوجي ربنا يستر-- بجد بيحرمونا نفكر نساعد حد في الشارع
ينفع كده يا مصر
ووووووووعجبي


 

إضافة 2011-09-14
غير محدد

التعليقات

safaa 2011-09-14
ولاد الايه الحرامية دول يبتكروا حيل جديدة للسرقة...ربنا يسترها
MaDa 2011-09-14
استرها يا رب
mora 2011-09-14
المشكلة ان فى ناس فعلا تستحق المساعدة لكن الواحد بقى يخاف فعلا من كل حاجة فى البلد +1
mora 2011-09-14
انا اعرف بقى واحدة كان معاها شتطة ايد كبيرة وست شيك جدا الحرامية هددوها رمتلهم شنطة ايدها وخلعت الخواتم والغوايش من ايدها بسرعة وجريت لكن تعرفى ايه اللى حصل الشنطة كان فيها مبلغ صغير والدهب كان دهب صينى طبعا الحرامية خدوا مقلب كبير فى طريقة اللبس الشيك والشنطو والدهب الكتير يستهلوا
MaDa 2011-09-14
هههههههههههههههههههههه والله جدعة :D
الباشمهندسة 2011-09-14
الدينا مبقاش فيها امان .... الواحد لازم يعد صوابعة بعد مايسلم علي حد (ست طبعا) :(
zedony.com - A mmonem.com production. عن زيدوني - Privacy Policy