يا من يسرى بى دماك...

8
يامن يسرى بى دماك...
القمر ينادينى... والشمس تكشف عن حنينى... فانت حبى الوحيد وهذا يقيينى...
لا ارى فى ذلك شك حتى مع مرور سنينى... فانت نور عينى ...
واعلم انك يوما ستاتينى ...لتكشف عن حنينك الى وتنادينى ...بصوتك العذب
الذى الان يجافينى ...ويتهمنى ويقول لى لا انك لا تحبينى ....وانا اتمزق
من كثره شوقى وحبى لمن يجافينى ...
يا من تجافينى يا من احبك من كل قلبى وروحى.... يا من لا احب سواك ...
فانا كلى لك وفداك ...وساقضى عمرى كله معاك... فانا اموت فيك من كل قلبى واهواك ...فقلبى شاطؤك ومرساك ...فانت جزء من ذاكرتى وتملؤها ذكراك ...
فانت ماضيى وحاضرى وطالما حييت لن انساك ...
فانت فى قلبى وعينى ملاكى ورورحى فداك

 

إضافة 2011-09-03
anos
240
غير محدد
تعديل 2011-09-06

التعليقات

safaa 2011-09-03
اية دا كلة انتى شاعرة ياانوس...كدة بقى عاوزين مكتشفين للمواهب
على الموقع...اهلا بك ياانوس ...نورتينا +1
loleta1 2011-09-03
+1 جميله قووي ياأنوس بس بماإني شاعرة برضة ليا نقد صغنن قوي هو أنك مخلطة الفصحى على العامية وده بيقلل شويه من قيمةالكلمات لكن لوفصلتيها وخصصتيها تبقى حلوة كتيير وياريت تزيدينا وأهلا بيكي معانا
safaa 2011-09-03
لا بقى وبجد... دا انتم كدة عاوزين مكتشف للمواهب وكمان معانا على الموقع الشاعرة ريم..ربنا يزيد ويبارك
loleta1 2011-09-03
والله ياطنط انا طالبت من بدري بأضافة تصنيف مواهب وخاصة الشعر بس الريس مضغوط شوية وانا وراه لحد مايعمل كده
زغباوية 2011-09-03
+1 على الشعر وعلى اول مشاركة ليكى معانا ياأنوس
زغباوية 2011-09-03
بس كدا تقريبا عرفتك انت صاحبة ريم صح ولا شكى مش فى محله
safaa 2011-09-03
خليكى وراة يالولو واوعى تسيبية ..بس يارب تفتكرونا بعد كدة
anos 2011-09-03
انا المهندسه ايناس صاحبه ريم يا جماعه واللى ريم كانت بتزله ليكم هو الشعر بتاعى وعجبنى ارائكم علشان كده انا اشتركت وان شاء الله اللى هنزله واللى جاى احسن كمان
زغباوية 2011-09-03
يبقى شكى طلع فى محله واهلا اهلا بيكى فى موقعنا وبيتك الجديد زيدونى ودا ترحيب علشانك من العضوة صفاء اللى هى مامتى:
[ __مشاركة محذوفة__ ]
safaa 2011-09-03
ان شاء الله واهلا بك مرة ثانية ياباشمهندسة... نورتينا انتى وريم
على فكرة ريم من الاعضاء النشيطة عندنا ومن اول مقالة كتبتها دخلت فيها المسابقة..
الباشمهندسة 2011-09-04
طيب كنتي مستخبية ليه يا انوس .... حد يبقي عندو المواهب الحلوة دي كلها ويداري .... عموما احنا في انتظار كل جديد منك.

