ايه اللي هيحصل يعني ؟؟

5
انا بحس ساعات ان احنا بنعقدها شوية في المطبخ يعني :

ايه اللي هيحصل يعني لو سيحنا الشيكولاتة مباشرة علي النار من غير حمام مية؟

ايه اللي هيحصل يعني لو عملنا الكريم كرميل في صينية في الفرن بردو من غير حمام مية؟

ايه اللي هيحصل يعني لو حطينا السمن من غير مايقدح علي عجين الكحك مثلا؟

علي فكرة انا جربت في حاجات ولقيتها مش فارقه ياريت اللي عارف الهدف الحقيقي يعرفنا معاه.... بس يكون متأكد مش بيفتي

شكرا

 

إضافة 2011-09-02
غير محدد

التعليقات

wael pauomi osman 2011-09-03
ماليش فيه ومعرفش الاجابة لكن حاب اعرفها
زغباوية 2011-09-03
+1 حلو اوى السؤال ده وخصوصا لستات البيوت الجدد اللى مالهومش خبرة وعلشان انا بحب اسهل كل حاجة لنفسي فبحب اجرب وهاقولك
shady 2011-09-03
بالنسبة للمواضيع اللى قولتيها انا معرفش فيها بس احيكى على التفكير فى المواضيع بدل من الروتين و الموضوع دة انا كتبته فى مقال كان بيتكلم عن الكلام دة

http://www.zedony.com/index.php/article/view/id/3528

ياريت تعرفونى بتكتبوا اسم المقال بدل من الرابط ازاى :(
زغباوية 2011-09-03
بص ياشادى فى الرابط اللى انت ناسخه فوق هاتلاقى رقم فى الاخر انسخ الرقم فقط وحطه بين علامتين @ (شيفت و 2) زى كدا @ 4306 @ وطبعا من غير مسافات بينهم انا بس بوريلك هاتلاقيه قلب لوحده اسم المقال
الباشمهندسة 2011-09-04
@ شادي: انا اصلا مقالك ده عجبني جدا وعندي في مفضلاتي ورشحتة كمان لفترة في المسابفة الشهرية عشان فعلا احنا شعب تقليدي قوي وما بيحبش التجديد في حاجات كتير ومش بس كده مابيدورش اصلا علي سبب التقليد ده بيعمل وخلاص زيه زي غيره :O

الإجابات

3
الاجابة دى من تجارب فاشلة كتير ودى الخلاصة:
اولا بالنسبة للشيكولاتة لازم حمام ماء علشان بدونه الشيكولاتة هاتتحرق او تشيط وطبعا هاتلزق في الوعاء المحطوطة فيه
ودى انا جربتها بنفسي وعلى نار هادية جدا وبرضوا اتحرقت

واعتقد ان فكرة الشيكولاتة هى نفسها فكرة الكريم كراميل علشان مايتحرقش او لونه يغمق
الحاجات دى محتاجة حرارة غير مباشرة

اما بالنسبة للسمن الموضوع انه لازم يكون فى الصورة السائلة علشان يتجانس ومايتوغل فى العجينة ومايكلكعش فى حتة وحتةلأ

إضافة 2011-09-03

التعليقات

عبد المنعم 2011-09-04
كلامك صحيح
الباشمهندسة 2011-09-04
اولا الشيكولاتة ممكن تتسيح في شوية لبن صغيرة جدا وبكدا مش هتلزق وغالبا معظم الناس بتضيف اللبن بعد التسيح ودي متجربة.

ثانيا موضوع الكريم كراميل اصلا بيبقي فية كراميل فاتح في القالبمن تحت ولو الواحد رافع الصنية ومقلل درجة الحرارة في الفرن مخليها متوسطة يعني ماعتقدسشان فيه حاجة هتتحرق ودي متجربة

ثالثا طبعا عارفة ان السمن يبقي سايح انا بسأل ليه يبقي مقدوح لانه بيتحط مغلي مش مجرد سايح ودي بقي مش متجربة

:(
زغباوية 2011-09-04
خلاص جربتى يبقى مفيش مشكلة
اما بالنسبة للسمن المقدوح فهناك طرق بتتعمل من غير مايتقدح
zedony.com - A mmonem.com production. عن زيدوني - Privacy Policy