ينفع تغيير النية ؟

4
ساعات الواحد وهو واقف يصلي فرض يتذكر انه لم يصلي السنة القبلبة مثلا او انه كان داخل بنية فرض العصر ولكن وقتها هي صلاة الظهر او نوي يصلي سنة واكتشف انه صلاها ....

فها ينفع انه اثناء الصلاة يغير نيتة من فرض لسنة او من سنة لفرض ويكمل بالركعات المطلوبة ويسلم عادي او مثلا يسجد سهو ولا ايه يعيد بنية جديدة ؟؟؟

 

إضافة 2011-09-04
غير محدد

التعليقات

زغباوية 2011-09-04
+1

الإجابات

5
انا سالت بابا وقالى مينفعش تغيرى النيه ولكن تكملى صلاتك عادى وبعد كده تبدأى صلاه جديده بنيه جديده والله اعلم
إضافة 2011-09-05
Reem
1722

التعليقات

MaDa 2011-09-05
+1
زغباوية 2011-09-05
حلو جدا الله اعلم
الباشمهندسة 2011-09-05
حلو ان السؤال استفزك ورحتي تسألي باباكي علي الاجابة .... وهي دي الروح المطلوبه البحث ثم البحث حتي الثماله :(
Reem 2011-09-05
اه انا كمان بجد كنت عايزه اعرف اجابته عشان كده سالته
الباشمهندسة 2011-09-05
بدون احراج ولا تسيح ولا زعل .... ليه مادتيش السؤال +1

شوفتي ظبطك ازاي :( :( :( :( لا طبعا براحتك المهم عندي تكوني استفدتي معلومة جديدة وخاصة ان اجابة مادا تحت حلوة ووافية.
MaDa 2011-09-05
ههههههههههههههههههه اتعدت مني .. معارف بقى :D:P
Reem 2011-09-05
معلش والله نسيت مكنش قصدى خالص
5
القاعدة الفقهية بتقول الآتي :

"تغيير النية إما أن يكون من معيَّن لمعيَّن ، أو من مطلق لمعيَّن.. وهما لا يصحان كما ثبت عن الرسول صلى الله عليه وسلم أما تغييرها من المعين للمطلق فهو صحيح ولا شيء فيه "

من معيَّن لمعيَّن :
---------------------
أراد أن ينتقل من سنة الضحى إلى راتبة الفجر التي يريد أن يقضيها ، كبَّر بنية أن يصلي ركعتي الضحى ، ثم ذكر أنه لم يصل راتبة الفجر فحولها إلى راتبة الفجر : فهنا لا يصح ؛ لأن راتبة الفجر ركعتان ينويهما من أول الصلاة .

كذلك أيضاً رجل دخل في صلاة العصر ، وفي أثناء الصلاة ذكر أنه لم يصل الظهر فنواها الظهر : هذا أيضاً لا يصح ؛ لأن المعين لابد أن تكون نيته من أول الأمر .

وأما من مطلق لمعيَّن :
----------------------------
فمثل أن يكون شخص يصلي صلاة مطلقة - نوافل - ثم ذكر أنه لم يصل الفجر ، أو لم يصل سنة الفجر فحوَّل هذه النية إلى صلاة الفجر أو إلى سنة الفجر : فهذا أيضاً لا يصح .

أما الانتقال من معيَّن لمطلق :
-----------------------------------
فمثل أن يبدأ الصلاة على أنها راتبة الفجر ، وفي أثناء الصلاة تبين أنه قد صلاها : فهنا يتحول من النية الأولى إلى نية الصلاة فقط .

ومثال آخر : إنسان شرع في صلاة فريضة وحده ثم حضر جماعة ، فأراد أن يحول الفريضة إلى نافلة ليقتصر فيها على الركعتين (ثم يصلي الفريضة مع الجماعة) فهذا جائز ؛ لأنه حوَّل من معين إلى مطلق .

أي أن:
-----------
من معين لمعين : لا يصح .
ومن مطلق لمعين : لا يصح .
من معين لمطلق : يصح .


المصادر:-

- كتاب فقه السنة للشيخ الجليل سيد سابق رحمه الله

- مجموع فتاوى الشيخ ابن عثيمين


الراتبة: هي السنة المرافقة للفرائض كسنة الظهر القبلية وسنة الصبح وسنة الفجر وهكذا وقد ثبت عنه صلى الله عليه وسلم ما يدل على أنها اثنتا عشرة ركعة في اليوم

إضافة 2011-09-05
MaDa
11058

التعليقات

Reem 2011-09-05
برافو عليك يا محمد هو ده المفيد
MaDa 2011-09-05
لو في أي استفسار او حاجة مش واضحة اسألوني وانا هجاوبكوا بإذن الله :(
MaDa 2011-09-05
ميرسي :(
زغباوية 2011-09-05
ايوة طبعا كلها استفسارات عامل زى بعض امة المساجد اللى بيخطبوا الجمعة بكلام عربي فصيح من السيرة واغلب الناس مش بتعرف تقرا وتكتب اصلا فمش فاهمين حاجة

اولا: ما هى راتبة الفجر؟
ثانيا: ماهو المعين ؟
ثالثا: ماهو المطلق ؟
براحة كدا وعلى ادنا ياعم مادا
زغباوية 2011-09-05
واصلا +1 وكمان الف شكر على المصدر
MaDa 2011-09-05
اقري تاني الكلام بتركيز وهتفهمي معنى المطلق والمعين بكل سهولة :(
ولو المعنى موصلش انا هشرحهم :(
زغباوية 2011-09-05
المعنى وصل بس بعد تعب شوية يعنى عايزين نبسطها للناس
الباشمهندسة 2011-09-05
الف شكر ....+1
بس اعتقد من واقع اجابتك تبقي كدا في حاجة غلط في تاني سطر في الاجابة.
بص كدا عليه
MaDa 2011-09-05
انا فاهم حضرتك وكويس انك لاحظتيها .. ده جزء من القاعدة وهذا الجزء يبين التصنيف فقط وليس شرح او توضيح للقاعدة الفقهية لكن شرح القاعدة بالتفصيل موجود بعدها .. يعني انا مقلتش القاعدة كلها .. هعدلها دلوقتي عشان ميحصلش لبس عند الناس :(
زغباوية 2011-09-05
يعنى كان فيها حاجة مش متوضحة كويس دانا قولت العيب فيا
MaDa 2011-09-05
معلش عندي انا دي .. انا كتبت جزء من القاعدة وكملتها بعد كده بالتفصيل بس أغفلت المعنى العام :(
الباشمهندسة 2011-09-05
ايوه كدا المعني اتظبط
zedony.com - A mmonem.com production. عن زيدوني - Privacy Policy