مرحبا بيكي و +1 علي الاشعار الجديدة
wael pauomi osman 2011-09-04
شغل عالى يا انوس
wael pauomi osman 2011-09-04
ده احلى سطر فى القصيده يا عم
anos 2011-09-05
استاذ عبد المنعم الطبيعى انى بحترم النقد ومش بزعل منه نهائى وده رايك وانا بحترمه بس اسمحلى اوضح انا كاتبه تزوجت او بقيت عذراء اهواك ده مش معناه الخيانه فى حاله كونى متزوجه ولكن الانسان بطبيعته مش بينسى حبه الاول وده مجرد تعبير منى عن كده ومش شايفه انه فيه خروج عن الاخلاق والا مكنتش كتبته من البدايه وعايزه اعرف بردو حضرتك فهمته ازاى...
عبد المنعم 2011-09-06
انت عارفة ان الله يعلم السر واخفى .. ويعلم ما تخفى الصدور ..فالاحسن نعمل دليت مش نعمل سيف .. ما دام ان الانسان قد ارتبط بزوجه .... مستنى تعليق تانى لو اردت..
محمد عبد المنعم 2011-09-06
عاجبني جدا جدا جدا الحوار ده ... تبادل المفاهيم شيئ مهم جدا ... اتمنى من الجميع الحفاظ على موضوعية الحوار ومنطقيته بدون حد ما يزعل
safaa 2011-09-06
من غير نق ولا حاجة ...بسم الله ماشاء الله من أول مقالة لكى يا انوسة أخذتى 8 نقط يعنى دخلتى المسابقة وبجدارة...بارك الله فيكى
anos 2011-09-06
ميرسى جدا يا صفاء
anos 2011-09-06
استاذ عبد المنعم انا هرد اكيد على حضرتك المشاعر شىء خارج تماما عن التفكير بالعقل ولو حكمنا العقل اكيد رايك هيكون صح لكن بالمشاعر راى صح وعمر ما حد هيحب ابلعقل ولا ايه ؟ والا ميكنش حب تكون صفقه انا بحترم رايك جدا لانه دينى طبعا وعقلانى جدا لكن الانسان ميقدرش يتحكم فى مشاعره او ينسى حب ليه بسهوله وده اللى بكلم عنه واحب اسمع راى حضرتك فيه...
safaa 2011-09-06
بجد احنا بنحبك ياانوسة
محمد عبد المنعم 2011-09-06
أنا شايف ان الإنسان مفروض عليه انه يسطر على مشاعره ويكبح جماح نفسه حتى لو كان هناك مليون ضامن ان محدش هيعرف أو حتى هيبان عليه لحد ما يموت

وده مش معناه ان الإنسان يبقى آلة وبدون مشاعر طبعا

أنا بعتبر ان السيطرة على المشاعر جزء لا يتجزأ من رقي النفس البشرية ... يعني كل ما المشاعر بيتم السيطرة عليها وهي لسة في اللفة في أعماق أعماق القلب ... كل ما الأنسان بيزيد سمو

كمان أنا عندي قاعدة بحبها وأطبقها وهي سهلة جدا جدا ... الحاجة اللي محبش الناس تعرفها عني محبش أسيبها جوايا ... لازم أسيطر عليها لحد ما تخرج من جوايا إلى الأبد

لأن المشكلة اننا لو فتحنا الباب شوية وقلنا طالما محدش هيعرف اللي جوايا أعيش وأحلم وأحس زي ما أنا عايز ... 500 مليون احساس ومشاعر ممكن يبقى لها وجود ... منها طبعا بالإضافة إلى المشاعر اللي بنتكلم عنها هنا ... الغيرة والحقد والحسد والإنتقام والكبر ....
أوبه ... دول طلعو أكثر من 500 مليون

