18 و 81 ؟!

4
من زمان وانا كل ما أبص في إيدي وأشوف الخطوط اللي فيها وخصوصا الخطوط اللي بترسم رقمي 18 في اليد اليمنى و 81 في اليد اليسرى كنت بقول سبحان الله وبسأل نفسي ايه دي .. لما سألت الأساتذة في المدرسة اللي قالي دي بصماتك واللي قالي دي مجموعها 99 يعني أسماء الله الحسنى ... إلخ

ياريت اللي عارف المعلومة يقولها بدقة ويذكرلنا المصدر

 

إضافة 2011-09-12
MaDa
11058
غير محدد

التعليقات

safaa 2011-09-13
اول مرة أخذ بالى ...فعلا كلامك صح+1 ربنا يسهل ونلاقى اجابة

الإجابات

2
هي تقسيمات متماثلة في الكفين بتساعد علي المرونة مش اكتر عشان اليد تؤدي وظيفتها في التحكم في الاشياء بكفاءة .... ده كلام دكتور سمعته قبل كدا وليس لها معني محدد او حتي فكرة 18 و 81 كما هو متداول


بمعني اخر حسب مافهمت دي افضل تقسيمة للكف لأداء وظيفته


والله اعلم
إضافة 2011-09-12

التعليقات

MaDa 2011-09-12
+1 كلام جميل ومقنع .. بس نقطة 18 و 81 دي موجودة في كل أيادي البشر .. في ايه الحكمة منها ؟
3
18+81تساوى99 اى اسماء الله الحسنى
لكن ملحوظة مهمة لو رقم 8 فى كلتا اليدين مغلق يبقى هتتجوز احد اقاربك ولو ال8 فى كلتا اليدين وفتوحة يبقى هتتجوز حد غريب اى مش من الاقارب هذا بالنسبة للرجل او المراة
انا سمعت المعلومة دى وجربتها فيمن اعرفه من الاقارب لقيتها بجد
طبعا دى ممكن متكنش حقيقة بص انا لقيتها فى ناس كتير
إضافة 2011-09-13
mora
6041

التعليقات

MaDa 2011-09-13
+1 معاكي في موضوع أسماء الله الحسنى .. لكن موضوع الجواز ده مش مقتنع بيها خالص .. انا مثلا ال 8 في ايدي مقفولة ومن رابع المستحيلات اني اتجوز من قرايبي بس :D
mora 2011-09-13
ماهو دا كلام مش مسلم بيه ولا حاجه وبعدين الغيب فى علم الله
mora 2011-09-13
كمان يا مادا منذ لحظة الولادة وربنا كاتب اسمنا اللى هنتسمى بيه وعمرنا اد ايه وهنعيش كام سنة وهنتجوز مين وهنخلف كام وهنموت امتى ودا كله فى علم الله وحده طبعا معايا فى الكلام ده
MaDa 2011-09-13
اكيد طبعا معاكي حق يا مورا .. :(
الباشمهندسة 2011-09-13
ياجماعة موضوع 18 و 81 ليس لها اي اساس ولا اثبات بدليل ان المسلمين والمسيحين واليهود كل الناس عندهم نفس التقسيمة ومن قبل الاسلام ومنذ بداية الخليقة .... لازم نوسع افاقنا ونقول دي تحليلات واجتهادات من ناس زمان واتنقلتلنا زي ماهي بدون وعي او تفكير
MaDa 2011-09-13
تمام
zedony.com - A mmonem.com production. عن زيدوني - Privacy Policy