الغيرة عند الأطفال

6
أنا عندي طفل عمره 3 سنين وطفل ثاني عمره 6 شهور المشكلة عندي أإن الكبير بيغير من أخوه في كل حاجة لدرجة أنه أوقات كتير بيعيط وبيبقي عاوزني أديله التتينة وغير كدة كمان هو بقي عدواني مع كل الناس كبير وصغير ياريت حد عنده الحل اللي أقدر أعمله ويقوللي عليه ؟؟؟؟؟؟؟؟؟؟؟؟؟

 

إضافة 2010-12-14
سلوى
1771
غير محدد
تعديل 2011-10-25

الإجابات

6
لو بتدللي ابنك الصغير يبقى لازم تدللي الكبير (أو على الأقل تمثلي كدة) زيه بالظبط بنفس الطريقة والأسلوب وحتى نفس المفردات.

ولو بتزعقي ساعات لإبنك الكبير لازم برضه يشوفك وانتي بتمثلي انك بتزعقي لإبنك الصغير بنفس الأسلوب. ول لو حاول يقلدك انه يزعق فيه لازم تفهميه ان هو مينفعش يعمل كدة معاه لأنه أخوه

المشكلة انه لو زاد تدليلك للكبير هيفهم أنك بتفضليه عن أخوه وإن أخوه اللي بيعيط دايما مش كويس فممكن يقوم بمعاقبته من وراكي . ولو العكس هيحس بالغيرة وهيكرهه لأنه السبب في أنك انصرفتي عنه
إضافة 2010-12-14

التعليقات

Lady Rasha Reda 2011-10-25
صح
5
بالاضافه الي اجابه Monem الرائعه حاولي تشتتي ابنك الكبير بحاجات تانيه مثل لعب جديده تخرجيه يتفسح اكتر يروح مع باباه اي مشاوير بسيطه -حتي لو صلاه في الجامع - علشان يحس بالتغير واهميته ليكو هدايا تحطيها في سرير اخوه الصغير وتقولي له ان اخوك جابهالك وانت نايم.... حاجات زي كده
حاولي دايما تقللي من شأن اخوه الصغير زي ده بيستخدم بامبرز ده مش بيعرف يتكلم دة مش بيفهم ده بيعيط وبيزن كتير ومزعج ... لكن انت شاطر حلو بتعرف وبتعرف وبتعرف علشان ما يحاولش يقلد الحاجات الصغيره علي سنه والكلام ده لازم تقوليه يوميا وفي اليوم الواحد اكتر من مره ولازم باباه يساعدك في الاسلوب ده علشان تعدي المرحله الحاسة ديه بدون اي اثار سلبيه ان شاء الله.
إضافة 2010-12-15

التعليقات

Lady Rasha Reda 2011-10-25
صح برده، و حكايه الهدايا ديه نفعت معايا ، و كمان راح حضن أخوه
zedony.com - A mmonem.com production. عن زيدوني - Privacy Policy