محتاج تعليق
محمد عبد المنعم 2011-09-06
نا حاسس إن كل اللي كتبنه في التعليق اللي فات ده هو روح تعاليم كل الأديان
زغباوية 2011-09-06
كلام تستاهل عليه +1 وبالاضافة ليه طبعا اذا ماسيطرش الانسان على نفسه وطوعها لصالحه ولواقعه وانه يتعايش مع هذا الواقع حتى لو كان مش عاجبه هايحصله امراض نفسية كثيرة منها الاكتئاب والتقوقع مع نفسه والانطواء والعزلة وهايكون مصيدة او فريسة للشيطان انه يلعب بيه زى مايحب ويشكله حياته
وياسلام فعلا لو حاول يغير من تفكيره ويعيد النظر فيه ويسعد نفسه بواقعه ومايفكرش فعلا فى الماضي بس يفكر فى الحاضر وكيف يسعد بيه
زغباوية 2011-09-06
لازم الانسان يكون قوى جدا واهم حاجة يكون قوى على نفسه ويسيطر عليها ومايسبهاش تسيطر عليه
محمد عبد المنعم 2011-09-06
100 100 يا زغباوية
عبد المنعم 2011-09-07
انوس : الحالة الشعرية اللى انت فيها دى اغلب الناس بتمر بيها فى فترة ما من مجريات حياتها ..يعنى مش حالة غريبة ولا هى مخزية ... انا شخصيا مريت بيها زمااااان قوى ... وكان الكون كله مقفول من حوالى الا شباك واحد صغير بتبصلى منه بنت .. زى القمر .. زى الورده .. زى النسمة .. زى الغزال .. الى اخر المرادفات الممكنة ... حليت مشكلة مشاعرى ازاى بقى ؟ .. قعدتين تلاتة مع نفسى فى تلات حالات مزاجية مختلفة ... فاكتشفت ان الانسان هو الذى يصنع اوهامه الخاصة .. ويظل يغذيها بما يزيد اشتعالها .. واكتشفت ان فراغ الوقت والدماغ والنفس هم الاسباب الرئيسية فى هذا الهوان النفسى المكبوت ... بدات اشغل نفسى بالقراءات الفكرية والفلسفيى الجادة اللى تاكل الدماغ .. وقربت بكل عزيمة من الدين .. وبقيت اهد حيلى فى التربية البدنية واليوجا .. وغيره وغيره ... وبطلت اسرح فى الخيال لان معديش وقت .. خدت معايا حواى شهرين ... بعدها تاكدت ان الكون مفتوح .. وكمان بيتسع اكتر واكتر .. وان الشباك كان عبارة عن خرم انا اللى عملته فى وجدانى .... وبسرعة لقيت نفسى باضحك على اللى عملته فى نفسى ... وتوتة توتة خلصت المشاعر اللى كانت ملتوتة ...
محمد عبد المنعم 2011-09-07
بعد تعليق عبد المنعم الأخير ده ... دلوقتي أقدر أقول ان زيدوني.كوم جاب أول ثمره حقيقية ... طازة ومسكرة وصحية ومفيدة جدا جدا
محمد عبد المنعم 2011-09-07
أيها العضو عبد المنعم .... لا تتوقف عن كتاباتك ويا ريت تاخد كلامك الجميل اللي هنا وتجمعه في شكل مقالة وهتشوف أنا هدعمها إزاي
loleta1 2011-09-07
معلش ياجماعة مع إحترامي للجميع ولكل اللي إتكتب سابقا وهو سليم 100 %بس أرجع وأقول إحنا بشر مش ملايكة يعني بنغلط مش مثاليين وصوابعك مش زي بعضيها يعني ياسلام لو كل واحد فينا قدر يتغلب على المشاعر اللي جواه ويغلبهافي وقتها بس مش كلنا بنعرف نعمل كده الدنيا فيها وفيها
انا شخصيا هألخص تحليلي للموقف في 3أوقات:الأولى هي وقت حالةالحب نفسها ساعتها مراية الحب بتبقى عامية وبتخللي الكوسة بامية والعقل بيترمي ورانا وبرضاناوبكامل تعمدنا
ثانيا:مرحلة مابعد الفراق أو الجفا أو أو أو هنا برضه مشاعر الإنسان بتبقى غالباه وبيحس زي ماكتبت أنوس إن الدنيا إنتهت وأنه ضاع وأنهار وإنه عمره ماهيقدر ينسى أو يوصل للإحساس ده مره تانيه وبيكون ساعتها ناقم على الدنيا واللي فيها وبيعاني من ألم نفسي رهيب لايسمح بتدخل العقل فيه
المرحلة التالته:هي مرحلة تدخل العقل بقى ساعتها الواحد بيعالج نفسه ويرمم نفسيته وبيفنط ذاكرته وإحساسه ويرمي المؤذي ويسيب السليم وبيبدأ صفحة جديدة من حياته وبيتعلم من غلطة وبيقول إيه السذاجة اللي كنت فيها دي

