رشد.....وفر...... انتج

5
دى حملة او مبادرة بفكر فيها من فترة
والفكرة ان احنا:

نرشّد استهلاكنا فى كل شئ زى الماية زى الكهربا زى الأكل اللى بيترمى كل يوم

ونوفر ونقلل الاستهلاك والجرى ورا كل ماهو جديد ومانشتريش الا مانحتاج

وننتج ولو الحاجات البسيطة زى لبسنا - نزرع خضروات بسيطة

عايزة رأيكم وعايزة تفاعل وأفكار

 

التعليقات

محمد عبد المنعم 2011-09-08
100 100 يا زغباوية
الاستاذة 2011-09-08
يا عيني عالافكار
+1
محمد عبد المنعم 2011-09-08
طول عمرك وطنية يا زغباوية
الباشمهندسة 2011-09-08
فين ياستي الارض اللي هنزرعها عشان ننتج؟؟

بالنسبة للترشيد ده بيرجع لكل واحد وسلوكة يعني بالنسبة ليكي واحد ممكن يكون بخيل في اداؤة وفي نظر واحد تاني يبقي مبذر ولكن كل واحد دليل نفسه وهي فكرة حلوة ان الواحد يقلل اقصي حاجة عنده.

كلام بدون تخطيط وافكار مدروسة يعتبر كلام في الهوا او احلام ....
زغباوية 2011-09-08
ماهو علشان كدا انا بقول عايزة تفاعل علشان نطلع بخطة يعنى انا جبت الفكرة ولاحظى لو انا لوحدى بعد كام يوم هانسى ومش هاكمل فعايزة حد يخطط معايا ونكون فريق مشترك حد يعمل خطة بحث وواحد عنده معلومة او واحد عنده خبرة فى ااى مجال يقولهالنا كدا يعنى وندعم ونشجع بعض ويكون زيدونى صاحب مبادرة مدروسة وقوية ومفيدة للتنمية وننشرها للناس كلها

وبالنسبة للارض ياباشمهندسة انتى ممكن تزرعى فى بلكونتك حاجات بسيطة زى البقدونس والنعناع والجرجير فى صناديق خاصة بالزراعة ولو حد عنده سطح يزرع فيه والفكرة دى قتلت بحثا
زغباوية 2011-09-08
شكرا ياريس
MaDa 2011-09-09
+1 هايل اوي انا ممكن اساعدك ونبدأ الحملة من هنا وانا من خلال الفيسبوك ومن خلال الكلية و الجامعة خصوصا ان الدراسة هتبدأ وان شاء الله هتلاقي تفاعل كبير جدا من الشباب :(
زغباوية 2011-09-10
اخيرا لاقيت حد يشجعنى
ماشي يامادا عايزين افكار وانا عندى كام فكرة كدا هاحاول احطها بس لما حد تانى غيري يبدأ
MaDa 2011-09-10
اوك
زغباوية 2012-02-18
فين الخطط يامادا

الإجابات

2
الترشيد خطوة مهمة ودي لن تنتج الا من تصليح سلوكيات الناس كل واحد لازم يعرف ان المياه من الثروات الطبيعية الي لازم نحافظ عليها في بلاد كتير بتعاني من نقص شديد في مصادر المياه واولهم طبعا الصومال وطبعا في ابحاث ودراسات كتير بتقول ان مستقبلا هيبقي فيه نقص شديد في المياه في مناطق كتير في العالم عشان كدا لازم نبدأ من ديلوقتي في تغيير سلوكياتنا في استخدام الميه نبدأ بنفسنا الاول وبعدين نصحح من الاخرين.
انا بحثت ولقيت شوية ارشادت لو اتبعناها ممكن نوفر ميه كتير:

-ضع في منزلك ملصق واضح وله معنى سامي امام جميع الصنابير يذكرك وافراد العائلة بترشيد المياه. (الماء= الحياة ، لا تسرف ولو كنت على نهر جار، لماذا الاهدار؟ ، الماء نعمة وفقدة نقمة، وغيرها من العبارات ..)
تذكر ان اكثر كمية تستهلك المياه في المنزل هي سيفونات الحمامات (حوالى 40%) لذا قلل من كمية المياه الموجودة بداخلها إذا كانت من النوع كبير الحجم وذلك بوضع كيس مملوء بالماء او حجر وذلك لازاحة كمية من الماء للازم للتنظيف.

-المطبخ ثاني موقع في إستهلاك المياه بعد السيفونات، أعمل على تقليل تدفق المياه بغلق المحبس السفلي جزئيا والذي يقع عادة اسفل حوض الغسيل وركب تحويلة في طرف الصنبور لضبط التدفق (معظم الخدم يأتون من بلاد غنية جدا بالمياه ومعظمهم غير متعلمين لذا عليك بتوعيتهم وتنبيههم للحفاظ على المياه)
إستخدم المروش (الدش) بدلا من المغطس. وإستخدم المراوش الحديثة التي توفر المياه.

-عود نفسك على الاستحمام خلال مدة قصيرة (توفير ماء ، ووقت)
إستخدم الغسالات التي تعبئ من الجانب. وتاكد من وضع كمية كبيرة من الملابس في كل مرة. (توفير ماء، منظفات، كهرباء،وجهد ووقت)
في حالة إستخدامك غسالة صحون، حاولي ملئها بالصحون على مدار اليوم وتشغيلها في اخر اليوم (توفير وقت وماء وكهرباء وزيادة في عمر الغسالة)
أعمل على إصلاح التسربات باسرع وقت (معظم التسربات تحتاج جهد قليل وتوفر الكثير من الماء بشكل لا يتصوره الكثير).

-قلل من تدفق المياه في مغاسل اليدين أو ضع محول على رأس الصنبور لتقليل تدفق المياه.

-أغلق الماء أثناء تفريش الاسنان أو الحلاقة وإستخدم كاس به ماء أو قلل بشكل كبير من تدفق المياه.

-ضع إناء فارغ تحت الصنبور لجمع النقاط وستلاحظ إمتلائه بعد ساعات قليلة.
لا تستخدم الماء الجاري لغسل السيارة ، يمكنك إستخدام سطل (جركل) لهذا الغرض.

-إستخدم نظام التنقيط لري المزروعات بدلا من الغمر.

-ناقش أطفالك واقنعهم بالحجة بأهمية الماء ومن اين ياتي وضرورة توفيره والحفاظ عليه ( العلم في الصغر كالنقش في الحجر).

-إجعل نفسك قدوة للاخرين ، واجعلها جزء من شخصيتك بتوفير الماء.

ماذا تستفيد في نهاية المطاف، اولا لن تخسر شئ ، ثانيا تساهم في الحفاظ على المياه للاجيال القادمة، وتحافظ على البيئة وتكون عنصر إيجابي في المجتمع.

وعلي فكرة الترشيد ضروري كمان مش بس في المياه لا كمان الكهربا والطاقة وحتي في الفلوس لازم نتعود علي الاعتدال.
إضافة 2012-02-17

التعليقات

الباشمهندسة 2012-02-17
زغباوية 2012-02-18
ايه ده انا كنت نسيت الموضوع:P شكرا جدا ياباشمهندسة
الباشمهندسة 2012-02-19
اي خدمة اهو بفكّرك وبنتعلم حاجة جديدة يمكن تنفعا وتنفع غيرنا ...
انا فعلا معجبة بفكرة الكيس المليان في السيفون بس عايزه اجربها تقنيا عشان اتأكد لانها ممكن تبقي بديل لاختراع صندوق الطرد اللي بيعمل نص وكامل
zedony.com - A mmonem.com production. عن زيدوني - Privacy Policy