الشخص واحد بس نظرته للأشياء مختلفه في الثلاث حالات وانا كشاعرة لو كتبت شعر في كل حاله هأكون مختلفه في رد فعلي ووصفي لمشاعري
عشان كده أرجع وأقول الفن مش مثالي لازم يوصف كل حالات الإنسان مهما كانت بشعة بدون أبتذال المهم هو المناقشة للعمل الفني والخروج منه بعبرة لمن يعتبر

loleta1 2011-09-07
يعني ده عمل فني مش مطلوب منه يكون مثالي مدام مش مبتذل
loleta1 2011-09-07
لكن من حق الكل ينقده ويفهمه بطريقتة ويناقشه ونخرج بالمفيد بدون تغيير للعمل الفني نفسه
محمد عبد المنعم 2011-09-07
تحليل معقول من loleta1 لكن بشكل عام الفن لا يجب إنه يوصف كل حالات الإنسان وخلاص.

الفن لازم يكون له هدف وهو الرقي بالنفس البشرية.

أي عمل فني لا يرتقي بالنفس البشرية لا يجب اننا نسميه فن أساسا ... ممكن نسميه إفراز إنسان موهوب مثلا ... زي مثلا الرسام المحترف اللي رسم صورة بشكل إحترافي هايل لكن لشيئ بشع مقزز ...

طبعا لا أقصد شعر anos اللي مكتوب هنا من قريب أو من بعيد
loleta1 2011-09-07
ماهو الناس نظرتها للشيئ بتختلف يعني اللي انا شايفاه بشع غيري يحبه جدا ولولا إختلفت الأذواق
أما الرقي بالنفس الإنسانيه بيحصل بنقد العمل الفني والحوار حواليه وعن مكوناته وتفصيصها بحيث الكل يقول وجهة نظره وتبقى شرح تفصيلي للعمل يعني مثلا لوحة الموناليزا لأول وهله لما تشوفها تقول صورة ست هادية وخلاص
لكن لو قريت قصة اللوحة نفسها والبنت والنقد تكتشف ان اللوحه فيها أسرار كتيره منها أنها مبتسمه وحزينه في نفس الوقت دلالة على حيرة نفسيتها وكمان إن عيونها بتبص لكل الأتجاهات بنفس الزاويه والنظرة لأن الرسام كان بيحبهاوماكانش عايز يبعدها عن نظره
ولوحات بيكاسو اللي يشوفها يقول إيه العبط ده مع إنه من أهم الفنانين وليه مدرسة كاملة إسمها الفن التجريدي
وبعدين لازم يبقى عندنا ليونه كافيه عشان نتعلم الفن وكل جديد لأننا بنعيش ونموت بنتعلم يبقى نقد العمل الفني والعبرة منه هو اللي بيسموا بالنفس البشرية أضافة لجمال العمل الفني نفسه
loleta1 2011-09-07
والله ياريس اللي يحب الفن ويدرسه ويدرس تاريخ الفن ومدارس الفنانين وفلسفة الجمال والفن على إختلاف مدارسه يعرف إنه لازم يبقى مش مثالي برضه بدون إبتذال أو قبح عشان
محمد عبد المنعم 2011-09-07
أيوة ... العبرة دي هي اللي أنا بسميها الهدف ... فن بلا عبرة (واضحة أو لها درجة من الإستتار) = عبث
loleta1 2011-09-07
يكون صادق في نقل الحدث والصورة بعيوبها وكمان يحقق الهدف بتسليط الضوء على المشكله وحلها
عموما لو كان ليا عمر وأجل هأكتبلكم حبة مقالات عن فلسفة الفن ونظرة الفنانين للجمال وكمان مدارس الفن المختلفة ،وبعد أذنك ياريس إرئف بحال المواهب الشابة الجديده دي وياريت تضيف لنا تصنيف مواهب وشعر وأكون شاكرة انا وأخواتك الموهبين الصغيرين دووول وأسفة على الصداع الفني ده بس كعاشقه للفن لازم كنت أوضح الصورة
safaa 2011-09-07
ربنا يديلك الصحة وطول العمر.. واحنا مستنين المواهب دى ..ولاحظى ان معاكى منافسين شداد ..طبعا زى انوسة كدة.. وربنا معاكوا
loleta1 2011-09-07
ده من دواعي سروري المنافسين بيخللوا الواحد يقدم الأفضل وأن كنت انا مميزة أني لسة قادرة أكتب وأعمل مليون حاجة فوقت واحد وكفاية روزا وشقاوتها ده انا لو كنت متفرغة كنت عملت الهوايل وانا مخصصة وقت للموقع عشان بحبكم كلكم وبحب كل اللي بتقدموه هنا من معلومات
safaa 2011-09-07
ربنا يخليلك روزا ويبارك فيها..دى عندنا اهم حاجة
safaa 2011-09-07
اية ياانوس... حتة مقالة تعمل التعليقات دى كلها ..مش بنق عليكى ولا حاجة..بس نفسى اعرف التخصص بتاعك اية غير انك شاعرة
anos 2011-09-07
تخصصى الدراسى يعنى ؟
safaa 2011-09-07
بالظبط كدة ...وبعدين يالا الاول اسألينى قبل ما انزل من على كرسى الاعتراف
anos 2011-09-07
ميرسى ليكم جميعا بجد وانا بحترم جميع ارائكم جدا وبقدر مدى ثقلفتكم واللى انا كمبتدئه بستفيد منها وانا راى من راى لوليتا وده اللى كنت هكتبه او هنكلم فيه كراى ... الانسان يكبح فقط مشاعره اللى تخرج عن تعاليم الدين والاخلاق والافكار السيئه لكن مشاعر بريئه وصادقه تجاه شخص ما دون مصارحته بها تقريبا مفهاش حاجه .... انا رديت بناءا على طلبكم وبفكركم باحترامى التام لكل ارائكم
زغباوية 2011-09-07
حلو جدا تفهمك وروحك الرياضية ياأنوس واختلاف الرأى لايفسد للود قضية ده بالعكس كمية التعليقات الهادفة الكتيرة دى بتخلى الواحد يستفيد اكتر
loleta1 2011-09-07
تمام ياأنوس إكتبي كمان وكمان وأنا وراكي هزقك عشان ماتكسليش:-D
anos 2011-09-07
ان شاء الله يا لوليتا
عبد المنعم 2011-09-08
انا بس هاخد من اول :مشاعر بريئة وصادقة تجاه شخص ما دون مصارحته بها تقريبا مافيهاش حاجة .. وهاعلق عليها بس الساعة دلوقت ستة ونص وانا قاعد هنا اربعة .. ومش قادر بصراحة .. فى اول فرصة ان شاء الله .. انت بموضوعك ده رجعتينى تمانين سنة !!!
loleta1 2011-09-08
أمسك الخشب ياعمو حضرتك عايز تكبر نفسك ولاأيه:-(
محمد عبد المنعم 2011-09-08
هو حضرتك يا سي العضو عبد المنعم كنت مقضيها مراهقة قبل ما تتولد بيجي 15 سنة ... ياه ... أنا أعرف ان الطفل ممكن يبتدي يعيش سن المراهقة بتاعته من سن 3 أو أربع شهور ماشي ... لكن قبل ما يتولد دي معلومة جديدة
loleta1 2011-09-08
هههههههههههههههه يمكن ياريس
عبد المنعم 2011-09-08
هو يعنى الواحد ما يعرفش يفك عن نفسه شوية فى الموقع ده ؟؟ اروح فتاكات يعنى ؟؟!!!
عبد المنعم 2011-09-08
انما ايه العالم الصياعة دى ؟؟ انتم ايه اللى مصحيكم لغاية دلوقت ؟؟!!
loleta1 2011-09-08
والله ياعمو أنت تعمل أي حاجة أنت عاوزها لو عاوز فتكات نبئالك فتكات ،وبعدين انا بأصحى من 6 مش سهرانه لحد دلوقتي
safaa 2011-09-08
يالولو عمك مفكر الناس كلها بتسهر زية لحد الصبح
zedony.com - A mmonem.com production. عن زيدوني - Privacy Policy